#Adliya_xabari

Qoraqalpogʻistonda tadbirkorlarga intellektual mulk obyektlarini roʻyxatdan oʻtkazish va huquqiy muhofaza qilish boʻyicha koʻmak koʻrsatish davom etmoqda.

Adliya vazirligi masʼul xodimlari tomonidan Nukus shahrida joylashgan “Modern biznes klub” tadbirkorlar klubida “Tovar belgisini roʻyxatdan oʻtkazish va huquqiy muhofaza qilish” mavzusida davra suhbati tashkil etildi. Tadbirda tovar belgisini roʻyxatdan oʻtkazish va huquqiy muhofaza qilish tartiblari toʻgʻrisida maʼlumot berildi.

Shundan soʻng mebel ishlab chiqarishga ixtisoslashgan “MURATBEK MEBEL” MCHJga borilib, tadbirkorga tovar belgisini roʻyxatdan oʻtkazish va uning afzalliklari tushuntirildi. Shu joyning oʻzida tadbirkorga tegishli “MURATBEK MEBEL” brendini roʻyxatdan oʻtkazish uchun talabnoma topshirildi.

Shuningdek, Qoraqalpogʻistonning uzoq yillik tarixi, urf-odat va qadriyatlari bilan chambarchas bogʻliq boʻlgan “Qaraqalpaq qara uyi” – oʻtovni geografik koʻrsatkich sifatida roʻyxatdan oʻtkazish boʻyicha tushunchalar berildi.

📌 Kanalga ulanish

#Adliya_xabari

Vazirlik xodimlari uchun psixolog ishtirokida trening oʻtkazildi

Bugun Adliya vazirligida psixolog Parizoda Kuraxmedova ishtirokida xodimlar uchun trening tashkil etildi. Unda inson psixologiyasi, ichki kuchlarni tiklash usullari va hayotiy vaziyatlarga ijobiy munosabatni shakllantirish haqida maʼlumot berildi.

Trening davomida xodimlar samarali ishlash uchun zarur boʻlgan asosiy ichki resurslar, stress bilan kurashish va quvvatni tiklash yoʻllari haqida bilim oldilar. Psixolog ishtirokchilarga oʻz his-tuygʻularini qanday boshqarish va samaradorlikni saqlab qolishni chuqurroq tushunishga yordam beradigan hayotiy misollar keltirdi.

Kasbiy charchashning oldini olish, oʻz imkoniyatlaridan oqilona foydalanish hamda ish va shaxsiy hayot oʻrtasidagi muvozanatni saqlashning muhimligiga alohida eʼtibor qaratildi.

Bu kabi treninglarni tashkil etish — xodimlarning yuqori darajadagi ruhiy farovonligini taʼminlash, yanada barqaror va gʻayratli jamoa yaratish yoʻlidagi qadamdir.

📌 Kanalga ulanish

Adliya vazirligi va Koreya intellektual mulk idorasi huzuridagi Koreya patent ma’lumotlari instituti (KIPI) vakillari tomonidan “O‘zbekistonda intellektual mulk sohasida davlat boshqaruvi tizimini takomillashtirish” loyihasi bo‘yicha o‘rganishlar olib borildi.

Ushbu tadbir doirasida Adliya vazirligida Koreya xalqaro hamkorlik agentligining (KOICA) O‘zbekistondagi idorasi rahbari Myon Sop Shin boshchiligidagi delegatsiya va adliya vaziri o‘rinbosari M. Ikramovboshchiligidagi vazirlik vakillari o‘rtasida yakuniy uchrashuv tashkil etildi.

Uchrashuvda KOICA, KIPI va vazirlik vakillari o‘rtasida “O‘zbekistonda intellektual mulk sohasida davlat boshqaruvi tizimini takomillashtirish” loyihasi bo‘yicha hafta davomida olib borilgan tadqiqot natijalari, loyiha yo‘nalishlari va amalga oshirish muddatlari, shuningdek, kelajakdagi istiqbollar muhokama qilindi.

Adliya vaziri o‘rinbosari M. Ikramov o‘z kirish so‘zida KOICAga loyihani qo‘llab-quvvatlagani uchun minnatdorchilik bildirib, mamlakatimizda intellektual mulk sohasida amalga oshirilayotgan islohotlar, Jahon savdo tashkilotiga qo‘shilish jarayonlarida xalqaro standartlarni milliy qonunchilikka implementatsiya qilish hamda intellektual mulkni ro‘yxatdan o‘tkazishdagi davlat xizmatlari haqida ma’lumot berdi.

O‘z navbatida, KOICA  idorasi rahbari janob Shin ushbu loyihaning davlat xizmatlarini raqamlashtirish, xususan, “O‘zbekiston – 2030” strategiyasida belgilangan maqsadlarni amalga oshirishda muhim ahamiyatga ega ekanligi va loyihaning muvaffaqiyatli amalga oshirilishi soha bo‘yicha O‘zbekistonning mintaqada yetakchi davlatlardan biriga aylanishiga imkon yaratishini ta’kidlab o‘tdi.

Ta’kidlash joizki, Adliya vazirli 2024-yil iyun oyida KOICA tomonidan “Mamlakatlar bo‘yicha loyihalar va dasturlar” dasturi doirasida “O‘zbekistonda intellektual mulk sohasida davlat boshqaruvi tizimini takomillashtirish” loyihasi g‘olib deb topildi.

Loyihani amalga oshirish uchun 9,73 mln. AQSH dollari miqdorida mablag‘ ajratilishi rejalashtirilgan.

📌 Kanalga ulanish

#Adliya_xabari

“Kontrafaktsiz oy” oyligiga start berildi

Bugun, 17-fevral kuni Adliya vazirligi tomonidan “Kontrafaktsiz oy” oyligi yuzasidan matbuot anjumani oʻtkazildi. Tadbirda Adliya vazirligi masʼul xodimlari bilan bir qatorda soha boʻyicha masʼul vazirlik va idoralar vakillari ishtirok etdi.

Taʼkidlangandek, mazkur oylik davomida aholi oʻrtasida intellektual mulk huquqiga rioya qilish, kontrafakt mahsulotlarga nisbatan murosasiz munosabatni shakllantirish, mualliflik sohasida qaroqchilikka, shu jumladan “plagiatga” qarshi kurashish maqsadida ishlab chiqaruvchi, sotuvchi, nashriyot va koʻngil ochar maskanlarda huquqbuzarlikni oldini olishga qaratilgan profilaktika chora-tadbirlar, xususan, ogohlantirish va noqonuniy harakat uchun javobgarlik mavjudligi haqidagi targʻibotni kuchaytirish yoʻlga qoʻyiladi.

Shuningdek, isteʼmolchilarda kontrafakt tovarni aslidan farqlash koʻnikmasini hosil qilish maqsadida tushuntirish ishlari olib boriladi. Fuqarolarning mazkur sohada huquqiy ong va huquqiy madaniyatini oshirishga qaratilgan targʻibot tadbirlari oʻtkaziladi.

📌 Kanalga ulanish