✅Sud-ekspertlik faoliyati yanada takomillashtirilmoqda

🔸Joriy yilning 10-sentabr kuni Adliya vazirligi tomonidan X. Sulaymonova nomidagi Respublika sud ekspertiza markazida O‘zbekiston Respublikasi Prezidentining 2025-yil 8-sentabrdagi “Sud-ekspertlik faoliyatini yanada takomillashtirish va sohaga zamonaviy texnologiyalarni keng joriy etish chora-tadbirlari to‘g‘risida”gi PQ–270-son qarorida belgilangan asosiy yangiliklar, ularning ahamiyati hamda sohaning mavjud imkoniyatlari yuzasidan matbuot anjumani va press-tur tashkil etildi.

❗️Mazkur qaror mamlakatda sud-ekspertlik tizimini rivojlantirishda muhim qadam bo‘ldi. Xususan, Sud-tergov organlari hamda sud-ekspertiza tashkilotlari o‘rtasida hujjatlar almashinuvi “E-ekspertiza” platformasi orqali bosqichma-bosqich elektron shaklda amalga oshirilishi belgilandi. Ushbu tizimni yo‘lga qo‘yilishi natijasida tadqiqotlar o‘tkazish muddati 8-15 kunga qisqaradi hamda yiliga 9-10 mlrd so‘m mablag‘ tejaladi. Shuningdek, advokatlarga ma’muriy huquqbuzarlikka doir ishlarni yuritishda shartnomaga muvofiq advokat so‘rovi asosida ekspertiza o‘tkazish huquqi berildi. Bundan tashqari, Qaror bilan hududlarda o‘tkaziladigan ekspertizalar turlarini ko‘paytirish orqali nomarkazlashtirish masalasi hal etildi.

🔹Tadbirda huquqni muhofaza qiluvchi organlar, davlat sud-ekspertiza muassasalari, nodavlat sud-ekspertiza tashkilotlarining vakillari, soha mutaxassislari va olimlari hamda ommaviy axborot vositalari vakillari ishtirok etishdi.

🔸Tadbirning ikkinchi qismida X. Sulaymonova nomidagi Respublika sud ekspertiza markazi faoliyatini yaqindan tanishtirish maqsadida Press-tur tashkil etildi. Press-tur davomida sud ekspertiza sohasida amalga oshirilayotgan ishlar, xususan, markazda tashkil etilgan muzey hamda barcha laboratoriyalar faoliyati bilan yaqindan tanishtirilib, laboratoriya va bo‘limlar faoliyati taqdimot qilindi.

🔹Bu kabi tadbirlar kelgusida sud-ekspertiza sohasini yanada takomillashtirishga xizmat qiladi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

✅Adliya vazirligi tomonidan ishlab chiqilgan qonun loyihasi Oliy Majlis Qonunchilik palatasi tomonidan qabul qilindi

🔸Adliya vazirligi tomonidan ishlab chiqilgan yangi tahrirdagi “Maʼmuriy tartib-taomillar toʻgʻrisida”gi qonun loyihasi joriy yilning 9-sentyabr kuni boʻlib oʻtgan Oliy Majlis Qonunchilik palatasining navbatdagi yalpi majlisida koʻrib chiqildi.

🔹Qayd etish kerakki, ushbu qonun loyihasining maqsadi fuqarolar va tadbirkorlik subyektlarining davlat organlari bilan munosabatga kirishishdagi aniq tartib-taomillarni belgilash, ularning huquqlari va qonuniy manfaatlarini davlat organlari xodimlarining huquqqa xilof harakatlaridan himoya qilishdan iborat boʻlib, loyiha bilan quyidagi asosiy jihatlar belgilanmoqda.

– rivojlangan davlatlarning tajribasidan kelib chiqib, Qonunning qoʻllanilish sohasi kengaytirilmoqda. Xususan, davlat nazorati, tekshiruvi tartiblari, fuqarolarning pensiya taʼminoti, harbiy roʻyxatga olish va harbiy xizmatga chaqirish, yer munosabatlari sohalariga tatbiq etilishi aniq belgilanmoqda;
– maʼmuriy tartib-taomillar sohasiga oid arizalar bilan "Jismoniy va yuridik shaxslarning murojaatlari toʻgʻrisida"gi Qonun boʻyicha koʻrib chiqiladigan murojaatlarning farq chegaralari aniq belgilab berilmoqda;
– fuqarolarning huquqlarini ishonchli himoya qilish maqsadida Qonun oʻzboshimchalikni taqiqlash, vakolatlarni maqsadga nomuvofiq tarzda qoʻllashni taqiqlash, huquqni qoʻllashni asoslantirmasdan rad etishga yoʻl qoʻyilmasligi kabi yangi prinsiplar bilan toʻldirilmoqda;
– maʼmuriy ish yuritishda guvoh, ekspert, mutaxassis, tarjimonlarning vazifalari, huquqlari va majburiyatlari aniq belgilanmoqda;
– maʼmuriy organlar tomonidan maʼmuriy ishlarning reyestrini yuritish tartibi va uning mexanizmlari belgilanmoqda;
– maʼmuriy hujjatning haqiqiy deb hisoblanishining hamda bekor qilish, oʻzgartirishning yangi mexanizmi belgilanmoqda.

