#Adliya_xabari

Adliya vaziri oʻrinbosari Qarshi shahridagi mahallalarda aholi bilan ochiq muloqot oʻtkazdi

Adliya vazir oʻrinbosari Alisher Karimov Qashqadaryo viloyatiga amalga oshirgan xizmat safari davomida Qarshi shahrining “Aralovul” mahallasi “yettiligi” bilan uchrashib, “Kambagʻallikdan farovonlik sari” davlat dasturi doirasida olib borilayotgan ishlar bilan yaqindan tanishdi.

Mahallada 1886 ta xonadon boʻlib, aholi asosan ishlab chiqarish va xizmat koʻrsatish bilan shugʻullanadi. Vazir oʻrinbosari mahalladagi oʻzini oʻzi band qilgan fuqarolar xonadonlarida boʻlib, ularda yaratilgan issiqxonalar, maktabgacha taʼlim muassasalari faoliyati bilan tanishdi. Turli yoʻnalishlar boʻyicha huquqiy tushuntirishlar berildi.

Vazir oʻrinbosari Qarshi shahri “Gulshan” mahallasidagi faoliyat yuritadigan tadbirkor Aziz Xalikov bilan muloqot oʻtkazib, uning issiqxonasida yaratilgan shart-sharoitlar bilan tanishdi. Yana bir tadbirkor Sherzod Togʻayevning issiqxonasida qulupnay yetishtirish tajribasi oʻrganildi hamda mavjud huquqiy muammo va masalalar tinglandi.

Shuningdek, Alisher Karimov “Yashil makon” umummilliy loyihasi doirasida tashkil etilgan aksiyada Qarshi shahridagi Alisher Navoiy istirohat bogʻida daraxt ekdi.

📌 Kanalga ulanish

#Adliya_xabari 

Adliya vaziri oʻrinbosari Alisher Karimov Qarshi shahrining “G'ofur G'ulom” mahallasida sayyor qabul oʻtkazdi.

Unda fuqarolarni ishga joylashish, ijtimoiy himoya, kadastr va shaxsga doir hujjatlarni rasmiylashtirish, bandlik, moddiy yordam, sogʻlomlashtirish maskanlariga yoʻllanma olish hamda oilaviy munosabatlar bilan bogʻliq masalalarga huquqiy tushuntirishlar berildi.

Sayyor qabullar davomida 40 nafarga yaqin fuqarolarning murojaatlari tinglanib, shundan 10 tasi joyida hal etildi, 18 tasiga huquqiy tushuntirishlar berildi hamda 30 ta murojaatlar ish yurituviga olindi.

📌 Kanalga ulanish

#Adliyada_bayram_shukuhi

Xalqaro xotin-qizlar kuni munosabati bilan bayram tadbiri tashkil etildi

Xalqaro xotin-qizlar kuni munosabati bilan Qashqadaryo viloyat adliya boshqarmasida bayram tadbiri tashkil etildi. Ushbu tadbir jamiyatimizning tayanchi, mehr-oqibat va sadoqat timsoli bo‘lgan opa-singillarimizga hurmat-ehtirom ifodasi sifatida o‘tkazildi.

Tadbirda adliya vaziri o‘rinbosari A.Karimov hamda viloyat adliya boshqarmasi boshlig‘i S.Nuriyev ayollarni mazkur go‘zal ayyom bilan tabriklab, ularga sihat-salomatlik, oilaviy baxt-saodat, bahoriy kayfiyat hamroh bo‘lishini tiladilar.

Tadbirda ayollarning mehnatkashligi, oqilaligi, mehribonligi, jamiyatga fayz va nafosat baxsh etuvchi ezgu fazilatlari alohida ta’kidlandi hamda boshqarma tomonidan xotin-qizlarga esdalik sovg‘alari taqdim etildi.

📌 Kanalga ulanish