#Adliya_xabari

Adliya vaziri Akademik litsey faoliyati bilan tanishdi.

Adliya vaziri A.Tashkulov dastlab, akademik litseyda birinchi yarim yillikda amalga oshirilgan ishlar, oʻquvchilarni oʻqitishdagi metodikalar hamda yangiliklar bilan yaqindan tanishdi.

Shuningdek, joriy oʻquv yiliga tayyorlik, oʻquvchi yoshlarga yaratilgan qulayliklar va kelgusida amalga oshirilishi lozim boʻlgan ishlar boʻyicha taqdimotni koʻzdan kechirdi. Taʼlim sifatini yaxshilash, oʻqishga qabul qilingan yoshlarni bilimli boʻlishi uchun qanday jihatlarga eʼtibor qaratish kerakligi yuzasidan masʼullarga topshiriq va koʻrsatmalar berdi.

Shuningdek, mazkur dargohda faoliyat olib borayotgan oʻqituvchilar bilan muloqot olib bordi. Ularni taklif va mulohazalari tinglab, yaratilgan sharoit va imkoniyatdan unumli foydalangan holda ertamiz egalarini bilimli va har tomonlama yetuk shaxs boʻlishida malakali oʻqituvchi-pedagoglarni oʻrni alohida ekanini taʼkidladi.

Akademik litsey faoliyati hamda yaratilgan sharoitlarni koʻzdan kechirish jarayonida oʻquvchilarga yanada qulay sharoit va sifatli bilim olishlari uchun koʻmaklashishga xizmat qiladigan yangi innovatsion loyihalarni amalga oshirish lozimligini aytib oʻtdi.

Telegram | Instagram | Facebook | YouTube | Bot

#Adliya_xabari

Adliya vaziri Namangan shahridagi “Dashtbogʻ” mahallasida boʻldi.

Dashtbogʻ mahallasi Namangan shahridagi tadbirkorlik faoliyati bilan shugʻullanadigan mahallalarda biri. Bu yerda, 703 ta xonadon mavjud bo'lib, 5012 nafar aholi istiqomat qiladi. Huquqiy mahalla loyihasi doirasida ushbu mahallada 400 ga yaqin huquqiy muammolar aniqlandi.

Adliya vaziri A.Tashkulov mazkur mahallaga tashrif buyurib, “mahalla yettiligi” bilan muloqot qildi.

Uchrashuvda aholining huquqiy muammolarini bartaraf etish, jinoyatchilik va huquqbuzarliklarni oldini olish, huquqiy targʻibotni kuchaytirish yuzasidan amalga oshirilayotgan ishlar muhokama etildi.

Shuningdek, aholining huquqiy muammolarini oʻrganish va ularni bartaraf etish borasidagi ishlarga ham alohida eʼtibor qaratildi. Xususan, Namangan shahar adliya boʻlim boshligʻi 7 oy davomida 7 ta mahalla fuqarolar yigʻinida oʻtkazilgan oʻrganishlarda aniqlangan muammolar, “Onlayn mahalla”, “Huquqiy mahalla”, “Adliya mahalla” platformalariga kiritilib hal etilgan murojaatlar haqida taqdimot oʻtkazdi. Adliya vaziri, uyma-uy oʻrganishlarda har bir jihatga alohida eʼtibor qaratish, aniqlangan muammo va masalalarni tegishliligi boʻyicha hal etishga koʻmaklashish kerakligini taʼkidladi.

Shu kuni, adliya boʻlimi tomonidan birlamchi minimal standartlarga rioya qilish holati yuzasidan tayyorlangan taqdimot bilan ham tanishdi. Unda, mahallalardagi mavjud yoʻl belgilar, maktab va bogʻchalardagi minimal talablar va boshqa standartlar boʻyicha oʻtkazilgan oʻrganishlar tahlil qilindi. Adliya vaziri bu oʻrganishlar avvalo inson qadri uchun tamoyilini roʻyobga chiqarish mahallalarda aholiga qulay sharoitlarni yaratishda ayni muddao boʻlishini taʼkidladi.

Telegram | Instagram | Facebook | YouTube | Bot

#Adliya_xabari

Adliya vaziri kunning ikkinchi yarmida Namangan viloyati davlat arxivida boʻldi

Adliya vaziri Namangan viloyatidagi xizmat safari davomida yaqida zamonaviy koʻrinishda qad rostlagan viloyat davlat arxivida boʻlib, aholiga arxiv sohasida davlat xizmatlari koʻrsatish sifati, davlat arxivining moddiy texnik bazasi, hujjatlarning saqlanish holati, mavjud arxiv hujjatlarini raqamlashtirish jarayonlari bilan tanishib, mavjud muammolarni oʻrgandi.

Arxiv xodimlari bilan suhbatda, sohani yanada takomillashtirish, hujjatlarni saqlash va raqamlashtirish jarayonlarni jadallashtirish kerakligini taʼkidlandi.

Shuningdek, ish yuritish sohasida davlat xizmatlarini koʻrsatishning maʼmuriy reglamentlari talablarining bajarilishi yuzasidan zarur tavsiyalar berildi.

Telegram | Instagram | Facebook | YouTube | Bot

#Adliya_va_yoshlar

Oʻzbekiston Respublikasi Prezidentining “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish chora-tadbirlari toʻgʻrisida”gi qarori ijrosini taʼminlash maqsadida Samarqandda “Yoshlar ishsizligiga barham berish, jinoyatchilikni oldini olishga qaratilgan respublika amaliy seminari"da Adliya vaziri oʻrinbosari Sh.Rabiev ishtirok etib, “Yoshlarning huquqiy savodxonligini oshirishning zamonaviy mexanizmlari (Oʻzbekiston tajribasida)” mavzusida nutq soʻzladi.

🔹Taʼkidlandiki, Adliya vazirligi tizimidagi 4 460 nafar yoshlar 1 004 nafar adliya xodimlariga biriktirilgan. Mazkur yoshlar bilan manzilli ishlarni tashkil qilish maqsadida tegishli chora-tadbirlar ishlab chiqilgan. Biriktirilgan yoshlardan 2 013 ta muammolari aniqlanib, shundan 1 653 nafar yoshlarning muammolari ijobiy hal qilingan.

🔹Sh.Rabiev oʻz nutqida yoshlarning huquqiy savodxonligini oshirishning zamonaviy mexanizmlari (Oʻzbekiston tajribasi) va ularni amaliyotda qoʻllash boʻyicha vazirlik tomonidan bugunga qadar bajarilgan ishlar koʻlami bilan tanishtirdi. Shuningdek, yoshlar bilan manzilli ishlash tizimini yanada takomillashtirish va huquqni muhofaza qiluvchi organlar bilan oʻzaro hamkorlikni kuchaytirishga oid takliflarni bildirdi.

🔹Maʼlumot uchun: Adliya vazirligi tomonidan yoshlarning huquqiy ongi va huquqiy madaniyatini yuksaltirish boʻyicha televideniye, radio va ijtimoiy tarmoqlarda 1 960 dan ortiq chiqishlar, mahallalarda 6 686 ta seminar, davra suhbatlar, “Maʼrifat nuri-Jadidlar”, “Islohotlarga daxldorman” hamda “Mening Vatanim” shiorlari ostida jami 400 dan ortiq targʻibot tadbirlari, “Adliya kubogi”, “Shijoat va gʻayrat” harbiy sport musobaqalari, “Sportni sev, sport bilan yasha!” shiori ostida mini futbol musobaqalari, “Huquqingni bil” va “Huquqiy bilimlar kuni” flesh mob aksiyasi doirasida respublika boʻyicha 2 100 nafar yoshlar ishtirokida “Yoshlar - huquqiy sayli” tashkil qilindi. Mahallalarda uyma-uy yurgan holda 226 mingdan ortiq xonadonga kirilib, huquqiy tushuntirish berildi. 208 ta tuman (shahar)dagi maktablarda oʻqituvchilar va taʼlim oluvchilarning huquqiy ongi va madaniyatini oshirish maqsadida “Huquq sinfi” hamda boshqa tadbirlar tashkil etildi.

🔹Yoshlar jinoyatchiligini oldini olish – faqat huquqni muhofaza qilish organlarining emas, balki butun jamiyatning masʼuliyati. Kompleks yondashuv, yaʼni taʼlim, tarbiya, psixologik yordam, bandlik va sogʻlom turmush tarzini targʻib qilish birgalikda amalga oshirilsa, jinoyatchilik darajasini sezilarli kamaytirish mumkin.

Telegram | Instagram | Facebook | YouTube | Bot