#Adliya_xabari

Adliya vaziri o‘rinbosari Alisher Karimov Qashqadaryo viloyatiga amalga oshirgan xizmat safari davomida tadbirkorlik va infratuzilma masalalarini joylarga chiqqan holda o‘rgandi.

Xususan, Qarshi shahri “Otchopar” mahallasidagi yakka tartibdagi tadbirkor Dilshod Kichkinayevning issiqxonasida bo‘lib, u yerdagi shart-sharoitlar bilan tanishdi. Tadbirkorlik faoliyati bo‘yicha mavjud muammo va masalalarini tinglab, qonuniy yechimi yuzasidan huquqiy tushuntirish va tavsiyalar berdi.

Shuningdek, Alisher Karimov Qarshi tumanidagi “Taraqqiyot” MChJga qarashli issiqxonasidagi shart-sharoitlar bilan tanishdi.

Xizmat safari doirasida adliya vaziri o‘rinbosari Qarshi shahridagi “Kamandi” va “Otchopar” hamda Qarshi tumanidagi “Xilol” mahallalarida “yettilik” a’zolari hamda aholi bilan uchrashib, mavjud muammolar va ularning yechimi haqida suhbatlashdi.

Misol uchun, “Otchopar” mahallasida 1 883 ta xonadonlar bo‘lib, ishsizlar soni 71 nafarni tashkil qiladi. Mahallada 131 ta YTT mavjud, aholining asosiy daromad manbai tadbirkorlikdan iborat ekanligi ta’kidlandi. Mazkur holatlar yuzasidan ishsizlikni bartaraf etish yuzasidan hamda tadbirkorlikni yanada rivojlantirish va tadbirkorlar uchun yaratilgan imkoniyatlar haqida tushuntirishlar berdi.

📌 Kanalga ulanish

#Adliya_xabari

Adliya vazirligi delegatsiyasi Yaponiyada

Vazir kotibiyati boshlig‘i A.Sarabekov rahbarligidagi vazirlik delegatsiyasi Tokio shahrida bo‘lib, Yaponiya Adliya vazirligi bilan norma ijodkorligi, yuridik shaxslarni davlat ro‘yxatidan o‘tkazish va oila reyestrini shakllantirish borasida o‘zaro tajriba almashish maqsadida uchrashuvlar o‘tkazmoqda.

Ushbu uchrashuvlarda Yaponiya adliya vaziri Suzuki Keysuki, vazir kotibiyati boshlig‘i Susumi Yoshiuki va departament rahbari Takeshi Masumoto hamda boshqa mutaxassislar ishtirok etdi.

Uchrashuvlar davomida ikki davlat adliya vazirliklari o‘rtasidagi “O‘zbekiston — Yaponiya strategik muloqoti” formatidagi hamkorlikni yanada chuqurlashtirish masalalari muhokama qilindi.

📌 Kanalga ulanish

#Adliya_xabari

Tadbirkorlarga intellektual mulk huquqini himoya qilish boʻyicha uslubiy yordam koʻrsatilmoqda

Xabar berganimizdek, 15-fevraldan 15-mart kuniga qadar “Kontrafaktsiz oy” oyligi oʻtkazilmoqda. Uning doirasida respublika boʻylab savdo obyektlari, bozorlar, dorixonalar, kutubxonalar hamda ishlab chiqaruvchi korxonalarda intellektual mulk huquqiga rioya qilish yuzasidan targʻibot tadbirlari oʻtkazilib kelinmoqda.

Xususan, 3-mart kuni Sirdaryo viloyatida “Sardor Jamshid” MCHJ ishlab chiqarayotgan “Gʻisht tashish” uchun moʻljallangan texnika vositasi va “TUPLOFF”MCHJ ishlab chiqarayotgan “Isitish moslamasi”ni intellektual mulk obyektini bir turi boʻlgan foydali model yoki sanoat namunasi sifatida roʻyxatdan oʻtkazish uchun talabnoma topshirish tartibi, “Navroʻz total textile” MCHJga oʻz tovar belgisiga ega boʻlishning afzalliklari haqida huquqiy tushuntirishlar berildi.

Adliya organlari xodimlari 4-mart kuni “BYD Uzbekistan” MChJ rahbarlari bilan BYD tovar belgilarini himoya qilish, kontrafakt mahsulotlarni aniqlash boʻyicha hamkorlikda maʼlumot almashinuvi yoʻlga qoʻyildi.

5-mart kuni Urgut tumanidagi “Urgut savdo kompleksi” MChJ hududida faoliyat olib boruvchi tadbirkorlar bilan kontrafakt mahsulotlarini sotilishini oldini olishga qaratilgan targʻibot ishlari oʻtkazilib, yangilangan 20 dan ortiq kontrafakt mahsulotlar kataloglari tarqatildi.

Urgut iqtisodiy sanoat zonasida joylashgan “Urgut Mikro Metal”, “Innovation Med Total”, “Elite Soft Products”, “Promvest Product” hamda “USS Business Symbol” MChJlarda “Hey bebek”, “Smile”, “Sweet baby”, “Santenni” belgilarini tovar belgisi sifatida roʻyxatdan oʻtkazish va uni himoya qilish boʻyicha uslubiy yordam koʻrsatildi.

📌 Kanalga ulanish

#Kontrafaktsiz_oy

Adliya vazirligi Intellektual mulk departamenti tomonidan “Kontrafaktsiz oy” oyligi doirasida Qoraqalpogʻistonda tadbirkorlar, talaba yoshlar va professor-oʻqituvchilar ishtirokida tadbir oʻtkazildi.

Muloqot davomida aholi orasida intellektual mulk huquqiga amal qilish, kontrafakt mahsulotlarga murosasiz munosabatni shakllantirish, mualliflik sohasida, shu jumladan, plagiatga qarshi kurashish maqsadida ishlab chiqaruvchi, sotuvchi, jamoat va koʻngilochar joylarda huquqbuzarlikning oldini olish, ular bilan huquqiy kurashish haqida aytib oʻtildi.

📌 Kanalga ulanish