#Adliya_loyiha

Beep-Beep! Hayvonlar shaharchasida tirbandlik! Bunga kim aybdor?

Odilbek va dono Toʻtivoy bolalarga huquqiy ilm ulashishga tayyor. Bu safargi hikoya yo‘l harakati qoidalariga amal qilmaydigan yo‘lovchilar haqida.

Ular shaharchadagi yo‘llarda tirbandlik yuzaga keltirishyapti, qoidalarni buzib, o‘zgalarning hayotini xavf ostida qoldirishyapti. Bu holatdan ranjigan kuchukcha esa…

Unutmang, qonun ustuvor boʻlgan joyda hasharotga ham ziyon yetmaydi!

Toʻliq koʻrish 👉https://www.youtube.com/watch?v=7BBuRA2skRw

📌 Kanalga ulanish

#Davlat_xizmatlari

Uyli bo‘lish orzusi bilan yurganlar diqqatiga! Ipoteka kreditlari uchun subsidiya olish bo‘yicha arizalar qabuli davom etmoqda!

Arizani qayerga topshirish mumkin?
➖Davlat xizmatlari markaziga borib;
➖ Yoki my.gov.uz orqali onlayn jo‘natish mumkin.

⚠️ Muhim! Davlat xizmatlari markazalari faqat arizalarni qabul qilishda vakolatli hisoblanib, ularni ko‘rib chiqish jarayonida ishtirok etmaydi.

Ipoteka kreditlari bo‘yicha subsidiya to‘lanadigan talabgorlar komissiya va mas’ul tashkilotlar tomonidan qonuniylik, shaffoflik, adolat va haqqoniylik tamoyillari asosida tanlanadi.

Ariza beruvchilar Soliq qo‘mitasi, Iqtisodiyot va moliya vazirligi, Kadastrlar palatasi, Kambag‘allikni qisqartirish va bandlik vazirligi, Adliya vazirligi hamda Ijtimoiy himoya milliy agentligining axborot tizimlari orqali tegishli mezonlar asosida tekshiriladi va baholanadi.

🔎 Arizangizda ko‘rsatilgan ijtimoiy mezonlarga muvofiqlik bo‘yicha barcha ma’lumotlar belgilangan tartibda tekshiriladi. Bunda, arizalar komissiya va mas’ul tashkilotlar tomonidan navbat asosida ularning taqdim etilishi ketma-ketligiga muvofiq ko‘rib chiqiladi.

👉 Qo‘shimcha ma’lumot va tartib haqida quyidagi havolada.

📌 Kanalga ulanish

Maxsus reportaj | Prezident qarorlari - hayotda va nazoratda

O‘zbekiston Respublikasi Prezidentining aholiga tez va shoshilinch tibbiy yordam ko‘rsatishni yaxshilash bo‘yicha qabul qilingan hujjatlari ijrosi yuzasidan Adliya vazirligi va Andijon viloyati adliya boshqarmasi bilan birgalikda tayyorlangan “Prezident qarorlari hayotda va nazoratda” rukni ostidagi ko‘rsatuv.

📌 Kanalga ulanish

#Adliya_xabari

Adliya vazirligi tashabbusi bilan Yangi O‘zbekistonda ilk bor “Nodavlat notijorat tashkilotlari bog‘lari”ni yaratishga start berildi.

2025-yil “Atrof-muhitni asrash va “yashil” iqtisodiyot yili” davlat dasturi hamda “Yashil makon” umummilliy harakati doirasida joriy yilning 15-mart kuni Adliya vazirligi tomonidan O‘rmon xo‘jaligi agentligi va nodavlat notijorat tashkilotlari ishtirokida ijtimoiy sheriklik asosida “Nodavlat notijorat tashkilotlari bog‘i” ijtimoiy loyihasi amalga oshirildi.

Loyihaning dastlabki bosqichida 50 dan ortiq nodavlat notijorat tashkilotlari Toshkent viloyati Ohangaron tumanida “Nodavlat notijorat tashkilotlari bog‘i”ni tashkil etishda faol ishtirok etishdi. Mazkur bog‘ qariyib 2 gektar maydonni o‘z ichiga olgan bo‘lib, ushbu bog‘ga 2 mingdan ortiq iqlimga mos manzarali va mevali daraxt ko‘chatlari ekish ishlari amalga oshirildi.

“Nodavlat notijorat bog‘lari”da har bir tashkilot uchun alohida hudud belgilab beriladi va ko‘chatlar parvarishi doimiy nazoratda olindi.

Mamlakatimizda yashil maydonlarni kengaytirish maqsadida boshlangan mazkur ezgu loyiha doirasida respublikamizning qolgan barcha hududlarida ham “NNTlar bog‘i”ni yaratish maqsad qilingan.

📌 Kanalga ulanish

#Diqqat_loyiha

❗️Shaxslarning tasvirga boʻlgan huquqlarini mustahkamlashga qaratilgan qonun loyihasining jamoatchilik muhokamasida ishtirok eting!

Fuqarolik kodeksiga koʻra, shaxslarning tasvirga boʻlgan huquqi daxlsiz. Shunga qaramay, kishilarning ushbu huquqini taʼminlash borasida qonunchilikda boʻshliqlar mavjud.

Insonlarning tasvirga boʻlgan huquqini mustahkamlash maqsadida Adliya vazirligi tomonidan milliy huquqni qoʻllash amaliyoti va 30 ga yaqin xorijiy davlatlar tajribasi tahlil qilinib, tegishli qonun loyihasi ishlab chiqildi hamda aholi fikrini oʻrganish maqsadida jamoatchilik muhokamasiga joylashtirildi.

❗️Loyihaga koʻra, endilikda, umumiy qoida tariqasida, har qanday kishining foto yoki video tasvirga olish yoki ushbu tasvirdan foydalanish uchun uning roziligi talab qilinadi.

Shu bilan birga, loyihada quyidagilar belgilanmoqda:
➖16 yoshdan boshlab oʻsmirlar ularni tasvirga olish, tasvirdan foydalanish uchun mustaqil rozilik bera oladi;
➖ jamoat joylarida va ommaviy tadbirlarda tasvirga olish uchun ruxsat talab qilinmaydi;
➖ davlat xizmatchilarini xizmat vazifasida cheklovsiz tasvirga olish va tasvirdan foydalanish mumkin;
➖ noqonuniy harakatlarni tasvirga olish uchun rozilik shart emas;
➖ videokuzatuv tizimlari haqida ogohlantiruvchi belgilar oʻrnatilishi shart;
➖ kishilarning qisman yoki toʻliq kiyimsiz boʻlishni taqozo etadigan joylarda (tibbiyot xonasi, hammom, kiyim almashtirish xonalari va boshqa) videokuzatuvni amalga oshirish taqiqlanadi.

❗️Agar tasvirdan rozilik berilgan maqsaddan boshqa maqsadda yoki inson shaʼni va qadr-qimmatini kamsitadigan tarzda foydalanilsa, rozilik chaqirib olinishi mumkin.

Loyihaning toʻliq matni bilan quyida tanishingiz mumkin 👇
https://regulation.adliya.uz/project/4745/9962?contentLang=oz

💬 Fikr va takliflaringizni kutib qolamiz!

📌 Kanalga ulanish

Keling, ko‘chat ekamiz!

Adliya vazirligi tashabbusi bilan tashkil etilgan “Nodavlat notijorat tashkilotlari bog‘i”da sportchilar, san’atkorlar, quvnoqlar va zukkolar, faol yoshlar jam bo‘lishdi. Yo‘nalishlari turli xil bo‘lgan 50 dan ortiq NNTlar bir maqsad yo‘lida birlashdi. Biz musaffo tabiat tarafdorimiz!

📌 Kanalga ulanish

#OAV_biz_haqimizda

Axborot 24 | O‘zbekistonda ilk bor “Nodavlat notijorat tashkilotlari bog‘i” yaratildi

📌 Kanalga ulanish

#Infografika

X.Sulaymonova nomidagi Respublika sud ekspertiza markazining Sud-kompyuter texnikaviy ekspertizasi boʻlimi faoliyati haqida umumiy maʼlumot 👉 infografikada.

📌 Kanalga ulanish

#Adliya_loyiha

💬 ai.lex.uz — sunʼiy intellekt javob beradi

Savol: Oliy oʻquv yurtini yaqinda tamomlab bir vazirlikka ishga hujjat topshirgan edim sinov muddati bilan ishga olishibdi shu toʻgʻrimi?

📌 Kanalga ulanish

#Ziyo_ulash

“Ziyo ulash” aksiyasini yanada ommalashtirish orqali kitobxonlik madaniyatini rivojlantirishda sanʼatkorlar ham faol ishtirok etmoqda.

Ayni kunlarda ular Yunusobod tumani davlat xizmatlari markaziga kitoblar topshirib, barcha uchun kitoblardan foydalanish imkoniyatini kengaytirish tashabbusini qoʻllab-quvvatladilar.

Loyihaga oʻz hissasini qoʻshmoqchi boʻlgan har bir yurtdoshimiz oʻziga yaqin hududdagi davlat xizmatlari markaziga oʻzi oʻqigan kitoblardan olib kelib, “bukkrossing” burchagida qoldirishi va oʻrniga boshqasini olishi mumkin. Shu tariqa kitoblar almashinuvi orqali ilm va ziyo tarqatilishiga erishamiz.

💡 Kitob ulashing — ziyo koʻpayadi.

📌 Kanalga ulanish