🔹Ta’kidlash joizki, mazkur qonun loyihasining maqsadi aholi manfaatlarini qonuniy himoya qilish, ularni xavfsiz va qulay uy-joy bilan ta’minlash hamda zamonaviy muhandislik va ijtimoiy infratuzilmalarni barpo etishdan iborat bo‘lib, ushbu loyiha bilan quyidagi asosiy jihatlar belgilanmoqda:
– shaharsozlik renovatsiyasining asoslari, prinsiplari va maqsadlari hamda amalga oshirish bosqichlari, shuningdek renovatsiyasini amalga oshirishning majburiy shartlari;
– shaharsozlik renovatsiyasi sohasida davlat boshqaruvi asoslari (tegishli idora va tashkilotlarning ushbu sohadagi vakolatlari), shaharsozlik renovatsiyasini amalga oshirishga tashabbus qilish va renovatsiya loyihalarini ishlab chiqish hamda amalga oshirish jarayonlari;
– huquq egalari bilan ochiq muhokama o‘tkazish hamda ular bilan kelishuv bitimi tuzish tartib-taomili, shuningdek renovatsiya loyihasi doirasida kompensatsiya berish tartibi, jumladan kompensatsiya miqdorini aniqlash va kompensatsiya shakllari;
– shaharsozlik renovatsiyasi dasturini amalga oshirishda yer munosabatlarini tartibga solish va shaharsozlik renovatsiyasini amalga oshirishda davlat
va jamoatchilik nazorati, jumladan “Shaharsozlik renovatsiyasi” elektron platformasi, vakolatli davlat organlarning rasmiy veb-sayti yoki ijtimoiy tarmoqlardagi sahifalar orqali onlayn kuzatib borish.