#Adliya_xabari

FHDY organlarida Elektron navbat tizimini optimallashtirish loyihasi mas’ullar tomonidan muhokama qilindi
 
FHDY organlariga tashrif buyuruvchilar oqimini o‘rganish va tahlil qilish hamda ish samaradorligini oshirish maqsadida ishlab chiqilgan yangi talqindagi Elektron navbatni boshqarish tizimi soha vakillari ishtirokida ko‘rib chiqildi.

Uchrashuv davomida tizimning fuqarolar tomonidan FHDY organlariga onlayn elektron navbatga yozilishi yoki bevosita murojaat qilganda elektron navbat chiptalarini olish bilan oldingi navbatda turgan fuqarolar soni haqidagi ma’lumotlarga ega bo‘lishi, navbatlar haqidagi ma’lumotlarni monitoring qilish hamda tashrif buyuruvchilar oqimini tahlil qilish orqali yuklamalarni boshqarish imkoniyatlari muhokama qilindi.

Shundan so‘ng, adliya vaziri o‘rinbosari Xudoyor Meliyev tomonidan tashrif buyuruvchilarga sifatli davlat xizmatlarini ko‘rsatish, FHDY organlariga onlayn navbatga yozilish imkoniyatlarini kengaytirish hamda monitoring qilish imkoniyatlarini yaratish borasida soha vakillariga bir qator topshiriqlar berildi.

📌 Kanalga ulanish

#Adliya_xabari

Bugun Adliya vazirligi tomonidan “Oʻzboshimchalik bilan egallab olingan yer uchastkalariga hamda ularda qurilgan binolar va inshootlarga boʻlgan huquqlarni eʼtirof etish toʻgʻrisida”gi Qonun ijrosini tashkil etish yuzasidan matbuot anjumani oʻtkazildi.

👉Batafsil

📌 Kanalga ulanish

#Adliya_xabari

Adliya vaziri Akbar Toshqulov Fargʻonaga xizmat safarini yaqinda foydalanishga topshirilgan X.Sulaymonova nomidagi sud ekspertizasi markazi viloyat boʻlimining yangi binosi bilan tanishishdan boshladi.

Sud ekspertiza markazining viloyat boʻlimida amalga oshirilayotgan ishlar samaradorligi, ekspertiza turlari, takomillashtirilgan zamonaviy moddiy texnika bazasi hamda boʻlimda yangi tashkil etilgan odam DNKsi sud biologik ekspertiza laboratoriyasi bilan tanishildi.

Adliya vaziri ushbu boʻlim nafaqat sud ekspertlariga, balki jismoniy va yuridik shaxslarga, shuningdek, sud va huquqni muhofaza qiluvchi organlarning faoliyatiga yaqindan yordam berishga koʻmaklashishini taʼkidladi.

Fuqarolarning buzilgan huquqlari va manfaatlarini himoya qilish, jinoyatchilikni tez va toʻla fosh qilish hamda sud va tergov organlarining ortiqcha ovoragarchiligining oldini olish hamda sud-ekspertiza xulosalarini qisqa muddatlarda olishlariga xizmat qilishi borasida ham oʻz fikr va mulohazalarini bildirdi.

📌 Kanalga ulanish