✅Qashqadaryo viloyatida joylashgan Yuridik xizmat ko'rsatish markazlari va xizmat ko'rsatiluvchi tashkilotlarga amaliy yordam berilmoqda.

🔹Belgilangan reja-grafikka asosan Adliya vazirligi Yuridik xizmatlar faoliyatini muvofiqlashtirish boshqarmasi mas'ul xodimlaridan iborat ishchi guruh Yuridik xizmat ko'rsatish markazlari hamda xizmat ko'rsatiluvchi tashkilotlarga amaliy yordam berish maqsadida Qashqadaryo viloyatida xizmat safarida bo'lib turibdi.

🔹Xizmat safari doirasida Dehqonobod, Nishon hamda G'uzor tuman Markazlari hamda tashkilotlari faoliyati, ular uchun yaratilgan sharoitlar o'rganildi.

🔹O'rganish davomida Markazlar va tashkilotlarga ish faoliyatini optimallashtirishda "E-huquqshunos" elektron tizimining yangi imkoniyatlaridan foydalanish bo'yicha uslubiy tavsiyalar berildi.

🔹Markazlar va tashkilotlarning kundalik faoliyatida uchrayotgan 10 dan ortiq muammolar joyida bartaraf qilindi.

🔹Markaz hamda tashkilotlarga amaliy yordam berishga qaratilgan tadbirlar davom etmoqda.

Telegram | Instagram | Facebook | YouTube | Bot

✅Adliya vazirligiga FHDY organlarining Yevrosiyo tarmog'iga raislik qilish taklif qilindi.

🔹Bangkok shahrida BMTning Osiyo va Tinch okeani uchun Iqtisodiy va ijtimoiy komissiyasi (ESCAP) tomonidan tashkil etilgan Fuqarolik holati dalolatnomalarini ro‘yxatga olish va tabiiy harakat statistikasi bo‘yicha uchinchi Vazirlar konferensiyasi bo'lib o'tmoqda.

🔹Konferensiyada fuqarolik holati dalolatnomalarini ro‘yxatga olish tizimlarini raqamlashtirish, ularning barqarorligi va inklyuzivligini ta’minlash masalalarida 2030-yilgacha bo‘lgan ustuvor yo‘nalishlar belgilanishi va bu haqda deklaratsiya tasdiqlanishi kutilmoqda.

🔹Shu bilan birga, konferensiya doirasida FHDY organlarining Yevrosiyo tarmog'ini tashkil etish hamda sohada ilg'or tajribasi e'tirof etilgan holda raislikni O'zbekiston tomoniga taqdim etish taklifi bildirildi.

🔹Eslatib o‘tamiz, ushbu konferensiya BMTning turli ixtisoslashgan tashkilotlari, xalqaro moliyaviy institutlar hamda nodavlat notijorat tashkilotlar hamkorligida tashkil etilgan bo‘lib, Osiyo va Tinch okeani mintaqasidagi davlatlar uchun muhim strategik maydon vazifasini o‘taydi.

Telegram | Instagram | Facebook | YouTube | Bot

✅Adliya vaziri o'rinbosari M.Ikramov boshchiligidagi O‘zbekiston delegatsiyasi Bryusselda “O‘zbekiston – Yevropa Ittifoqi” adliya, ichki ishlar, inson huquqlari va tegishli masalalar bo‘yicha Kichik qo‘mitasining navbatdagi 21-majlisida qatnashdi

🔹Kichik qo‘mitaning asosiy maqsadi – muntazam muloqotni taʼminlash, kelishuvlar ijrosini nazorat qilish, muammolarni aniqlash va tegishli sohalarda hamkorlikni mustahkamlash boʻyicha tavsiyalar ishlab chiqishdan iborat.

🔹Tadbirda O‘zbekiston va Yevropa Ittifoqi vakillari qonun ustuvorligi va sud-huquq sohasini takomillashtirish, inson huquqlarini himoya qilish, fuqarolik jamiyatini mustahkamlash sohalarida o‘zaro hamkorlik masalalari ko‘rib chiqildi.

🔹Tadbir kun tartibiga ko‘ra Kichik qo‘mitada mamlakatimizda so‘ngi yilda amalga oshirilgan islohotlar, so‘z va vijdon erkinligi, huquq ustuvorligi, korrupsiyaga va terrorizmga qarshi kurashish, nolegal migratsiya va boshqa masalalar muhokama qilindi.

Telegram | Instagram | Facebook | YouTube | Bot