#Adliya_xabari

✅Joriy yilning 7-may kuni Adliya vazirligi tomonidan tegishli davlat organlari va tashkilotlari, “Yuksalish” harakati, O‘zbekiston nodavlat notijorat tashkilotlari milliy assotsiatsiyasi, O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi vakillari ishtirokida davra suhbati tashkil etildi.

▪️Davra suhbatidan ko‘zlangan asosiy maqsad davlat va jamiyat hayotida fuqarolik jamiyati institutlari faolligini yanada oshirish hamda ijtimoiy-iqtisodiy, madaniy-ma’naviy va gumanitar sohalarni rivojlantirishda ularning salohiyatidan to‘laqonli foydalanish, davlat organlari va fuqarolik jamiyati institutlari o‘rtasida o‘zaro manfaatli ijtimoiy sheriklikni yanada rivojlantirishdan iborat.

✅Davra suhbatida O‘zbekiston Respublikasi Prezidentining 2024-yil 26-avgustdagi PF–124-son “Fuqarolik jamiyati institutlarini davlat tomonidan qo‘llab-quvvatlash tizimini yanada takomillashtirish chora-tadbirlari to‘g‘risida”gi Farmonida belgilangan vazifalarni samarali ijro etish, xususan fuqarolik jamiyati institutlarini tashabbusli loyihalarini rag‘batlantirish, ularni moliyaviy jihatdan qo‘llab-quvvatlash maqsadida davlat ijtimoiy buyurtmalari berish, vazirlik va idoralar huzurida faoliyat olib borayotgan Jamoatchilik kengashlari faoliyatini samarali yo‘lga qo‘yish, mazkur sohada yuzaga kelayotgan muammolarga birgalikda yechim topishga qaratilgan masalalar muhokama qilindi.

Telegram | Instagram | Facebook | YouTube | Bot

#Adliya_hudud

Hududiy adliya organlari: kun davomida

🖥 Andijon viloyati: Andijon tuman adliya bo'limi tomonidan tumandagi "Zangibobo" mahallasida  uyma-uy yurgan holda aholiga qonunchilik hujjatlarining mazmun-mohiyati tushuntirildi.

🖥 Farg'ona viloyati: Bag‘dod tuman FHDY bo‘limi tomonidan “Hech bir shaxs hujjatsiz qolmaydi” huquqiy aksiyasi doirasida 10 yildan ortiq shar’iy nikoh asosida birga yashab kelayotgan oilaning nikohi qonuniylashtirilib, nikoh guvohnomasi topshirildi.

🖥 Jizzax viloyati: Jizzax shahar adliya bo'limi tomonidan tumanning "Sangzor" mahallasida energiya resurslaridan noqonuniy foydalanish va behuda sarflanishining oldini olishga qaratilgan huquqiy targ'ibot tadbiri tashkil etildi.

🖥 Xorazm viloyati: Xiva shahar, Yangibozor va Shovot tumanidagi mahallalarda Adliya boshqarmasi rahbariyatining fuqarolar bilan uchrashuvi tashkil etildi.

🖥 Namangan viloyati: Uychi tumanida Respublika ishchi guruhi, shu jumladan, Namangan viloyat adliya boshqarmasi boshlig'ining sayyor qabuli tashkil etildi.

🖥 Navoiy viloyati: Respublika ishchi guruhi Navoiy viloyatida ishsiz va otaliqqa olingan yoshlar bilan olib borilayotgan ishlar holatini o'rganmoqda.

🖥 Qashqadaryo viloyati: Adliya boshqarmasi rahbariyati tomonidan uyma-uy yurgan holda otaliqqa olingan yoshlarning muammolari o'rganildi.

🖥 Samarqand viloyati: Toyloq tuman "Davlatobod" mahallasida “Huquqiy targ‘ibot kuni” doirasida mahalla aholisi bilan ochiq muloqot o'tkazilib, sayyor qabul tashkil etildi.

🖥 Sirdaryo viloyati: Oqoltin va Mirzaobod tumanlarida otaliqqa olingan yoshlarning muammolari individual tarzda o‘rganilmoqda.

🖥 Toshkent shahri: Bektemir tuman adliya bo'limi tomonidan korrupsiyaga nisbatan murosasiz munosabatni shakllantirishga qaratilgan targ'ibot tadbiri o'tkazildi.

Telegram | Instagram | Facebook | YouTube | Bot

#Ochiq_adliya

⚠️ Adliya organlari tizimida korrupsiyaga qarshi murosasiz kurash e'lon qilingan.