🔸Mazkur Qonunning qabul qilinishi kelgusida maʼmuriy tartib-taomillarning yagona va shaffof mexanizmi yaratilishiga hamda ushbu jarayonlarda fuqarolarning huquq va erkinliklari taʼminlanishiga xizmat qiladi.

🔹Muhokama natijalariga koʻra, yangi tahrirdagi “Maʼmuriy tartib-taomillar toʻgʻrisida”gi Qonun loyihasi deputatlar tomonidan bir ovozdan qabul qilinib, Oliy Majlis Senatiga yuborildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

✅Adliya vaziri oʻrinbosari N.Muxammadiyev Mingbuloq tumanida fuqarolar bilan uchrashdi.

🔹Namangan viloyati Mingbuloq tumanidagi xizmat safari davomida adliya vaziri oʻrinbosari mahalladagi tadbirkor faoliyati bilan yaqindan tanishdi. Ushbu tadbirkor hozirga qadar, ustoz-shogird anʼanalariga muvofiq, 6 nafar yoshga hunarning sir-asrorlari oʻrgatgan. Bugungi kunda ham 3 nafar doimiy, 5 nafar mavsumiy ishchilar ishlamoqda.

🔸Tadbirkor bilan muloqotda, tadbirkorlarning huquqlarini himoya qilish, davlat tomonidan taqdim etilayotgan soliq va boshqa imtiyozlar, qoʻllab-quvvatlash mexanizmlari haqida maʼlumotlar berildi.

🔹Shu kuni, vazir oʻrinbosari tomonidan “Tegirmonboshi” mahallasida “Mahalla yettiligi” hamda aholi vakillari bilan yuzma-yuz muloqot olib bordi.

🔸Muloqot davomida mahalla faollari tomonidan ijtimoiy himoya, bandlik, huquqiy maslahatlar, oilaviy nizolarni bartaraf etish, yoshlar orasida jinoyatchilik va huquqbuzarliklarning oldini olish borasida olib borilayotgan ishlar haqida batafsil maʼlumot berildi.

🔹Shundan soʻng, mahalla fuqarolarini qiynab kelayotgan muammolarni tingladi. Xususan, fuqarolarning e-auksion orqali yutib olingan yerni boshqa shaxsga notarius orqali oʻtkazish amaliyoti, tugʻilganlik guvohnomasini takroran olish, kadastr, meros, ajrim masalalar yuzasidan 25 ta murojaat tinglandi va 15 ta murojaatga joyida huquqiy tushuntirish berildi qolgan 10 ta murojaat esa muddat va oʻrganish talab qilgani bois, adliya boʻlimi ish yurituviga olindi.

🔸Masalan, Tegirmonboshi MFY da yashovchi fuqaro Dilshoda Yo'ldasheva taʼlim sohasidagi Milliy sertifikati boʻyicha ustama haqlari toʻlanishi yuzasidan toʻgʻrisidagi murojaati, Oʻzgarish MFYda yashovchi fuqaro Dilnoza Mashrapova gaz tarmogʻiga ulanishda abonent raqamini olish masalasida qilgan murojaati adliya boʻlimi ish yurituviga olindi.

🔹Kunning ikkinchi yarmida, Mingbuloq tumani "Oybek" mahallasi "Mahalla yettiligi" bilan muloqot qilindi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

✅Mahalliy davlat hokimiyati organlarining vakolatlari mahalliy vakillik va mahalliy ijro etuvchi hokimiyat organlari o‘rtasida taqsimlanmoqda!

🔺Oliy Majlis Qonunchilik palatasining navbatdagi majlisida O‘zbekiston Respublikasining “Mahalliy davlat hokimiyati organlari faoliyati takomillashtirilganligi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonun loyihasi oriy yilning 9-sentyabr kuni boʻlib oʻtgan Oliy Majlis Qonunchilik palatasining navbatdagi yalpi majlisida koʻrib chiqildi.

🔹Mazkur qonun loyihasi bilan Yangi tahrirdagi O‘zbekiston Respublikasi Konstitutsiyasiga muvofiq mahalliy Kengash raisi va hokim lavozimlari bir-biridan ajratilganligi sababli 9 ta kodeks va 69 ta qonun qayta ko‘rib chiqilib, mahalliy davlat hokimiyati organlariga yuklatilgan vakolatlar mahalliy vakillik va ijro organlari o‘rtasida ixtisoslashtirish nazarda tutilmoqda.

Xususan:
▪️mahalliy davlat hokimiyati organlarining vazifalari “Kuchli Kengash, hisobdor va tashabbuskor hokim” tamoyili asosida vakillik va ijro etuvchi hokimiyat organlari o‘rtasida aniq taqsimlanmoqda;
▪️mahalliy Kengashlarga hokimliklarning 28 ta vakolatlari hamda qonun hujjatlarida mahalliy davlat hokimiyati organlariga umumiy berilgan vakolatlarning aniqlashtirilishi natijasida qo‘shimcha 33 ta vakolat o‘tkazilmoqda.

🔺Shuningdek, mahalliy Kengashlar va hokimliklarning faoliyatiga xos bo‘lmagan va respublika ijro etuvchi organlari vakolatlariga oid takrorlanuvchi vazifalar bekor qilinmoqda.

🔺Muhokama natijalariga koʻra, Qonun loyihasi deputatlar tomonidan bir ovozdan qabul qilinib, Oliy Majlis Senatiga yuborildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot