#Ziyo_ulash

Adliya vazirligining bir qator xodimlari kitob almashish tashabbusini qoʻllab-quvvatlab, Yunusobod tumani davlat xizmatlari markaziga oʻnlab huquqiy nashrlar va badiiy adabiyotlarni olib kelishdi. Endi DXMga tashrif buyuruvchilar kitob olib, bilimlar dunyosiga shoʻngʻishi va xohlasa, oʻz kitobini almashtirib qoldirishi mumkin.

“Ziyo ulash” aksiyasi shunchaki kitob almashinuvi emas, balki jamiyatni ilm-maʼrifat atrofida birlashtiruvchi harakatdir. Zero, har bir oʻqilgan sahifa — bu yangi qarash, gʻoya, rivojlanish va boshqalarni ilhomlantirish imkoniyatidir.

Kitoblar javonlarda chang bosib yotmasligi kerak — ular yashashi va insonlarni oʻzgartirishi lozim. “Ziyo ulash” aksiyasiga qoʻshiling, sevimli asarlaringizni ulashing va jamiyatda bilim aylanmasini yaratishga hissa qoʻshing!

Kitob ulashing — ziyo koʻpayadi.

📌 Kanalga ulanish

#Adliya_loyiha

💬 ai.lex.uz — sunʼiy intellekt javob beradi

Savol: Kimlar davlat hisobidan bepul yuridik yordam olishlari mumkin?

📌 Kanalga ulanish

#Adliya_hudud

Toshkent shahar adliya boshqarmasi tomonidan Yashnobod tumanida joylashgan “Ishga marhamat” monomarkazi binosida Yashnobod, Mirzo Ulug‘bek va Mirobod tumanlarida aholi muammolarini o‘rganish va hal etish, ishsizlik va kambag‘allikni qisqartirish, mahallalarda “Obod xonadon – obod ko‘cha – obod mahalla” mezonlarini joriy etish yuzasidan ommaviy sayyor qabul o‘tkazildi.

Sayyor qabulda 132 nafarga yaqin fuqarolar ishtirok etib, 103 ga yaqin murojaatlar ish yurituviga qabul qilindi. Shuningdek, 49 ta murojaatga joyida huquqiy tushuntirish berildi, 31 ta murojaat bo‘yicha sayyor davlat xizmatlari hamda 10 ta notarial xizmatlar ko‘rsatildi.

Murojaatlar asosan kadastr hujjatlarini rasmiylashtirish, pensiya, kommunal to‘lovlar, imtiyozli kredit, meros, uy-joyga subsidiya olish, ijtimoiy himoya masalalari yuzasidan bo‘ldi.

📌 Kanalga ulanish

#Bir_murojaat_izidan

Gulbahor Yalgasheva Xatirchi tumanidagi “Barkamol avlod” bolalar markazida mental arifmetika boʻyicha toʻgarak rahbari. Unga 2024-yilda Birlashgan Arab Amirliklarida oʻtkazilgan tanlovda oʻquvchisi bilan qatnashgan safar xarajatlari toʻlab berilmagan. Yalgashevaning murojaati adliya ish yurituviga olinib, muammo sud orqali hal etildi.

📌 Kanalga ulanish

#Adliya_xabari

Aholi va tadbirkorlar uchun yana bir qulaylik: qurilishga ruxsat olish muddati 40%ga qisqardi

Adliya vazirligi va Qurilish va uy-joy kommunal xoʻjaligi vazirligi tomonidan Toshkent shahrida eksperiment tariqasida qurilishga ruxsat berish va arxitektura-rejalashtirish topshirigʻini (ART) ishlab chiqish davlat xizmatlari kompozit tarzda koʻrsatish boʻyicha qoʻshma qaror tasdiqlandi.

Mazkur hujjatga asosan 2025-yil 15-fevraldan boshlab, qurilishga ruxsat berish va arxitektura-rejalashtirish topshirigʻini ishlab chiqish uchun zarur boʻlgan muddatlar va koʻrib chiqish bosqichlari sezilarli darajada qisqartirildi.

Xususan, umumiy muddat 20 ish kunidan 12 ish kuniga, koʻrib chiqish bosqichlari 11 dan 7 taga qisqartirildi va yigʻim miqdori
BHMning 1,5 baravardan 0,5 baravariga tushirildi.

Muqaddam mazkur davlat xizmatlaridan foydalanish uchun talabgorlar jami 5 marotaba (ruxsatnoma uchun ariza yuborish, ruxsatnomani olish, ART uchun ariza yuborish, ART toʻlovini amalga oshirish hamda ARTni olish) davlat xizmatlari markazlariga kelishlari lozim boʻlgan boʻlsa, hozirda ushbu raqam 3 marotabagacha qisqardi (YIDXPdan yuborilsa kelish shart emas).

Bu oʻzgarishlar nafaqat ortiqcha ovoragarchilikni, balki vaqt va mablagʻni tejashga ham yordam beradi. Bitta ariza bilan qurilishga ruxsatnoma va ART hujjatlarini olish imkoniyati yaratildi.

Eksperiment 2025-yil oxiriga qadar Toshkent shahrida olib boriladi va natijalari boʻyicha respublika miqyosida joriy qilish uchun Vazirlar Mahkamasiga takliflar taqdim etiladi.

Yangi tartib shahar va respublikadagi qurilish sohasini yanada takomillashtirishga qaratilgan muhim qadam boʻlib, aholi va tadbirkorlar uchun qulayliklar yaratishga xizmat qiladi.

📌 Kanalga ulanish

#Ziyo_ulash

“Handalak” kulgi jamoasi aʼzosi, qiziqchi Ortiq Sultonov “Ziyo ulash” loyihasi doirasida Urgut tumani davlat xizmatlari markazida tashkil etilgan kutubxona burchagiga sevimli kitoblarini taqdim etdi:

“Inson hayotida hech kimni koʻrgisi, eshitgisi kelmaydigan damlar boʻladi. Ana shunaqa paytlarda faqat kitobdan maʼnaviy ozuqa olib, inson ruhi taskin topadi. Mutolaa shunchaki bilim emas, bu — kuch. Kitob oʻqiydigan inson doimo bir qadam oldinda boʻladi”.

💡Kitob ulashing — ziyo koʻpayadi.

📌 Kanalga ulanish

#Adliya_xalq_orasida

❓Kafillik shartnomasini bekor qilsa boʻladimi? Oʻzganing kreditini toʻlagan kafil pullarini qaytarib olishi mumkinmi?

Bu savollarga mutaxassis javob berdi.

Batafsil 👉 videoda.

📌 Kanalga ulanish

#Ziyo_ulash

Adliya vazirligi xodimlari “Ziyo ulash” aksiyasi doirasida kitoblar bilan o‘rtoqlashishni davom ettirmoqdalar. Navbatdagi manzil — Yashnobod tumani davlat xizmatlari markazi.

Endi markazga tashrif buyurgan har bir kishi kitob olib o‘qishi va keyinchalik o‘z kitobini boshqalar bilan baham ko‘rishi mumkin.

Tashabbusga qoʻshilmoqchimisiz? Yagona sharti: oʻqib boʻlgach, boshqaga bering. Kitoblaringizni eng yaqin davlat xizmatlari markaziga topshiring. Ehtimol, aynan sizning kitobingiz kimnidir yangi yutuqlarga ilhomlantirishi mumkin.

💡Kitob ulashing — ziyo koʻpayadi.

📌 Kanalga ulanish

Bugun, 18-fevral kuni Adliya vazirligi tomonidan ishlab chiqilgan “O‘zbekiston Respublikasining ayrim qonun hujjatlariga intellektual mulk himoyasini kuchaytirishga qaratilgan o‘zgartirish va qo‘shimchalar kiritish to‘g‘risida”gi O‘zbekiston Respublikasining Qonuni loyihasi Oliy Majlis Qonunchilik palatasi deputatlari tomonidan birinchi o‘qishda qabul qilindi.

