#Adliya_xabari

Adliya vaziri oʻrinbosari Sh.Rabiyev tomonidan Bekobod shahridagi “Andijon” mahallasida fuqarolar bilan muloqot va sayyor qabul oʻtkazildi.

Mahalladagi aholi muammolari tinglandi, huquqiy maslahat berilib, murojaatlar nazoratga olindi.

Davlat xizmatlari markazi tomonidan sayyor davlat xizmatlari koʻrsatilishi taʼminlandi.

Ushbu mahallada “Huquqiy mahalla” tadbiri oʻtkazilib, aholining huquqiy muammolari oʻrganildi. Huquqiy hujjatlar tayyorlanishiga amaliy koʻmaklashildi.

Shu bilan birga, Bekobod shahrida “Navroʻz” tadbiri oʻtkaziladigan “Yoshlar bogʻi”dagi obodonlashtirish va tayyorgarlik ishlari koʻrib chiqilib, shahar mutasaddilariga tegishli koʻrsatma va tavsiyalar berildi.

📌 Kanalga ulanish

#Adliya_xabari

“Kambagʻallikdan farovonlik sari” dasturi doirasida amalga oshirilayotgan ishlarni oʻrganish davomida adliya vazir oʻrinbosari A.Karimov Qarshi shahridagi “Qavali” ishlab chiqarish kichik sanoat zonasida ham boʻldi.

“YEVROPLAST” MCHJ faoliyati bilan yaqindan tanishib, tadbirkorni qiynab kelayotgan huquqiy muammolarga yechim berdi.

Shuningdek, “Qavali” mahalla “yettiligi” bilan uchrashib, ular tomonidan amalga oshirilayotgan ishlar bilan tanishdi. Sohaga oid qonunchilik toʻgʻrisida tushuntirishlar berdi.

📌 Kanalga ulanish

#Intellektual_mulk

Mamlakatimizda intellektual mulkka nisbatan hurmat hissini yanada oshirish, huquqbuzarliklarni oldini olish, kontrafakt mahsulotlarga nisbatan toqatsiz munosabatni kuchaytirish maqsadida Adliya vazirligi tomonidan yangi “Kontrafakt mahsulotlar katalogi” ishlab chiqildi.

Katalogda adliya organlari tomonidan aniqlangan oziq-ovqat, kosmetika, alkogol mahsulotlari, dori vositalari hamda avtomobil ehtiyot qismlari va boshqa turdagi mahsulotlarning kontrafakt nusxalari toʻgʻrisida maʼlumotlar aks etgan.

Katalog isteʼmol uchun eng zarur boʻlgan mahsulotlarning (oziq-ovqat, shaxsiy gigiyena vositalari, alkogol, farmatsevtika vositalari va boshqalar) kontrafakt nusxalarini aholi tomonidan xarid qilinishining oldini olishga xizmat qiladi.

“Kontrafakt mahsulotlar katalogi”ning elektron nusxasini shu tugmani 📎bosish orqali koʻrish va yuklab olish mumkin.

📌 Kanalga ulanish

#Adliya_xabari

Adliya vaziri oʻrinbosari Qashqadaryo viloyati yuridik texnikumida yoshlar bilan uchrashdi.

Adliya vaziri oʻrinbosari Alisher Karimov mamlakatimizda yoshlarga yaratilayotgan imkoniyatlar, qonunchilikdagi imtiyozlar, shuningdek ularni qiynayotgan muammolarni oʻrganish va bartaraf etish borasida keng koʻlamli ishlar olib borilayotganligini taʼkidladi. Shu oʻrinda Adliya vazirligi tomonidan ham muntazam ravishda yoshlar bilan uchrashuvlar tashkil etib borilayotganligini aytib oʻtdi.

Ochiq va samimiy ruhda tashkil etilgan muloqotda boʻlajak huquqshunoslar oʻzlarini qiziqtirgan savollariga javob olishdi.

📌 Kanalga ulanish