#Huquqiy_mahalla

“Ushot”da “Huquqiy mahalla” loyihasi doirasida amalga oshirilgan ishlar oʻrganildi

Adliya vazirligi masʼullaridan iborat ishchi guruhining Buxoro viloyatiga xizmat safari davomida Jondor tumanidagi “Ushot” mahallasida “Huquqiy mahalla” loyihasi doirasida amalga oshirilgan ishlar bilan tanishildi.

Xususan, vazirlik masʼullari tomonidan ushbu mahallada uyma-uy yurgan holda fuqarolarning muammolari oʻrganildi hamda ularga huquqiy tushuntirishlar berildi. Oʻrganish talab etiladigan fuqarolarning murojaatlari yuzasidan masʼullarga kerakli koʻrsatmalar berdi. Aholini qiynayotgan asosiy masalalar – kadastr va shaxsga doir hujjatlarni rasmiylashtirish, meros, bandlik, subsidiya olish, taʼlim krediti, uy-joy taʼmiri, moddiy yordam hamda oilaviy munosabatlar bilan bogʻliq murojaatlar oʻrganilmoqda.

Bundan tashqari, mahallada 20 ga yaqin fuqarolarga sayyor tartibda davlat xizmatlari koʻrsatilib, ularning muammolari joyida hal etildi. Tuman FHDY boʻlimi tomonidan joyida 2 nafar fuqaroga farzandlarining tugʻilish guvohnomalari topshirildi. Mazkur loyiha doirasida mahalla aholisi uchun chuqurlashtirilgan tibbiy koʻrik tashkil qilindi. Tibbiy koʻrik jarayoniga 100 ga yaqin mahalla aholisi jalb etildi.

Tibbiy koʻrik doirasida mahalla aholisining tibbiy-ijtimoiy muammolari muhokama qilindi. Shifokorlar tomonidan turli kasalliklar kelib chiqishining oldini olish, fuqarolarning tibbiy savodxonligini oshirish, sogʻlom turmush tarzini shakllantirish boʻyicha profilaktik-targʻibot tadbirlari ham oʻtkazildi.

Loyiha doirasida “mahalla yettiligi” hamkorligida fuqarolarning huquqiy muammolari oʻrganilib, bir qator masalalarga yechim topilmoqda.

Jumladan, ushbu hududning tegishli koʻchalarida yoʻl belgilari, elektr taʼminotini yaxshilash maqsadida ustunlar oʻrnatilib, aholining bu boradagi murojaatlari oʻzining ijobiy yechimini topdi.

Shuningdek, tikuvchilikka qiziqqan yoshlarga subsidiya asosida tikuv mashinasi olishda amaliy koʻmaklashilib, egalariga tantanali ravishda topshirildi.

Amaliy tashrifning ikkinchi kuni vazirlik masʼullari tomonidan barcha tuman (shahar) adliya boʻlimlari xodimlari uchun “Zoom” platformasi orqali yigʻilish oʻtkazilib, “Huquqiy mahalla” loyihasi doirasida amalga oshirilgan ishlarning tahlili natijalari muhokama qilindi, bu borada boshqa tuman (shahar) adliya boʻlimlari amalga oshirishi lozim boʻlgan vazifalar, tegishli tavsiya va koʻrsatmalar berildi.

📌 Kanalga ulanish

#Adliya_xabari

Adliyada adaptatsiya jarayoni amalda

Adliya vazirligiga ishga yangi qabul qilingan xodimlar uchun mehnatni samarali yoʻlga qoʻyishga qaratilgan zaruriy yoʻl-yoʻriqlar tanishtirildi.

Xususan, vazirlik va undagi mehnat jamoasi, mehnat va ijro intizomi, ichki mehnat tartibi qoidalari, korrupsiyaga qarshi kurashish siyosati, ish faoliyatida qoʻllaniladigan axborot tizimlar, mehnatni muhofazasi qilish va texnika xavfsizligi qoidalari boʻyicha (takroran) tushuntirishlar berildi.

Shundan soʻng, maʼmuriy binoda rahbariyat (xizmat xonasi) va tarkibiy boʻlinmalarning joylashuvi, majlislar (katta va kichik) zallari, kutubxona, muzey, sport zal, tibbiyot xonasi va vazirlik arxivi bilan yaqindan tanishtirib chiqildi.

📌 Kanalga ulanish