Adliya vaziri o‘rinbosari Muzraf Ikramov va Niderlandiyaning O‘zbekistondagi Inson huquqlari bo‘yicha Elchisi Vim Girts oʻrtasida ikki tomonlama uchrashuv boʻlib oʻtdi.

Uchrashuvda adliya vaziri o‘rinbosari M. Ikramov mehmonlarga so‘ngi yillarda mamlakatimizda inson huquqlari va ularning qonuniy manfaatlarini himoya qilish, fuqarolik jamiyati, so‘z erkinligi hamda sud-huquq tizimi sohalarida amalga oshirilayotgan islohotlar haqida gapirib oʻtdi.

Shuningdek, uchrashuvda BMT Inson huquqlari bo‘yicha kengashining universal davriy hisoboti doirasida O‘zbekiston Respublikasining davriy hisobotini ko‘rib chiqish yakunlariga urg‘u berildi.

Elchi Vim Girts Janobi Oliylari, ushbu
234 ta tavsiyalardan 219 tasini O‘zbekiston qabul qilganligiga, ayniqsa majburiy mehnat, gender tenglikva oilaviy zo‘ravonlik masalalariga O‘zbekiston tomonidan mutlaqo chek qo‘yilganligiga, shuningdek, diniy bag‘rikenglik borasidagi yutuqlarga yuksak baho berdi.

Fuqarolik jamiyati institutlarining erkin faoliyati borasida amalga oshirilayotgan islohotlar muhokama qilinar ekan, mazkur sohadagi qonunchilik hujjatlari takomillashtirilishi natijasida nodavlat-notijorat tashkilotlarining soni 10 mingtaga yetdi.

Uchrashuv yakunida, M. Ikramov O‘zbekiston inson huquqlari sohasidagi xalqaro majburiyatlarini bajarishni davom ettirish, shuningdek, fuqarolik jamiyati institutlarining huquqlari va erkinliklarini himoya qilish borasidagi islohotlar ortga qaytmasligini hamda bu boradagi ishlar jadallik bilan davom ettirilishini ta’kidladi.

📌 Kanalga ulanish

#Adliya_xabari

Anqara shahrida fuqarolik holati dalolatnoma yozuvlarini qayd etish sohasini takomillashtirishga qaratilgan uchrashuv o‘tkazilmoqda.

Unda O‘zbekiston, Qozog‘iston, Qirg‘iziston, Tojikiston, Turkmaniston, Armaniston, Ozarbayjon, Gruziya, Moldova va Turkiya davlatlari Adliya vazirliklarining mas’ul vakillari ishtirok etib, fuqarolik holati dalolatnomalarini qayd etish sohasidagi hamkorlikni kuchaytirishga qaratilgan imkoniyatlar muhokama qilinmoqda.

Uchrashuvda O‘zbekiston Respublikasi Adliya vazirligi vakilining taqdimoti o'tkazilib, sohadagi raqamlashtirish hamda fuqarolarga yaratilgan qulayliklar borasida mamlakatda amalga oshirilayotgan islohotlar haqida xorijiy tomon vakillari tanishtirildi.

Sohani yanada takomillashtirish hamda ilg‘or xorijiy tajribalarni o‘rganish maqsadida 10 dan ortiq davlatlardan tashrif buyurgan Adliya vazirliklari va FHDY organlari vakillari o‘zaro ish tajribalarini almashishmoqda.

📌 Kanalga ulanish

#Adliya_xabari

Andijon viloyati Qo'rg'ontepa tumani davlat xizmatlari markazining Qorasuv filiali yangi binosining ochilish marosimi boʻlib oʻtdi.

Ochilish marosimida, O'zbekiston Respublikasi adliya vaziri A.Tashkulov va Qo'rg'ontepa tuman hokimi ishtirok etdilar. 

Adliya vaziri mazkur marosimda nutq soʻzlab, yaratilayotgan imkoniyat va sharoitlar fuqarolarimizning huquqlarini taʼminlashga, ularga tez, oson va qulay davlat xizmatlarini koʻrsatishga, vaqtlarini tejashga xizmat qilishini taʼkidlab oʻtdi.

Shuningdek, Adliya vazirligi tomonidan “Hech bir shaxs hujjatsiz qolmaydi” huquqiy aksiyasi doirasida M.Normatovning tug'ilganlik haqidagi dalolatnoma yozuvi muddati o'tkazilib qayd etilgan holda  fuqaroga shaxsan vazir  tomonidan tug'ilganlik haqidagi guvohnoma topshirildi.

📌 Kanalga ulanish

#Adliya_xabari

Adliya vaziri  A.Tashkulov Andijon viloyatidagi "Mustaqillik" mahallasida bo'ldi.

Andijon viloyati respublikamizda aholisi eng zich joylashgan hududlardan hisoblanib, 1 km² ga 824 kishi toʻgʻri keladi.
2030-yilga borib viloyat aholisi qariyb 350 ming kishiga koʻpayib, aholi zichligi 1 km² ga 900 kishini tashkil qilishi kutilmoqda. Bu esa oʻz navbatida uy-joyga boʻlgan talabning ortishiga olib keladi.

Shu bois, A.Tashkulov “Mustaqillik” MFY aholisi bilan uchrashib, respublika hududlaridan samarali foydalanish, hududni meʼmoriy, ijtimoiy, iqtisodiy va ekologik jihatdan yaxshilash boʻyicha Adliya vazirligi tomonidan ishlab chiqilgan “Shaharsozlik renovatsiyasi toʻgʻrisida”gi Qonun loyihasi haqida ma'lumot berdi.

“Mustaqillik” MFY hududidagi 33 gektar yer maydonida maʼnan eskirgan 682 ta yakka tartibdagi uy-joylar va 37 ta noturar binolar oʻrnida renovatsiya loyihasini amalga oshirish orqali 2,4 ming xonadonli koʻp qavatli uy-joylar hamda xizmat koʻrsatish, ijtimoiy soha va boshqa turdagi obyektlarni qurish imkoniyati mavjudligi ta'kidlanib, salohiyatli investorlarni jalb qilgan holda, 2025-2030-yillarda bosqichma-bosqich renovatsiya dasturini amalga oshirish pilot loyihasini amalga oshirish imkoniyati mavjudligi ta'kidlandi.

Muloqot davomida, aholining fikrlari, taklif va e’tirozlari tinglandi.

📌 Kanalga ulanish