#Adliya_loyiha

💬 ai.lex.uz — sunʼiy intellekt javob beradi

Savol: Bozordan avval ishlatilgan telefon sotib olgan edim. Uni ishlatishni boshlagan kunim menga Ichki ishlar xodimi telefon qilib idoraga kelishimni soʻradi. Bilsam telefon oʻgʻirlangan ekan, men uni bilmasdan sotib olibman meni javobgar qilishadimi?

📌 Kanalga ulanish

#Intellektual_mulk

Kontrafakt kitoblar savdosiga chek qoʻyildi

Vazirlikka “Trust and Support” MChJning “Muqaddima” nomli asarning kontrafakt nusxalari savdosi bilan shugʻullanayotgan shaxslarga tegishli chora koʻrish boʻyicha yoʻllagan murojaati kelib tushdi.

Murojaatni oʻrganish davomida “Muqaddima nomli asarning kontrafakt nusxalari “B. U.” MChJ , “A. H.“ MChJ, “X. B.” MChJ, “B. B” MChJlar tomonidan sotilayotganligi aniqlandi.

Holat yuzasidan yuqorida nomi keltirilgan jamiyatlarga qonun hujjatlarining buzilishi, ularning sabablari va bunga olib keluvchi shart-sharoitlarni bartaraf etish toʻgʻrisida bajarilishi majburiy boʻlgan taqdimnomalar kiritildi hamda kontrafakt nusxalar savdodan olib qoʻyildi.

Eslatib oʻtamiz, Oʻzbekiston Respublikasi Maʼmuriy javobgarlik toʻgʻrisidagi kodeksi 177 prim 1-moddasining birinchi qismiga koʻra, asarlardan qonunga xilof ravishda foydalanish, xuddi shuningdek asarlarning kontrafakt nusxalarini takrorlash, tarqatish, asarlarning kontrafakt nusxalarini, shuningdek ularni takrorlash hamda tarqatish uchun foydalaniladigan materiallar va uskunalarni hamda boshqa huquqbuzarlik sodir etish qurollarini musodara qilib, 5 baravaridan 10 baravarigacha miqdorda jarima solishga sabab boʻladi.

📌 Kanalga ulanish

#Xotin_qizlar_huquqi #Huquqiy_axborot_minbari

❗️“Xotin-qizlarning ta'lim huquqlari” mavzusida ekspertlar bilan suhbat oʻtkaziladi

Adliya vazirligi tomonidan o'tkazilayotgan “Xotin-qizlarga huquqiy koʻmak ” aksiyasi doirasida “Xotin-qizlarning ta'lim huquqlari” mavzusida ekspertlar bilan suhbat tashkil etiladi.

🗓 Ovozli chat 19-mart kuni soat 16:00 da Huquqiy axborot telegram kanalida boshlanadi.

🎙Suhbat spikerlari: Oʻzbekiston Respublikasi Oliy taʼlim, fan va innovatsiyalar vazirligi hamda Oila va xotin-qizlar qoʻmitasi masʼul xodimlari.

📥 Savollaringizni @mehnatpodkast_bot telegram boti orqali oldindan yoki toʻgʻridan-toʻgʻri onlayn muloqot vaqtida berishingiz mumkin.

Mazmunan bir-biriga yaqin savollarga umumlashtirilgan holda javob beriladi.

📌 Kanalga ulanish

#Tayinlov

Adliya vaziriga yangi oʻrinbosar tayinlandi

Prezidentning tegishli qarori bilan Nuʼmon Usmonovich Muxammadiyev adliya vaziri oʻrinbosari lavozimiga tayinlandi.

Nuʼmon Muxammadiyev 1982-yilda Qashqadaryo viloyati Kitob tumanida tugʻilgan. Maʼlumoti oliy, huquqshunos, 1-darajali adliya maslahatchisi. 2003-yilda Toshkent davlat yuridik institutini tamomlagan. 2024-yilda “Sodiq xizmatlari uchun” medali bilan taqdirlangan.

Mehnat faoliyatini 2004-yilda Adliya vazirligi Tadbirkorlar huquqlarini himoya qilish boshqarmasi katta maslahatchi lavozimida boshlagan. Keyinchalik mazkur boshqarmada yetakchi va bosh maslahatchi boʻlgan. 2009–2013-yillarda Toshkent shahar adliya boshqarmasi boshligʻining birinchi oʻrinbosari sifatida faoliyatini davom ettirgan.

2016–2023-yillarda Adliya vazirligi tizimida turli lavozimlarda ishlagan. Shu jumladan, Adliya vazirligi Davlat xizmatlari koʻrsatishni muvofiqlashtirish va rivojlantirish boshqarmasi, Oʻzbekiston Respublikasi Prezidenti hujjatlari ijrosini nazorat qilish boshqarmasi boshligʻi hamda Davlat xizmatlari agentligi direktorining birinchi oʻrinbosari boʻlgan.

Tayinlovga qadar (2023-yildan) Toshkent shahar adliya boshqarmasi boshligʻi lavozimida faoliyat koʻrsatgan.

📌 Kanalga ulanish

#OAV_biz_haqimizda

Adliya aralashuvi bilan 25 yillik muammo oʻz yechimini topdi

Kogon shahar adliya boʻlimi tomonidan 25 yoshga yetgan boʻlsa-da, tugʻilganlik guvohnomasini ololmagan V.Aliyevning manfaatida fuqarolik ishlari boʻyicha Kogon tumanlararo sudiga uning tugʻilganlik faktini belgilash yuzasidan ariza kiritildi. Ariza sud majlisida koʻrib chiqilib, sudning hal qiluv qaroriga koʻra, uning tugʻilganlik fakti tasdiqlandi.

Sud qarori asosida Kogon shahar adliya boʻlimi FHDY organi tomonidan V.Aliyevga tugʻilganlik toʻgʻrisidagi guvohnoma tantanali ravishda topshirilib, murojaati ijobiy hal qilindi.

📌 Kanalga ulanish