📲 Bunda Adliya vazirligi tizimidagi, jumladan:

▫️adliya boshqarmalari va bo‘limlari;
▫️yuridik xizmat ko‘rsatish markazlari;
▫️FHDY organlari;
▫️davlat xizmatlari markazlari;
▫️"O‘zarxiv" agentligi va uning hududiy tuzilmalari;
▫️X. Sulaymonova nomidagi Respublika sud-ekspertiza markazi va uning hududiy bo‘linmalari;
▫️“Adolat” milliy huquqiy axborot markazi;
▫️Adliya organlari va muassasalarida axborot-kommunikatsiya texnologiyalarini rivojlantirish markazi;
▫️Intellektual mulk markazi;
▫️davlat notarial idoralari va arxivlari;
▫️Yuridik kadrlarni qayta tayyorlash instituti;
▫️Toshkent davlat yuridik universiteti;
▫️TDYU qoshidagi akademik litseydagi korrupsiya holatlari haqida ma'lumotlarni Telegramdagi @antikorbot botiga, (71) 207-04-64 (1321 yoki 1323) telefon raqamiga yoki vazirlik rasmiy veb-saytidagi maxsus platformaga yuborish mumkin.

❗️Yuborilgan xabarlar belgilangan tartibda ko‘rib chiqiladi hamda murojaat qiluvchining shaxsi sir saqlanishi kafolatlanadi.

📌 Kanalga ulanish

🎼 "Azizim" qo‘shig‘i muallifi Ali Niyazimbetov mualliflik huquqini tiklab berishni so'rab Adliyaga murojaat qildi....

🎙 Muallif huquqi buzilgan yana bir holatda xalqimiz orasida "Azizim" qo‘shig‘i bilan tanilgan Ali Niyazimbetov o‘zi muallifligidagi “Azizim” nomli musiqiy asar uning ruxsatisiz ijro etilganligi holati yuzasidan huquqiy chora ko'rilishini so'rab qilingan murojaat Adliya vazirligi tomonidan o‘rganilib chiqildi.

O‘rganish mobaynida xalqimiz orasidagi taniqli ijodkor Manzura va Murodjon Yo'ldoshev ijrosidagi “Azizim” nomli musiqiy asar muallif ruxsatsiz foydalanganligi aniqlanib, holat yuzasidan huquqbuzarga nisbatan Maʼmuriy javobgarlik to‘g‘risidagi kodeksning 177 prim 1-moddasi bilan maʼmuriy huquqbuzarlik to‘g‘risidagi bayonnomalar rasmiylashtirilib, tegishli sudga yuborildi.

Toshkent shahar jinoyat ishlari bo‘yicha Yunusobod tuman sudining qaroriga ko‘ra, huquqbuzar Murodjon Yo'ldoshevga nisbatan O‘zbekiston Respublikasi MJtKning 177 prim 1-moddasining birinchi qismi bilan bazaviy hisoblash miqdorining 1 (bir) baravari miqdorida – 375 000 (uch yuz yetmish besh ming) so‘m jarima jazosi tayinlandi.

⚠️ Hurmatli ijod vakillari! Mualliflik huquqingiz buzilganda Adliya vazirligining "1008" ishonch telefoni orqali xabar berishingiz yoki info@adliya.uz elektron pochta manzili orqali murojaat qilishingizni so'raymiz!

Telegram | Instagram | Facebook | YouTube | Bot

#Mening_adliyam

Adliya vazirligida uch avlod uchrashuvi

✅2025-yil 8-may kuni Adliya vazirligida "9-may - Xotira va qadrlash kuni" munosabati bilan "Faxriylar - doim e'zozda" nomli uch avlod uchrashuvi o'tkazildi.

✅Uchrashuvda adliya tizimida uzoq yillar davomida fidokorona mehnat qilgan faxriylar, bugungi kunda samarali xizmat qilayotgan mutaxassislar hamda sohaga endigina qadam qo'ygan yosh huquqshunoslar ishtirok etdi.

Tadbir davomida faxriylar vazirlikda ishlagan davrlaridan boy xotiralarni yodga olishdi, o'zlarining hayotiy tajribalarini hikoya qilishdi.

✅Ustoz faxriylar "Adliya kutubxonasi", "Adolat ayvoni" hamda "Adliya tarixiy muzeyi" bilan yaqindan tanishdilar. Shuningdek, tadbir yakunida faxriylarga esdalik sovg‘alari topshirildi.

Bunday uchrashuvlar avlodlar o'rtasidagi uzviylikni ta'minlab, kasbga bo'lgan muhabbat va sadoqatni mustahkamlaydi.

Telegram | Instagram | Facebook | YouTube | Bot