#Adliya_xabari

❗️Respublika ishchi guruhi tomonidan Farg‘ona viloyatida o'rganishlar olib borilmoqda.

✅Respublika ishchi guruhi tarkibidagi Adliya vazirligi mas'ullari hamda viloyat adliya boshqarmasi boshlig'i o'rinbosari Dang'ara tumanida xalq bilan muloqotni tashkil etish orqali ularning muammolarini aniqlash va hal etish, hududlar infratuzilmasini yaxshilash va boshqa ijtimoiy-iqtisodiy masalalar bo'yicha amalga oshirilayotgan ishlar bilan tanishdi.

✅Dang'ara tumanidagi Madaniyat uyi binosida sayyor qabul tashkil etildi. Sayyor qabulda 30 dan ortiq huquqiy tushuntirish berildi,10 ga yaqin murojaat o'z o'rnida yechimini topdi, muddat talab qiladigan 3 ta murojaat tegishli tartibda ish yurituvga olindi.

✅Shuningdek, Adliya vazirligi mas'ullari tuman davlat xizmatlari markazida bo'lib, markaz faoliyatini o'rgandilar.

✅Kunning ikkinchi yarmida Ishchi guruh vakillari O'zbekiston tumanidagi qishloq xo‘jaligi mevalarini qayta ishlashga mo'ljallangan "Yaxyoxon trade 2020" oilaviy korxonasida bo'lib,  korxonada amalga oshirilayotgan ishlar va yaratilgan sharoitlar bilan tanishish jarayonida korxona mas'ullariga tadbirkorlik subyektlari uchun qonunchilik hujjatlarida belgilangan imtiyozlar va ulardan foydalanish tartibi bo'yicha tushuntirish berdilar.

Telegram | Instagram | Facebook | YouTube | Bot

#Adliya_xabari

📍Bugun, Prezident Administratsiyasi Nazorat inspeksiyasi, Hisob palatasi hamda Adliya vazirligi tomonidan “Ijro intizomi – samaradorlik omili” mavzusida o‘quv-amaliy seminar o‘tkazildi.

✅Seminarda respublika ijro etuvchi hokimiyat organlari, mahalliy hokimliklar hamda xo‘jalik birlashmalarining ijro intizomiga mas’ul bo‘linmalarining 100 dan ortiq xodimlari bevosita hamda 500 ga yaqini video-konferens-aloqa orqali ishtirok etdi.

✅Tadbirda ijro intizomini samarali tashkil etish borasida amalga oshirilgan ishlar, yo‘l qo‘yilgan xato va kamchiliklar, kelgusidagi rejalar hamda “Ijro.gov.uz” tizimini takomillashtirish bo‘yicha joriy qilingan yangi mexanizmlar, xususan, mas’ul ijrochilar va nazorat qiluvchi organlar o‘rtasida onlayn muloqot (online-chat) qilish imkoniyati yaratilganligi kabi o‘zgartirishlar haqida ishtirokchilarga batafsil ma'lumotlar berildi.

✅Shuningdek, yaqin kunlarda “Ijro.gov.uz” elektron tizimiga sun’iy intellekt imkoniyatlarini joriy etish, 10 ga yaqin davlat organlarining axborot tizimlarini integratsiya qilish hamda bugungi kun talabidan kelib chiqib tizimni to‘liq modernizatsiya qilish bo‘yicha ishlar olib borilayotganligi ta'kidlandi.

Telegram | Instagram | Facebook | YouTube | Bot