#Adliya_xabari

Andijonda intellektual mulk masalalariga bagʻishlangan sayyor qabul tashkil etildi

Intellektual mulk sohasini rivojlantirish, aholi va tadbirkorlarning murojaatlarni koʻrib chiqish, ularning sohaga oid qonunchilik hujjatlari va yangiliklar haqida xabardorligini oshirish maqsadida “Intellektual mulk markazi” davlat muassasasi rahbariyati ishtirokida Andijonda sayyor qabul oʻtkazildi.

Sayyor qabul tadbirkorlik subyektlari, manfaatdor shaxslar, mualliflar, hammualliflar oʻrtasida ochiq muloqot tarzida boʻlib oʻtdi. Unda sohaga oid muammolar oʻrganildi va ularni yechish yoʻllari muhokama qilindi. Bir nechta jismoniy shaxslarga oʻzlari ishlab chiqaradigan ijod namunalariga muhofaza hujjati olish uchun talabnoma topshirishda professional yuridik yordam koʻrsatildi.

Shu bilan birga, intellektual mulk obyektlari muhofazasini taʼminlash, ularni samarali himoya qilish mexanizmlarini yoʻlga qoʻyish va amalga oshirish hamda bu yoʻnalishdagi amaliyotni takomillashtirish toʻgʻrisida ham tushuntirishlar berildi.

📌 Kanalga ulanish

#Adliya_xabari

Adliya vazirligi Yuridik xizmatlar faoliyatini muvofiqlashtirish boshqarmasi tomonidan Shayxontohur va Olmazortumanlarida “E-huquqshunos” elektron tizimida hujjat loyihalarini avtomatik shakllantirish imkoniyatlari yuzasidanxizmat koʻrsatilayotgan tashkilotlar xodimlari uchun seminarlar oʻtkazildi.

Shuningdek, markazlar hamda xizmat koʻrsatilayotgan tashkilotlarga borgan holda ular faoliyatida uchrayotgan muammolar oʻrganildi. Ularni bartaraf etish boʻyicha xodimlarga tushuntirish va tavsiyalar berilib, amalga oshirilishi lozim boʻlgan chora-tadbirlar belgilab olindi.

📌 Kanalga ulanish

#Adliya_xabari

Qoraqalpogʻistonda tadbirkorlarga intellektual mulk obyektlarini roʻyxatdan oʻtkazish va huquqiy muhofaza qilish boʻyicha koʻmak koʻrsatish davom etmoqda.

Adliya vazirligi masʼul xodimlari tomonidan Nukus shahrida joylashgan “Modern biznes klub” tadbirkorlar klubida “Tovar belgisini roʻyxatdan oʻtkazish va huquqiy muhofaza qilish” mavzusida davra suhbati tashkil etildi. Tadbirda tovar belgisini roʻyxatdan oʻtkazish va huquqiy muhofaza qilish tartiblari toʻgʻrisida maʼlumot berildi.

Shundan soʻng mebel ishlab chiqarishga ixtisoslashgan “MURATBEK MEBEL” MCHJga borilib, tadbirkorga tovar belgisini roʻyxatdan oʻtkazish va uning afzalliklari tushuntirildi. Shu joyning oʻzida tadbirkorga tegishli “MURATBEK MEBEL” brendini roʻyxatdan oʻtkazish uchun talabnoma topshirildi.

Shuningdek, Qoraqalpogʻistonning uzoq yillik tarixi, urf-odat va qadriyatlari bilan chambarchas bogʻliq boʻlgan “Qaraqalpaq qara uyi” – oʻtovni geografik koʻrsatkich sifatida roʻyxatdan oʻtkazish boʻyicha tushunchalar berildi.

📌 Kanalga ulanish

#Adliya_xabari

Vazirlik xodimlari uchun psixolog ishtirokida trening oʻtkazildi

Bugun Adliya vazirligida psixolog Parizoda Kuraxmedova ishtirokida xodimlar uchun trening tashkil etildi. Unda inson psixologiyasi, ichki kuchlarni tiklash usullari va hayotiy vaziyatlarga ijobiy munosabatni shakllantirish haqida maʼlumot berildi.

Trening davomida xodimlar samarali ishlash uchun zarur boʻlgan asosiy ichki resurslar, stress bilan kurashish va quvvatni tiklash yoʻllari haqida bilim oldilar. Psixolog ishtirokchilarga oʻz his-tuygʻularini qanday boshqarish va samaradorlikni saqlab qolishni chuqurroq tushunishga yordam beradigan hayotiy misollar keltirdi.

Kasbiy charchashning oldini olish, oʻz imkoniyatlaridan oqilona foydalanish hamda ish va shaxsiy hayot oʻrtasidagi muvozanatni saqlashning muhimligiga alohida eʼtibor qaratildi.

Bu kabi treninglarni tashkil etish — xodimlarning yuqori darajadagi ruhiy farovonligini taʼminlash, yanada barqaror va gʻayratli jamoa yaratish yoʻlidagi qadamdir.

📌 Kanalga ulanish