#Adliya_xabari

Adliya organlari va muassasalarining jamoatchilik bilan aloqalar bo‘yicha mutaxassislari uchun o‘quv kurslari tashkil etildi

Yuristlar malakasini oshirish markazida adliya organlari va muassasalarining jamoatchilik bilan aloqalar sohasida faoliyat yuritayotgan mutaxassislari uchun o‘quv kurslari o‘z nihoyasiga yetdi. Ushbu tashabbus Adliya vazirligining faoliyat ochiqligi va shaffofligi tamoyillariga sodiqligini, jamiyat bilan samarali muloqot o‘rnatishga intilishini ifodalaydi, bu esa fuqarolar ishonchini mustahkamlashda muhim ahamiyat kasb etadi.

25—29-noyabr kunlari xodimlar ommaviy axborot vositalari bilan hamkorlik qilish, inqirozli vaziyatlarda muloqot olib borish va jamoatchilikni xabardor qilish bo‘yicha ta’lim oldilar. OAV va fuqarolik jamiyatining boshqa institutlari vakillari bilan samarali kommunikatsiyani yo‘lga qo‘yish, shuningdek, raqamli davr talablariga moslashishga alohida e’tibor qaratildi.

O‘quv dasturida adliya organlarining ochiqligini oshirish mexanizmlarini ishlab chiqish masalalariga urg‘u berildi. Ishtirokchilar press-relizlarni tayyorlash, ommaviy tadbirlarni tashkil etish va keng auditoriyaga ma’lumotlarni samarali yetkazish usullarini o‘rgandilar.

Raqamli texnologiyalarning ta’siri kuchayib borayotgan sharoitda kurslar ishonchli ma’lumotlarni o‘z vaqtida tarqatish uchun ijtimoiy tarmoqlar va raqamli platformalardan foydalanish masalalarini ham qamrab oldi. Xodimlar faktlarni tekshirish, ijtimoiy tarmoqlardagi jamoatchilik fikrini kuzatib borish usullarini o‘zlashtirishdi.

Kurslar shuni ko‘rsatdiki, jamoatchilik bilan aloqalar sohasidagi kasbiy rivojlanish nafaqat adliya organlariga o‘z vazifalarini yaxshiroq bajarishga yordam beradi, balki jamiyatda ijobiy tasavvur shakllanishida ham muhim rol o‘ynaydi. Samarali muloqot fuqarolar o‘rtasida huquqiy savodxonlikni oshirishga xizmat qiladi.

Mashg‘ulotlar yakunida ishtirokchilarga sertifikatlar topshirildi.

📌 Kanalga ulanish

#Adliya_xabari

Adliya vaziri oʻrinbosari X.Meliyev tadbirkorlar va fuqarolarning huquqiy masalalari, huquqiy xizmat koʻrsatish sifatini oʻrganish maqsadida Navoiy viloyati boʻlib turibdi.

Dastlab hududning Navbahor tumanida faoliyat yuritayotgan tadbirkorlar bilan manzilli muloqotlar oʻtkazildi.

Maʼlumot oʻrnida aytib oʻtish joiz, bugungi kunda tumanda 2 832 yakka tartibdagi tadbirkor, 2584 ta kichik biznes subyektlari davlat roʻyxatidan oʻtgan. Ulardan 8 tasi xorijiy, 5 tasi qoʻshma korxona sifatida faoliyat yuritmoqda.

Adliya vaziri oʻrinbosari oʻrganish davomida hududdagi “Qorovultepa” MFYda joylashgan “Pure Nature oils” oʻsimlik yogʻi ishlab chiqarish korxonasi, “VB Granite group” MChJ granit ishlab chiqarish obyekti hamda “Qorajon” MFYda joylashgan “Navbahor tomorqa xizmati klasteri” ishlab chiqarish quvvatlari bilan yaqindan tanishdi.

Muloqotda tadbirkorlik faoliyati davomida yuzaga kelayotgan soliq, kommunal xizmatlar, eksport hajmini oshirish bilan bogʻliq masalalari va ularning huquqiy yechimi boʻyicha tushuntirishlar berib oʻtildi.

📌 Kanalga ulanish

#Adliya_xabari

Fuqarolik jamiyati haftaligining ochilish marosimida adliya vaziri Akbar Toshqulov nutq soʻzlab, Oʻzbekistonda davlat va jamiyat oʻrtasidagi oʻzaro ishonchni mustahkamlash, fuqarolik jamiyatini rivojlantirish, nodavlat notijorat tashkilotlarini qoʻllab-quvvatlash yoʻnalishda amalga oshirilgan islohotlarga toʻxtalib oʻtdi.

👉Batafsil

📌 Kanalga ulanish

#Adliya_xabari

Vazir o‘rinbosari “Huquqiy mahalla”da

Adliya vaziri o‘rinbosari X.Meliyev Navoiy viloyatida “Huquqiy mahalla” loyihasi doirasida amalga oshirilayotgan ishlar bilan tanishdi.

Navbahor tumanidagi “Beshrabot” MFYga “Huquqiy mahalla” maqomi berilgan. Mahalla aholisi bugungi kunda 3 mingga yaqin. Hududda 785 ta xonadon mavjud bo‘lib 30 yoshgacha boʻlganlar 1,5 ming nafarni tashkil etadi.

Aholini qiynayotgan asosiy masalalar kadastr va shaxsga doir hujjatlarni rasmiylashtirish, bandlik, subsidiya olish, taʼlim krediti, uy-joy taʼmiri, moddiy yordam hamda oilaviy munosabatlar bilan bogʻliq.

Adliya vaziri o‘rinbosari ishtirokida o‘tkazilgan sayyor qabul davomida shu kabi masalalar atroflicha o‘rganilib, muammolarni hal qilish borasida adliya boshqarmasi jamoasi, ishchi guruh aʼzolari tomonidan amalga oshirilayotgan chora-tadbirlar ko‘zdan kechirildi.

Bugungi kunda mahallada har bir xonadon xatlovdan o‘tkazilib, fuqarolarning kadastr va shaxsga doir hujjatlari rasmiylashtirish, bandlik, kommunal xizmatlar bilan bog‘liq muammolariga ijobiy yechim topildi.

Shuningdek, ayrim murojaatlar joyiga chiqqan holda o‘rganildi.

Bundan tashqari, adliya bo‘limi, davlat xizmatlari markazi, FHDY, YXKM faoliyati ham tahlil etildi.

📌 Kanalga ulanish