✅Qonunchilik palatasi deputatlari tomonidan davlat xizmatlari ko‘rsatish holati o‘rganildi.

🗓 2025-yil 17-sentyabr kuni O‘zbekiston Respublikasi Oliy Majlisi Qonunchilik palatasi Innovatsion rivojlanish va axborot texnologiyalari qo‘mitasi tomonidan Toshkent viloyatida davlat xizmatlarini raqamlashtirish va inklyuziv muhit yaratish holati o‘rganildi.

📍 Ushbu tadbir Nurafshon shahar Davlat xizmatlari markazi misolida o‘tkazildi.

🔹O'rganish davomida deputatlarga 450 dan ortiq xizmatlar davlat xizmatlari markazlari orqali ko‘rsatilayotganligi;
🔹Nogironligi bo‘lgan shaxslar uchun 50% chegirma, surdotarjimon xizmati va infratuzilmalarda qulayliklar yaratilganligi;
🔹Olis hududlarda sayyor xizmatlar va bepul huquqiy yordam tizimi yo‘lga qo‘yilganligi amaliy misollar bilan ko'rsatib berildi.

✅ Qo‘mita a’zolari tomonidan xizmatlar samaradorligini oshirish, inklyuziv muhitni rivojlantirish va fuqarolarga qulayliklar yaratish bo‘yicha qo'shimcha taklif va tavsiyalar berib o'tildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

❗️Quvasoyda "Ijtimoiy himoyaga muhtoj aholi qatlamlariga huquqiy ko'mak" aksiyasi o'tkazildi

✅Adliya vazirining 2025-yil 8-sentyabrda “Ijtimoiy himoyaga muhtoj aholi qatlamlariga huquqiy ko'mak” aksiyasini oʻtkazish to'g'risidagi 313-um-sonli buyrug'i ijrosi yuzasidan Quvasoy shahrida o'nlab hamkor tashkilotlar ishtirokida huquqiy aksiya o'tkazildi.

✅Tadbirda 150 dan ortiq ijtimoiy himoyaga muhtoj aholi qatlamlarining huquqiy ongi va huquqiy madaniyatini yanada oshirish maqsadida qonunchilik hujjatlarida belgilangan huquqlar, kafolatlar va imtiyozlar yuzasidan huquqiy tushuntirish berildi. Ularning huquqiy savodxonligini oshirish yuzasidan 120 dan ortiq huquqiy targ'ibot materiallari tarqatildi.

✅O'tkazilgan sayyor qabulda 40 dan ortiq fuqarolarning murojaatlari tinglandi. Mazkur murojaatlarning 13 tasi joyida hal etildi, 11 tasiga huquqiy tushuntirish berildi. O'rganish talab qilingan 19 ta murojaatlar belgilangan tartibda ish yurituvga olindi.

✅132 nafar fuqarolar bepul tibbiy ko'rikdan oʻtkazildi. 68 nafar fuqarolarga bepul dori-darmonlar tarqatildi. 25 nafar fuqarolar ultratovush diagnostikasi (UTT)dan, 18 nafar fuqarolar elektrokardiogramma (EKG) apparati ko'rigidan hamda 41 nafar fuqarolar laboratoriya tekshiruvidan oʻtkazilib, 10 nafariga shifoxonalarga yo'llanmalar berildi.

✅Mehnat yarmarkasi davomida shahardagi davlat tashkilotlari va zavodlarga ishga joylashish bo'yicha 6 nafar fuqarolarga yo'llanmalar berildi. Tadbir davomida aholiga 32 ta sayyor davlat xizmatlari ko'rsatildi hamda 49 nafar ijtimoiy himoyaga muhtoj aholi qatlamlari ishtirokida soʻrovnomalar tashkil etilib, ularning mavjud muammolarini aniqlash choralari ko'rildi.

✅Shuningdek, tadbir ishtirokchilari o'rtasida sovrinli viktorina o'tkazilib ularning kayfiyatini ko'tarish maqsadida koʻngilochar dasturlar tashkil etildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot