#Adliya_xabari

Adliya vaziri oʻrinbosari X.Meliyev maktabning mehmonlar kutubxonasi uchun ilk kitobni sovgʻa qildi

Navoiyda boʻlib turgan adliya vaziri oʻrinbosari X. Meliyev ingliz tili, matematika va IT sohalariga yoʻnaltirilgan 500 oʻrinli xususiy maktab imkoniyatlari bilan tanishdi.

Bu yerda yoshlar bilan uchrashuv tashkil etildi. Samimiy va mazmunli oʻtgan muloqotda oʻquvchilar huquqiy bilimlarini mustahkamladilar. Oʻz oʻrnida adliya vaziri oʻrinbosari ham yoshlar qiziqishi va salohiyatiga eʼtibor qaratdi.

Xususiy taʼlim muassasasida yangi anʼanaga start berildi — mehmonlar uchun kutubxona tashkil etilgan. Bu oʻquv dargohiga tashrif buyurgan mehmon maktabga kitob hadya qilish imkoniyatiga ega. Adliya vaziri oʻrinbosari bu anʼanani ilk ishtirokchisi boʻldi va “Amir Temur va Fransiya” kitobini kutubxonaga sovgʻa qildi.

📌 Kanalga ulanish

#Adliya_xabari

Toshkentda “Oʻzbekiston Respublikasi Konstitutsiyasi — erkin va farovon hayot garovi” mavzusida konferensiya boʻlib oʻtdi

Bugun, 3-dekabr kuni Toshkent davlat yuridik universitetida “Oʻzbekiston Respublikasi Konstitutsiyasi ─ erkin va farovon hayot garovi” mavzusida xalqaro ilmiy-amaliy konferensiya oʻtkazildi.

Tadbirda Oliy Majlis, Konstitutsiyaviy sud, vazirlik va idoralar, fuqarolik jamiyati institutlari, ommaviy axborot vositalari vakillari hamda AQSh, Finlyandiya, Buyuk Britaniya va Polsha kabi rivojlangan xorijiy mamlakatlarning yetakchi huquqshunos olimlari ishtirok etdi.

Konferensiyada soʻzga chiqqan adliya vaziri oʻrinbosari Sh. Rabiyev yangi tahrirdagi Konstitutsiyada davlat qurilishining yangi strategik maqsadi ─ ijtimoiy davlat qurish ekanligi belgilab berilgani, ijtimoiy adolat va birdamlik prinsiplari joriy etilganligi, inson huquq va erkinliklarini himoya qilishning mutlaqo yangi mexanizmlarini nazarda tutuvchi konstitutsiyaviy asoslar mustahkamlanganligi haqida toʻxtalib oʻtdi.

Tadbir davomida mahalliy va xorijiy olimlarning yangi tahrirdagi Konstitutsiyaning mazmun-mohiyati, shuningdek “Oʻzbekiston─2030” strategiyasi doirasida belgilangan tub islohotlar yuzasidan maʼruzalari tinglandi.

Xususan, soʻnggi yillarda iqtisodiy, ijtimoiy, madaniy va boshqa turli sohalarda amalga oshirilgan keng koʻlamli islohotlar natijalarini mustahkamlashda Konstitutsiyaning oʻrni va rolini ilmiy jihatdan tadqiq etish muhimligi alohida taʼkidlandi.

📌 Kanalga ulanish

#Adliya_xabari

Adliya vaziri oʻrinbosari Navoiydagi davlat xizmatlari markazi faoliyati bilan tanishdi

Adliya vaziri oʻrinbosari X.Meliyev Navoiy shahar adliya boʻlimi davlat xizmatlari markazi faoliyati bilan tanishdi. Dastlab fuqarolarga davlat xizmatlaridan foydalanishda yaratilgan qulayliklar koʻzdan kechirildi.

Vazir oʻrinbosari aholi uchun qulay va sifatli davlat xizmati koʻrsatilishi borasida markazga kelayotgan murojaatchilarning fikri bilan qiziqib, ular bilan muloqotda ham boʻldi.

Shuningdek, davlat xizmatlari markazida yoʻlga qoʻyilgan haydovchilik guvohnomasini yangisiga almashtirish, ID-karta hamda xorijga chiqish uchun “qizil” pasport rasmiylashtirish imkoniyatlarini oʻrgandi.

Markazda bir kunda 600—800 nafar fuqaroga davlat xizmati koʻrsatayotgan xodimlarning bilim koʻnikmalari, aqliy salohiyat, raqamlashtirilgan elektron tizimdan foydalanish, davlat xizmati koʻrsatish, muomala madaniyati boʻyicha kerakli tavsiyalar ham berildi.

📌 Kanalga ulanish