#Adliya_xabari
#Andijon_viloyati

✅Adliya vazirligi mas'ullari Andijon viloyatida xizmat safarida bo'lib turishibdi

🔸Safar davomida tadbirkorlar bilan uchrashib, “Notariat institutini yanada rivojlantirish hamda sohaga zamonaviy axborot-kommunikatsiya texnologiyalarini keng joriy etishga oid qo‘shimcha chora-tadbirlar to‘g‘risida”gi qaror loyihasining mazmun-mohiyati, amaliy ahamiyati va kutilayotgan natijalari haqida batafsil tushuntirishlar berildi.

🔹Shuningdek, O‘zbekiston Respublikasi Notarial palatasi bilan birgalikda Andijon shahridagi xususiy notarius faoliyati bilan tanishib, notarial harakatlar davomida, elektron raqamli imzo va videoaloqa orqali ko‘rsatilayotgan xizmatlar, ularning huquqiy asoslari hamda texnik ta’minoti o‘rganildi.

🔸Bundan tashqari, Andijon viloyat adliya boshqarmasi Andijon viloyatida xususiy amaliyot bilan shug‘ullanuvchi notariuslar ishtirokida seminar tashkil etildi.

🔹Seminarda notariat tizimini raqamlashtirish, xizmatlar sifatini oshirish, huquqiy yordamning ochiqligi va qulayligini ta’minlash kabi masalalar atroflicha muhokama qilindi.

Telegram | Instagram | Facebook | YouTube | Bot

✅Shveysariyaning Jeneva shahrida bo‘lib o‘tayotgan Butunjahon Intellektual Mulk Tashkiloti (BIMT) a’zo davlatlar Bosh assambleyasining 66-sessiyasi doirasida adliya vaziri A. Tashkulov va BIMT Bosh direktori janob D. Tang o‘rtasida ikki tomonlama uchrashuv o‘tkazildi.

🔸Uchrashuvda janob D. Tangning may oyida O‘zbekistonga amalga oshirilgan rasmiy tashrifi davomida erishilgan hamkorlik tashabbuslari muhokama qilindi. Jumladan, 2027 – 2030-yillarga mo‘ljallangan yangi Milliy intellektual mulk strategiyasini ishlab chiqish, istiqbolli geografik ko‘rsatkichlarni aniqlash, ularni xalqaro ro‘yxatdan o‘tkazish va targ‘ib qilish bo‘yicha qo‘shma chora-tadbirlar ko‘rib chiqildi.

🔹Shuningdek, joriy yilning sentyabr – oktabr oylarida “Tadbirkor ayollarni o‘qitish, murabbiylik qilish va hamkorlarni tanlash” dasturi loyihasining yakunlovchi bosqichini o‘tkazish masalasi muhokama qilindi. Ushbu muhim tadbirni Toshkent yoki Samarqand shaharlarida tashkil etish taklif etildi.

❗️Ma’lumot uchun: 2024-yil 3-sentabrdan 2025-yil 31-yanvargacha davom etgan BIMTning “Tadbirkor ayollarni o‘qitish, murabbiylik qilish va hamkorlarni tanlash” onlayn dasturida o‘zbekistonlik tadbirkor ayollarning ishtiroki ta’minlandi.

🔹Shu bilan birga, adliya vaziri BIMT bosh direktoriga barcha hamkorlik yo‘nalishlarida ko‘rsatilayotgan doimiy ko‘mak uchun minnatdorchilik bildirdi hamda O‘zbekistonning geografik ko‘rsatkichlarini keng targ‘ib qilish maqsadida 2026-yilda bo‘lib o‘tadigan Bosh assambleya yig‘ilishi doirasida BIMT binosida maxsus ko‘rgazma tashkil etish tashabbusini ilgari surdi.

🔸Uchrashuv doirasida muhim hujjat – BIMTning Arbitraj va Mediatsiya markazi hamda O‘zbekiston Respublikasi Adliya vazirligi o‘rtasida hamkorlik to‘g‘risidagi memorandum imzolandi.

🔹Mazkur memorandum intellektual mulk sohasidagi nizolarni xalqaro standartlar asosida, muqobil nizolarni hal etish vositalaridan foydalangan holda hal etishga, shuningdek, mahalliy mediatorlarning bilim va ko‘nikmalarini oshirishga qaratilgan.

🔸Uchrashuv BIMT va O‘zbekiston o‘rtasidagi strategik hamkorlikni yanada mustahkamlashga xizmat qiladigan muhim qadam bo‘ldi.

Telegram | Instagram | Facebook | YouTube | Bot

✅Adliya vaziri o'rinbosari Arnasoy tuman adliya bo'limi faoliyati bilan ham yaqindan tanishdi

🔸Yuzma-yuz muloqot davomida xodimlarning o‘z funksional vazifalari bo'yicha amalga oshirishi kerak bo‘lgan ishlari yuzasidan fikr-mulohazalari va takliflari tinglandi.

🔹Shuningdek, aholi orasida eng ko’p duch kelinadigan muammolardan kelib chiqib, ularni hal etish yo’llari, fuqarolarga sifatli va tezkor xizmat ko’rsatish borasidagi fikrlari ma’qullandi.

🔸Adliya vaziri o'rinbosari tomonidan ish sifati va samaradorligini oshirish bo'yicha aniq tavsiyalar berildi. Shu bilan birga, bugunda ular uchun yaratilgan sharoitlardan samarali foydalanishlari, barcha qulayliklarga ega bino, zamonaviy va shinam xonalarda ish faoliyatini olib borar ekan zimmalariga yuklatilgan vazifalarga sitqidildan yondashishlarini ta’kidlab o’tdi.

Telegram | Instagram | Facebook | YouTube | Bot