Hududlarda davlat hisobidan yuridik yordam ko‘rsatish tizimi o‘rganilmoqda.

Adliya vaziri topshirig‘iga asosan, Adliya vazirligi ishchi guruhi tomonidan hududlarda davlat hisobidan yuridik yordam ko‘rsatish tizimini yo‘lga qo‘yish bo‘yicha seminar-treninglar o‘tkazilmoqda. Shuningdek, ishchi guruh tomonidan notarial arxivlarda arxiv ishini tashkil etilganligi holati o‘rganilib, tuman (shahar)lardagi ayrim notariuslar faoliyatida monitoring o‘tkazilmoqda.

Joriy yilning 2-3-aprel kunlari ishchi guruh tomonidan Qoraqalpog‘iston Respublikasining Xo‘jayli, Taxiatosh tumanlarida va Nukus shahrida “Yuridik yordam” axborot tizimi bo‘yicha adliya bo‘limlarining huquqni muhofaza qiluvchi organlar bilan hamkorligi va ishlarni tashkil etilishi holati o‘rganildi.

Shuningdek, joriy yilning 3-aprel kuni Qoraqalpog‘iston Respublikasi IIV Tergov departamentida “Yuridik yordam” axborot tizimi, undan foydalanishda o‘zaro hamkorlik va davlat hisobidan himoyani tezkor va sifatli ta’minlash bo‘yicha ichki ishlar bo‘limlari surishtiruvchi va tergovchilari hamda adliya bo‘limlari boshliqlari ishtirokida amaliy seminar o‘tkazildi.

Bu kabi tadbirlar boshqa hududlarda ham davom etadi.

📌 Kanalga ulanish

Adliya vaziri oʻrinbosari Bekobod shahridagi mahallalardagi fuqarolar bilan suhbatlashdi.

Adliya vaziri oʻrinbosari Sh.Rabiyev Bekobod shahrida O’zbekiston Respublikasi Prezidentining F-18-son farmoyishi ijrosi doirasida mahallalarda bahor mavsumiga tayyorgarlik koʻrish, obodonlashtirish va koʻkalamzorlashtirish harakatlari va “Kambagʻallikdan farovonlik sari” dasturi doirasida amalga oshirilayotgan ishlarni oʻrgandi.

Vazir oʻrinbosari ishchi guruh bilan birgalikda Bekobod shahridagi aholi xonadonlarida bo’lib fuqarolar bilan suhbatlashdi, “mahalla yettiligi” vakillari bilan ochiq muloqot oʻtkazdi, sohaga oid qonunchilik toʻgʻrisida tushuntirishlar berdi.

Shuningdek, mahallada yashovchi aholi qatlamining hayotini yaxshilash uchun xonadonlardagi tomorqa erlaridan samarali foydalanish bo‘yicha tavsiyalar berib, o‘zini o‘zi band qilish orqali oilasiga va kelajagiga foyda keltirishi haqida tegishli tavsiya va kòrsatmalar berdi.

Mahalladagi kam ta'minlangan oilalarga ijtimoiy va huquqiy yordam ko’rsatildi.

📌 Kanalga ulanish

#Adliya_xabari

Adliya vaziri o’rinbosari A.Karimov tomonidan Qarshi shahrida mavjud kambag'al oilalar holati o'rganildi.

Xususan, vazir o'rinbosari Qarshi shahridagi "Roguzar" va "Chaqar"  mahallasida bo’lib, fuqarolar va mahalla yettiligi bilan uchrashib suhbatlashdi, sohaga oid qonunchilik to’g’risida tushuntirishlar berdi.

Shuningdek, ijtimoiy ahvoli og'ir aholi qatlamining hayotini yaxshilash uchun – kasanachilik, chorvachilik , parrandachilik hamda ishlab chiqarishni rivojlantirishda imtiyozli kreditlar taqdim etish, aholiga byudjet yuritish va hokazolar haqida o'z takliflarini berdi.

📌 Kanalga ulanish