#Adliya_xabari

Buxoro davlat universiteti va Buxoro davlat texnika universitetida “Intellektual mulk sohasidagi faoliyatni himoya qilish” mavzusida ilmiy seminar o‘tkazildi

Seminarda Adliya vazirligi mas’ul xodimlari hamda soha mutaxassislari faol ishtirok etdilar.

Tadbir davomida mamlakatimizda intellektual mulk obyektlarini huquqiy muhofaza qilish, ularni amaliyotda samarali qo‘llash, yoshlar o‘rtasida mualliflik huquqi va patent madaniyatini oshirish masalalari atroflicha muhokama qilindi.

Mutaxassislar intellektual mulkning iqtisodiyot va ta’lim sohasidagi o‘rni, innovatsion faoliyatni rivojlantirishdagi ahamiyati, shuningdek, huquqbuzarliklarning oldini olish mexanizmlari haqida ma’ruza qildilar.

Seminarda ta'lim muassasalarining professor-o‘qituvchilari va talabalari ham faol qatnashib, o‘zlarini qiziqtirgan savollar bilan murojaat qildilar. Ishtirokchilar fikr-mulohazalari orqali intellektual mulk sohasidagi dolzarb masalalar yuzasidan keng qamrovli bilim va amaliy tavsiyalarga ega bo‘ldilar.

Mazkur ilmiy seminar yoshlarni intellektual mulkni qadrlash, mualliflik huquqlarini hurmat qilish va ijodiy ishlarda innovatsion yondashuvlardan samarali foydalanishga undashga xizmat qildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

Adliya vazirligi ishchi guruhining Buxoro viloyatiga xizmat safari “G‘ijduvon” erkin iqtisodiy zonasida davom etdi

Erkin iqtisodiy zonasida faoliyat yuritayotgan tadbirkorlar bilan muloqotlar davomida ular tomonidan amalga oshirilayotgan loyihalar bilan tanishildi.

Shuningdek, tadbirkorlik subyektlariga O‘zbekiston Respublikasining O‘RQ–1080-son Qonuni bilan tadbirkorlik subyektlarida intellektual mulk obyektlarini davlat ro‘yxatidan o‘tkazilishi jarayoni, ro‘yxatdan o‘tkazish jarayonlarida ortiqcha hujjatlardan voz kechilishi hamda intellektual mulk obyektlariga bo‘lgan huquqlarni buzganlik uchun javobgarlik kuchaytirilishini nazarda tutuvchi o‘zgartirish va qo‘shimchalar kiritilganligi haqida batafsil ma’lumot berildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

Yuridik xizmat ko'rsatish markazlari faoliyati bilan tanishildi.

Adliya vazirligi mas'ul xodimlari Buxoro viloyatiga xizmat safari doirasida Yuridik xizmat ko'rsatish markazlari faoliyati bilan tanishildi.

Bunda birinchi navbatda Markazlar xodimlariga yaratilgan sharoitlar o'rganildi. Markaz xodimlariga "E-huquqshunos" elektron tizimiga joriy etilayotgan innovatsion funksiyalar to'g'risida ma'lumotlar berildi.

Markaz xodimlarining sohani takomillashtirish yuzasidan bildirgan takliflari yurituvga olinib, mavjud muammolarni bartaraf etish yuzasidan mas'ullarga tegishli topshiriqlar berildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

Navoiy davlat universitetida ixtiro, foydali model va boshqa intellektual mulk obyektlarini muhofaza va himoya qilish yuzasidan targ'ibot tadbirlari tashkil etildi.

Tadbir davomida O‘zbekiston Respublikasining 2025-yil 8-avgustdagi O‘RQ–1080-son Qonuniga asosan intellektual mulkka bo‘lgan huquqlarni buzganlik uchun belgilangan jinoiy javobgarlik va kuchaytirilayotgan ma'muriy jazo choralari yuzasidan tushuntirilar berildi.

Shuningdek, kontrafakt mahsulotlar, ularni asl mahsulotlardan farqlash, bunday mahsulotlarning iqtisodiyotga zararlari to‘g‘risida batafsil ma'lumotlar berildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot