#Adliya_xabari

Adliya vaziri o‘rinbosari M.Istamov ishtirokida Andijonda davlat organlari va tashkilotlarining huquqiy axborotni tarqatish va undan foydalanish samaradorligini yanada oshirish bo'yicha uchrashuv o‘tkazildi.

✅ Joriy yilning 27-avgust kuni Andijon viloyatida Adliya vaziri o‘rinbosari M.Istamov tomonidan davlat organlari va tashkilotlarining yuridik xizmat hamda huquqiy targ‘ibot yo'nalishi bo'yicha mas'ul bo‘lgan xodimlar ishtirokida uchrashuv bo‘lib o‘tdi.

✅ Uchrashuv davomida, Andijon viloyatining davlat organlari va tashkilotlarida yuridik xizmat va huquqiy axborotni yetkazish yuzasidan viloyatda amalga oshirilgan ishlar atroflicha muhokama qilindi.

✅Shuningdek, ishtirokchilar tomonidan joylardagi amaliy muammolar va takliflar bildirildi hamda ularni hal etish bo‘yicha tegishli tavsiyalar berildi.

✅ Tadbir yakunida, 1-sentyabr – “Mustaqillik kuni” bayrami munosabati bilan yuridik xizmat xodimi vazifalarini o‘z vaqtida va sifatli bajarayotganligi, sohani rivojlantirishga qo‘shayotgan hissasi va samarali mehnati uchun bir qator soha xodimlari Andijon viloyati adliya boshqarmasining tegishli faxriy yorliqlari bilan taqdirlandi.

Telegram | Instagram | Facebook | YouTube | Bot

#Adliya_xabari

Adliya vaziri o‘rinbosari Andijon viloyatida huquqiy targ‘ibot tadbirlari ko‘lamiga oid taqdimot bilan tanishdi.

✅ Adliya vaziri o‘rinbosari M.Istamov tomonidan Asaka tumani "Fayziobod" mahallasida "Huquqiy targ‘ibot kuni" doirasida olib borilayotgan huquqiy targ‘ibot ishlari, aholining huquqiy muammolarini o‘rganish jarayoni hamda adliya boshqarmasining Huquqiy targ'ibot sohasida 2025-yilning o'tgan 8 oyi davomida amalga oshirilgan ishlari yuzasidan taqdimot tayyorlanib, amalga oshirilgan ishlar yuzasidan batafsil maʼlumotlar berildi.

✅ Ochiq muloqot shaklida o‘tkazilgan tadbirda, aholining huquqiy savodxonligini yanada yuksaltirish, huquqiy axborotni sodda va xalqchil uslubda yetkazish, turli ijtimoiy qatlam vakillariga mos yo‘nalishda targ‘ibot ishlarini olib borish zarurligi ta’kidlandi.

✅ Shuningdek, Andijon viloyat adliya boshqarmasi va "Intellektual mulk markazi" davlat muassasasining koʻmagi bilan geografik koʻrsatkich sifatida Adliya vazirligi tomonidan davlat roʻyxatidan oʻtkazilgan "Asaka bo'yin go'shti” va "Andijon do'ppisi" guvohnomalari Adliya vaziri o‘rinbosari tomonidan Asaka tuman hokimligi, Hunarmand” uyushmasining Andijon viloyat boshqarmasi va tadbirkorlik subyektlariga tantanali topshirildi.

✅ Uchrashuv yakunida, O‘zbekiston Respublikasining "O‘zboshimchalik bilan egallab olingan yer uchastkalariga hamda ularga qurilgan binolar va inshootlarga bo‘lgan huquqlarni e’tirof etish to‘g‘risida"gi qonuni ijrosi yuzasidan Asaka tuman "Fayziobod" mahallasida mulk huquqi e’tirof etilgan shaxslarga egalik huquqni tasdiqlovchi hujjatlar tantanali ravishda topshirildi.

Telegram | Instagram | Facebook | YouTube | Bot

✅Toshkent shahrida tadbirkorlar bilan uchrashuv o‘tkazildi

🔹Adliya vaziri o‘rinbosari N.Muxammadiyev rahbarligidagi Ishchi guruhi tomonidan tadbirkorlarning muammo va takliflarini bevosita o‘rganish, hal qilish va tizimli muammolarning yechimi bo‘yicha taklif ishlab chiqish maqsadida “Yangi Avlod” kichik sanoat zonasida tadbirkorlar bilan uchrashuv o‘tkazildi.

🔸Uchrashuvda 61 nafar tadbirkor ishtirok etib, ular o‘zlari duch kelayotgan muammo va takliflarni o‘rtaga tashlashdi. Toshkent shahar hokimligi, Savdo-sanoat palatasi, Davlat aktivlarini boshqarish agentligining Toshkent shahar boshqarmasi, Soliq boshqarmasi hamda Biznes ombudsman vakillari tadbirkorlarning yer masalasi, infratuzilma, shartnoma, bank, soliq masalalari, shuningdek imtiyoz va preferensiyalar qo‘llashga oid savollariga javob berishdi.

🔹Murojaatlarning 22 tasi ko‘rib chiqilishi nazoratga olindi va aksariyat savollarga shu joyning o‘zida huquqiy tushuntirishlar berildi.

Telegram | Instagram | Facebook | YouTube | Bot