#Adliya_xabari

✅Namangan viloyatida advokatlar va notariuslar bilan ochiq muloqot o'tkazildi.

🔹Adliya vazirligi mas'ullari tomonidan Namangan viloyatida faoliyat yurituvchi advokatlar va notariuslar bilan uchrashuvlar o'tkazib, sohadagi muammoli holatlar boʻyicha fikr almashildi.

🔸Xususan, advokatura sohasidagi yangiliklar, sohadagi muammoli holatlar hamda davlat hisobidan yuridik yordam koʻrsatish masalalari hamda notariat sohasidagi yangiliklar, muammoli holatlar va ularning yechimlari, sohani takomillashtirishga oid takliflar hamda onlayn notarial harakatlar sonini oshirish masalalari yuzasidan tushuntirishlar berildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

✅Adliya vaziri o‘rinbosari M.Istamov Sirdaryo viloyatiga xizmat safarida bo'ldi

🔹Vazir o'rinbosari viloyatdagi huquqni muhofaza qiluvchi organlar — sud, prokuratura, ichki ishlar organlari, tergov va surishtiruv organlari xodimlari bilan amaliy uchrashuv o‘tkazdi.

🔸Muloqotda sud-ekspertiza sohasidagi islohotlar, xususan, O‘zbekiston Respublikasi Prezidentining “Sud-ekspertlik faoliyatini yanada takomillashtirish va sohaga zamonaviy texnologiyalarni keng joriy etish chora-tadbirlari to‘g‘risida” 2025-yil 8-sentyabrdagi PQ–270-son qarori mazmun-mohiyatiga alohida to‘xtalib o‘tildi.

🔹Uchrashuv davomida “E-ekspertiza” axborot tizimi orqali elektron hujjat almashinuvini joriy etish tartibi, sud-ekspertiza jarayonlarini texnik va huquqiy jihatdan yangilash, ekspertizalarda raqamli texnologiyalar va sun'iy intellektdan foydalanishning afzalliklariga urg‘u berilib, hududiy organlarda ushbu qarorni to‘g‘ri va to‘liq tatbiq etishga doir vazifalar belgilab olindi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot