Vazirlik xodimlari uchun psixolog ishtirokida navbatdagi psixologik trening oʻtkazildi

Bugun Adliya vazirligida “Xodimlarining emotsional barqarorlik ko‘nikmalarini rivojlantirish” mavzusida psixologik trening o‘tkazildi.

Xodimlarning shaxsiy rivojlanishi va ruhiy barqarorligini mustahkamlashga qaratilgan psixologik treninglar vazirlik tizimida doimiy ravishda o‘tkazilib kelmoqda.

Tadbir davomida xodimlar ruhiy sog‘lomlik, stressni boshqarish, shaxsiy motivatsiyani oshirish, o‘z-o‘zini anglash va ijobiy fikrlash kabi muhim mavzular yuzasidan bilim va ko‘nikmalarga ega bo‘lishdi. Trening interaktiv mashg‘ulotlar, amaliy topshiriqlar va guruhli muhokamalar asosida olib borildi.

Treningda xalqaro toifadagi tajribali psixolog Dilbar Rixsivayevna ishtirok etdi va o‘z nutqi hamda amaliyotlari bilan xodimlarda katta taassurot qoldirdi.

Xodimlar ushbu trening ular uchun juda foydali bo‘lganini ta’kidlab, bunga o‘xshash tadbirlar doimiy tashkil etilishini bildirishdi.

Telegram | Instagram | Facebook | YouTube | Bot

#adliya_xabari

Korrupsiyaviy holatlarni oldini olishda advokatlarning o'rni

Navoiy viloyat adliya boshqarmasida “Korrupsiyaviy holatlarni oldini olishda advokatlarning o'rni” mavzusida amaliy-seminar o‘tkazildi.

Tadbirda O‘zbekiston Respublikasi Adliya vazirligining Notariat, advokatura va mediatsiya boshqarmasi boshlig‘i Ma’sum Hotamov hamda huquqni muhofaza qiluvchi organ vakillari ishtirok etishdi.

Muloqot davomida korrupsiyaga oid jinoyatlarni oldini olish, advokatura institutini “Korrupsiyasiz soha”ga aylantirish borasida vazirlik tizimida olib borilayotgan ishlar xususida so'z yuritildi.

Shuningdek, “Yuridik yordam axborot” tizimi orqali davlat hisobidan yuridik yordam ko‘rsatishda amaliyotda vujudga kelayotgan muammolar, ularni bartaraf etish bo'yicha amalda tatbiq etilayotgan choralar hamda mazkur yo'nalishda huquqni muhofaza qiluvchi organlar bilan samarali hamkorlikni tashkil etish masalalari muhokama etildi.

Telegram | Instagram | Facebook | YouTube | Bot

Yuridik xizmat ko'rsatish markazlari xodimlari uchun seminar tashkil etildi.

Adliya vazirligi mas'ul xodimlaridan iborat ishchi guruh tomonidan Qashqadaryo viloyatida joylashgan Yuridik xizmat ko'rsatish markazlari hamda xizmat ko'rsatiluvchi tashkilotlarga amaliy yordam berish maqsadida ularning faoliyati o'rganildi.

O'rganish doirasida aniqlangan muammolarni bartaraf etish, sohani takomillashtirish yuzasidan bildirilgan takliflarni ko'rib chiqish maqsadida Markazlar xodimlari ishtirokida seminar tashkil etildi.

Kun tartibining birinchi qismida "E-huquqshunos" elektron tizimini raqamlashtirishda erishilgan ijobiy yutuqlar to'g'risida ma'lumot berildi.

Shundan so'ng sohani takomillashtirish yuzasidan Ko'kdala, Chiroqchi, Qamashi, Qarshi tuman Markaz xodimlarining takliflari tinglanib, ularni amaliyotga tatbiq qilish rejasi belgilab olindi.

Seminar davomida hujjat loyihalarini yuridik ekspertizadan o'tkazishda yagona huquqni qo'llash amaliyotini joriy etish, tashkilotlar "E-huquqshunos" elektron tizimi bilan ishlashga mas'ul xodimlarining huquqiy savodxonligini oshirishda Markazlarning ishtirokini kengaytirish yuzasidan uslubiy tavsiyalar berildi.

Telegram | Instagram | Facebook | YouTube | Bot