Ushbu qonun loyihasi bilan:
1) mualliflik huquqi va turdosh huquqlarni buzganlik uchun ma’muriy jarima miqdori oshirilmoqda;

2) seleksiya yutug‘iga bo‘lgan huquqni buzganlik uchun ma’muriy javobgarlik kiritilmoqda;

3) patentga oid (ixtiro, foydali model, sanoat namunasi va seleksiya yutug‘i) huquqbuzarliklar sodir etishda foydalanilgan ashyolarni musodara qilish qo‘shimcha ma’muriy jazo chorasi sifatida kiritilmoqda;

4) adliya organlarining kontrafakt tovarlarni ko‘zdan kechirish va xatlash vakolatlari kiritilmoqda;

5) muallifning shaxsiy nomulkiy huquqlarini buzganlik uchun jinoiy javobgarlik choralari kuchaytirilib, buzilishi javobgarlikka sabab bo‘ladigan intellektual mulk obyektlari doirasi kengaytirilmoqda;

6) intellektual mulk egalarining mulkiy huquqlarini (tovar belgisi, ixtirolar, dasturiy ta’minot, sanoat namunasi va boshqalarga doir huquqlar) buzganlik uchun jinoiy javobgarlik belgilanmoqda;

7) tovar belgisi bo‘yicha ishlab chiqarilgan kontrafakt mahsulotlar huquqbuzar hisobidan muomaladan olib qo‘yilishi va yo‘q qilinishinazarda tutilmoqda.

Qonunning qabul qilinishi intellektual mulk huquqlarini samarali himoya qilinishiga, kontrafakt tovarlar aylanmasining oldini olishga, xorijiy investitsiyalar oqimining yanada ko‘payishiga hamda O‘zbekistonning Jahon Savdo Tashkilotiga a’zo bo‘lish jarayonini tezlashtirishga xizmat qiladi.

📌 Kanalga ulanish

Xo‘jalik jamiyatlarining ijro organi, kuzatuv kengashi hamda majoritar aksiyadorlarining (ishtirokchilarining) mas’uliyati oshiriladi

Bugun, 18-fevral kuni, Adliya vazirligi tomonidan ishlab chiqilgan “O‘zbekiston Respublikasining ayrim qonun hujjatlariga xo‘jalik jamiyatlarining ijro organi, kuzatuv kengashi hamda majoritar aksiyadorlarining (ishtirokchilarining) mas’uliyatini oshirishga qaratilgan o‘zgartirish va qo‘shimchalar kiritish to‘g‘risida”gi O‘zbekiston Respublikasi Qonuni loyihasi Oliy Majlis Qonunchilik palatasi deputatlari tomonidan birinchi o‘qishda qabul qilindi.

Mazkur Qonun loyihasi bilan “Aksiyadorlik jamiyatlari
va aksiyadorlarning huquqlarini himoya qilish to‘g‘risida” hamda “Mas’uliyati cheklangan hamda qo‘shimcha mas’uliyatli jamiyatlar to‘g‘risida”gi qonunlarga xo‘jalik jamiyatlarining ijro organi, kuzatuv kengashi a’zolarining fidusiar majburiyatlarini, majoritar aksiyadorlarining (ishtirokchilarining) umumiy majburiyatlari hamda mazkur majburiyatlar bo‘yicha javobgarlikni aniqlashtirishni nazarda tutuvchi o‘zgartirish va qo‘shimchalar kiritilmoqda.

Xususan, Qonun loyihasida xo‘jalik jamiyatiboshqaruvi organlari a’zolarining aniq fidusiar majburiyatlari xamda majoritar aksiyador (ishtirokchining) o‘z ustun mavqeyini suiiste’mol qilishining oldini olishga qaratilgan qoidalar belgilanmoqda.

Qonun loyihasining qabul qilinishi korporativ munosabatlarning huquqiy asoslarini yanada takomillashtirish, xo‘jalik jamiyatlarining boshqaruv organlari, majoritar aksiyadorlarining (ishtirokchilarining) mas’uliyati oshishiga hamda jamiyat va aksiyadorlarning (ishtirokchilarning) manfaatlari yanada mustahkam himoya qilinishiga xizmat qiladi.
 
📌 Kanalga ulanish

#Adliya_loyiha

💬 ai.lex.uz — sunʼiy intellekt javob beradi

Savol: Quyosh suv isitish qurilmalarini toʻliq oʻz mablagʻidan oʻrnatganlarga kompensatsiya beriladimi?

📌 Kanalga ulanish