#Adliya_xabari

❗️"O'qituvchilarga ehtirom" tadbiri bayram tantanalariga ulanib ketdi

✅Xabar berganimizdek, Farg'onada o'tkazilayotgan tadbirda alohida o‘rnak ko‘rsatgan taʼlim sohasi xodimlarini taqdirlash marosimi bo‘lib o‘tdi.

✅Tadbirda o‘qituvchilarning sharafli va mashaqqatlari mehnatlari eʼtirof etilib, ulardan bir guruhiga Farg'ona viloyat adliya boshqarmasi va maktabgacha va maktab ta'limi boshqarmasining faxriy yorliqlari, tashakkurnoma va esdalik sovg'alari topshirildi.

✅Shuningdek, vatan va xalq manfaati uchun xizmat qiladigan, faol fuqarolik pozitsiyasiga ega, bilimli va bunyodkor avlodni tarbiyalayotgan aziz ustozlarni tarannum etadigan ko‘ngilochar dasturlar, qiziqarli o‘yinlar, raqslar va qo‘shiqlar ijro etildi.

✅Bundan tashqari, nogironligi boʻlgan shaxslar tomonidan tayyorlangan mahsulotlar yarmarkasi ham tashkil etildi.

Telegram | Instagram | Facebook | YouTube | Bot

#Adliya_xabari

❗️Bayram tadbirida o'qituvchilar uchun bepul tibbiy ko'rik va sayyor qabullar bo'lib o'tdi

✅Farg'onadagi "O'qituvchilarga ehtirom" tadbiri davomida 50 nafardan ortiq o'qituvchiga birlamchi tibbiy xizmat va 47 ta sayyor davlat xizmatlari ko‘rsatildi.

✅Shuningdek, tadbir davomida adliya boshqarmasi, Fuqarolik ishlari bo‘yicha Rishton tumanlararo sudi hamda xususiy amaliyot bilan shug‘ullanuvchi notariuslar ishtirokida ommaviy sayyor qabul o‘tkazildi.

✅Qabul davomida 30 nafar o'qituvchiga tegishli huquqiy tushuntirish berilib, 3 nafarining murojaati ish yurituvga qabul qilindi.

✅Bundan tashqari, mazkur tadbir davomida Adliya boshqarmasi va hamkor tashkilot vakillari ishtirokida tadbir o'tkazilgan maktab o'quvchilari bilan ham uchrashuv tashkillandi. Namunali xulqi va a'lo baholarga o'qishi bilan o'rnak bo'lgan o'quvchilarga esdalik sovg‘alari topshirildi va bayram tadbirlari yakunlandi.

Telegram | Instagram | Facebook | YouTube | Bot