#Adliya_xabari

Adliya vaziri Andijon viloyatida maktablarda tashkil etilgan “Huquq sinfi”lari faoliyati bilan tanishdi

Adliya vaziri Akbar Toshqulov Andijon viloyatiga xizmat safari davomida dastlab Xoʻjaobod tumanidagi Ixtisoslashtirilgan maktab-internatida tashkil etilgan “Huquq sinfi”da yaratilgan sharoitlar bilan tanishib, oʻquvchilar bilan muloqot oʻtkazdi.

Yoshlarda ilm olishga intilish, mamlakatdagi islohotlarga daxldorlik hissini shakllantirish hamda huquqshunoslik kasbining jozibadorligi xususida soʻz yuritildi. Shuningdek, oʻquvchilar oʻzlarining qiziqtirgan savollariga bevosita vazirdan javob olish imkoniyatiga ega boʻldi.

Navbatdagi manzil Xoʻjaobod tumanidagi “Mustahkam” mahallasida boʻldi. “Mahalla yettiligi” bilan uchrashuv davomida adliya boʻlimlari tomonidan MFY xodimlari bilan hamkorlikda amalga oshirilayotgan ishlar, shu jumladan, huquqiy muammolarini aniqlash va bartaraf etish masalalari muhokama qilinib, ijobiy amaliyot taqdimoti oʻtkazildi.

Bunda “online mahalla” platformasi orqali adliya organlariga yuborilayotgan murojaatlarni oʻrganish va hal etish, mavjud tizimli huquqiy muammolarni bartaraf etish, aholiga sayyor tartibda sifatli huquqiy va davlat xizmatlari koʻrsatish, manzilli targʻibot tadbirlarini tashkil etish boʻyicha zarur tavsiyalar berildi.

Bu kabi uchrashuvlar Andijon viloyatining bir qator boshqa mahallalarida ham oʻtkazildi.

📌 Kanalga ulanish

#Adliya_xabari

Adliya vazirligi va “Mohirdev” kompaniyasi oʻrtasida raqamli texnologiyalarni rivojlantirishga qaratilgan hamkorlik memorandumi imzolandi

Oʻzbekiston Respublikasining Sunʼiy intellekt texnologiyalarini 2030-yilga qadar rivojlantirish strategiyasiga muvofiq, Adliya vazirligi va “Mohirdev” kompaniyasi “raqamli hukumat”ni rivojlantirishda sunʼiy intellekt va raqamli texnologiyalardan foydalanish, davlat xizmatlarini yanada samarali, shaffof va qulay qilish maqsadida hamkorlikni kuchaytirishga qaratilgan memorandum imzoladi.

Mazkur memorandum doirasida quyidagi yoʻnalishlarda loyiha va tashabbuslar amalga oshirilishi rejalashtirilgan:
➖Xodimlarning sunʼiy intellekt sohasidagi bilim va koʻnikmalarini oshirish, davlat xizmatchilari va boshqa mutaxassislarning malakasini oshirish. Bu orqali davlat organlarida zamonaviy texnologiyalardan samarali foydalanish imkonini yaratiladi.
➖Raqamli xizmatlarni qulaylashtirish. Ushbu yoʻnalishda nutqni aniqlash va sintezlash, tabiiy tilga ishlov berish (LLM va NLP) texnologiyalari asosida qulay va intuitiv interfeyslar yaratish koʻzda tutilgan.
➖Aholi va tadbirkorlarga qulaylik yaratish maqsadida sunʼiy intellektga asoslangan chat-botlar joriy etish.

Shuningdek, Adliya vazirligi axborot tizimlarida toʻplangan huquqiy hujjatlar bazasini sunʼiy intellekt yordamida avtomatlashtirilgan holda tahlil qilish imkoniyatlari yaratiladi.

Mazkur hamkorlik natijasida davlat xizmatlari sifatini oshirish, aholining davlat xizmatlariga boʻlgan ishonchini yanada mustahkamlash, innovatsion texnologiyalarni joriy qilish hamda mamlakatning raqamli transformatsiyasiga hissa qoʻshish koʻzda tutilgan.

📌 Kanalga ulanish

#Adliya_xabari

Adliya vazirligida amaliy seminar tashkil etildi

Adliya vaziri tomonidan tasdiqlangan iqtisodiy oʻqishlar boʻyicha reja-grafigiga asosan gibrid formatida amaliy seminar tashkil etildi. Unda vazirlikning markaziy apparati xodimlari bilan bir qatorda hududiy adliya organlari vakillari ZOOM platformasi orqali ishtirok etdi.

Seminarda qonunchilik hujjatlari ijrosini samarali tashkil etish va “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan Prezident qarorlari talablaridan kelib chiqqan holda ijro intizomini mustahkamlashda erishilgan natijalar tahlil qilinib, yoʻl qoʻyilgan kamchiliklarni bartaraf etish chora-tadbirlari taqdimot qilindi.

📌 Kanalga ulanish

#Adliya_xabari

Adliya vaziri oʻrinbosari tomonidan sayyor qabul oʻtkazildi

Adliya vaziri oʻrinbosari Sh.Rabiyev tomonidan “Huquqiy mahalla” loyihasi doirasida Zarbdor tumani “Taraqqiyot” MFY binosida sayyor qabul tashkil etildi.

Qabulda tuman hokimi, prokurori, ichki ishlar va adliya organlari masʼul xodimlari, “mahalla yettiligi” aʼzolari hamda tumandagi mutasaddi tashkilotlar rahbarlari ishtirok etdi.

Sayyor qabul davomida 60 nafardan ortiq fuqaroning soliq imtiyozini qoʻllash, bepul davolanish uchun order olish, ishga joylashtirish, ijtimoiy himoya, mehnat munosabatlari, davlat xizmatlari, mulkiy huquqlarga oid va shu kabi boshqa turli sohalarga oid murojaatlari koʻrib chiqildi.

Shundan, davlat xizmatlari bilan bogʻliq 31 nafar fuqarolarning murojaatlari joyida ijobiy hal etildi, 23 nafar fuqaroning murojaatiga huquqiy tushuntirish berildi, 10 nafar fuqaroning murojaatlari esa qoʻshimcha oʻrganish talab etganligi sababli ish yurituvga qabul qilinib, nazoratga olindi.

📌 Kanalga ulanish