#Bir_murojaat_izidan

Adliya aralashuvi bilan bir oilaning muammosi oʻz yechimini topdi

Mamlakatimizda jismoniy va yuridik shaxslarning murojaatlari bilan ishlash tizimi tubdan takomillashtirilib, fuqarolarning bu boradagi huquq va manfaatlari taʼminlab kelinmoqda.

Xususan, Maftuna Milibayeva Yangi Namangan tumani fuqarolik holati dalolatnomalarini yozish boʻlimiga murojaat qilib, 1998-yilda tugʻilganligini, 26 yoshga yetgan boʻlsa-da hozirga qadar tugʻilganlik guvohnomasi olmaganligini, bu borada bir necha marotaba davlat idoralariga murojaat qilganligini, biroq murojaati ijobiy yechim topmaganligini bayon qilib, bu borada amaliy yordam berishni soʻragan.

Uning murojaatiga asosan, kerakli maʼlumotlarni olish maqsadida tashkilot va muassasalarga aloqa xati bilan murojaat qilindi. Barcha maʼlumotlar olinib, M.Milibayevaning tugʻilishi qayd etildi.

Tugilishi qayd etilib tugʻilganlik guvohnomasi berilgandan soʻng, fuqarolik pasporti olishda amaliy yordam koʻrsatildi. Unga fuqarolik pasportini olingandan keyin, 2018, 2020 va 2022-yil tugʻilgan farzandlari ham tugʻilishi qayd etilib, guvohnomalari berildi. Shu bilan bir oilaning 4 nafar aʼzosini yillar davomida qiynab kelayotgan muammoga barham berildi.

📌 Kanalga ulanish

#Adliya_xabari

Oʻzbekiston delegatsiyasi Yaponiyada davlat tashkilotlari vakillari bilan qator uchrashuvlar oʻtkazdi

Soʻnggi yillarda Oʻzbekistonda mavjud byurokratik toʻsiqlarni qisqartirish va aholiga davlat xizmatlarini koʻrsatish tizimini yaxshilash boʻyicha keng koʻlamli maʼmuriy islohotlar amalga oshirilmoqda.

Ushbu sohadagi islohotlarni yanada takomillashtirish maqsadida Adliya vazirligi, Oliy sud va Huquqni muhofaza qilish akademiyasi, Toshkent davlat yuridik universiteti vakillaridan iborat delegatsiya Yaponiya tomonining taklifiga asosan xizmat safarida boʻlib qaytdi. Delegatsiya aʼzolari maʼmuriy tartib-taomillar toʻgʻrisidagi qonunchilikni amaliyotga toʻgʻri tatbiq etish, davlat organlarining jismoniy va yuridik shaxslar bilan boʻlgan munosabatlarida qonuniylik va shaffoflik taʼminlanishida davlat xizmatchilarining professional korpusini yaratish boyicha xorijiy tajriba bilan tanishdi.

Xususan, Yaponiya Adliya vazirligining Xalqaro hamkorlik va Maʼmuriy huquq departamentlari, Yaponiya Patent agentligi, Raqamlashtirish agentligi, Yaponiya Umumiy ishlar va kommunikatsiyalar vazirligi, Nagoya universiteti, Huquqiy tadqiqotlar markazi hamda Nagoya shahar hokimligi vakillari bilan uchrashuvlar oʻtkazildi.

Muloqotlar davomida Yaponiya davlat tashkilotlari tomonidan maʼmuriy tartib-taomillar toʻgʻrisidagi qonunchilik hamda ularning amaliyotda qoʻllanilishi, maʼmuriy aktlar ustidan shikoyat berish tartiblari, apellyatsiya kengashlari faoliyati, raqamlashtirish sohasida amalga oshirilayotgan ishlar toʻgʻrisida batafsil maʼlumotlar berildi.

📌 Kanalga ulanish

#Huquqiy_mahalla

“Huquqiy mahalla” loyihasi doirasida adliya organlari xodimlari tomonidan Zarbdor tumanida faoliyat yurituvchi xotin-qizlar faollari uchun seminar tashkil etildi.

Mazkur seminarda xotin-qizlar faollarining sohasiga oid normativ-huquqiy hujjatlar, ularning asosiy vazifa va funksiyalari tushuntirilib, mahallalarda ayollarning ijtimoiy faolligini oshirish borasidagi keng koʻlamli islohotlar, “Energetika xavfsizligi” oyligiga oid hujjatlar mazmun-mohiyati yetkazildi.

Tadbir davomida ularning qiziqtirgan savollariga javoblar berilib, faoliyat sohasiga oid hujjat namunalari va 25 turdagi metodik qoʻllanmalar tarqatildi.

📌 Kanalga ulanish

#Adliya_xabari

Raqamli muhit sharoitida Texnologiyalar va innovatsiyalarni qoʻllab-quvvatlash markazlari faoliyatini rivojlantirish

Adliya vazirligida Texnologiyalar va innovatsiyalarni qoʻllab-quvvatlash markazlarining III Milliy anjumani boʻlib oʻtdi.

Keng qamrovda tashkil etilgan ushbu anjumanda vazirlik va hududlardagi intellektual mulk sohasi boʻyicha masʼul xodimlar, Oliy taʼlim hamda TIQQMlar yoʻnalishida faoliyat yuritayotgan vakillar, ilmiy ishlanmalar mualliflari oflayn va onlayn tarzda ishtirok etdilar.

👉Batafsil

📌 Kanalga ulanish