#Adliya_xabari

Adliya vaziri Xatirchida davlat xizmatlari koʻrsatdi

Adliya vaziri A.Toshqulov Navoiy viloyatida boʻlib turibdi. Aholining huquqiy masalalarini, huquqiy xizmatlar sifatini oʻrganish Xatirchi tumanida davom etmoqda.

Xatirchi Navoiy viloyatining eng katta hududlaridan biri. Bu manzilda aholi soni 200 mingdan ortiq, 39 mingta xonadon va 70 ta mahalla bor. Hudud ahlining asosiy masalasi bandlik, mehnat munosabatlari, kadastr hamda shaxsga doir hujjatlarni rasmiylashtirish bilan bogʻliq.

Adliya vaziri tomonidan hududdagi “Bogʻishamol” MFY da “mahalla yettiligi” bilan oʻtkazilgan muloqotda mazkur masalalar atroflicha tahlil etdi.

Shundan soʻng, adliya boʻlimi, davlat xizmatlari va FHDY faoliyati bilan yaqindan tanishildi. Adliya vaziri tomonidan fuqarolarga davlat xizmatlari koʻrsatildi.

Adliya vaziri Akbar Toshqulov kunning ikkinchi yarmida Qiziltepa tumanida boʻldi. Mahalla yettiligi bilan uchrashuv “Boʻlakrobot” MFYda oʻtkazildi. Muloqot davomida vazir “onlayn-mahalla” platformasi orqali fuqaro murojaatlarini kuzatdi.

Bugungi kunda Qiziltepa tumani aholisi 163 100 nafarga teng. Mahallalar soni 53 ta. Fuqarolarning asosiy masalasi bank-kredit, shartnomaviy munosabatlar, kadastr hujjatlarni rasmiylashtirish, nafaqa va aliment undiruvi, bilan bogʻliq. Muloqot davomida mazkur masalalar huquqiy jihatdan tahlil etildi.

📌 Kanalga ulanish

#Adliya_xabari

O‘zbekiston davlat xizmatlarini raqamlashtirishni jadallashtirmoqda: Tojikistondagi forumda adliya vaziri o‘rinbosari sohadagi ustuvorliklar va yutuqlar haqida so‘zlab berdi

👉Batafsil

📌 Kanalga ulanish

#Adliya_xabari

Germaniya xalqaro hamkorlik jamiyatining (GIZ) “Markaziy Osiyoda huquqiy davlatchilikni rivojlantirish” mintaqaviy dasturi tomonidan Qozogʻistonning Ostona shahrida “Maʼmuriy huquq va jarayon: hozirgi holati va kelajakdagi chaqiriqlar” mavzusida xalqaro konferensiya tashkil etildi.

Unda Yuristlar malakasini oshirish markazi direktori Yesemurat Kanyazov ishtirok etmoqda.

Konferensiya maqsadi — “Markaziy Osiyoda huquqiy davlatchilikni rivojlantirish” loyihasining yakunlarini sarhisob qilish, loyiha natijasining barqarorligini taʼminlash, Markaziy Osiyo davlatlarida maʼmuriy huquq sohasini rivojlantirish yuzasidan muhokamalar oʻtkazish.

Tadbirda Germaniya, Shveysariya, Avstriya, Moldova, Qozogʻiston, Qirgʻiziston, Tojikiston, Turkmaniston, Ukraina, Oʻzbekiston va boshqa davlatlardan davlat xizmatchilari, sudyalar, olimlar, xalqaro ekspertlar ishtirok etmoqda.

Sessiyalar davomida Markaziy Osiyo mamlakatlarida huquqiy davlatchilikni rivojlantirish, maʼmuriy tartib-taomillarni rivojlantirishning zamonaviy tendensiyalari, maʼmuriy huquq sohasida xalqaro tajribalar hamda maʼmuriy huquq normalarini qoʻllashning ayrim muammoli masalalari muhokama qilinadi.

📌 Kanalga ulanish

#Adliya_xabari

Adliya vazirligi Inson resurslari boshqarmasi boshligʻi Sh.Kuchkarov va tizimda korrupsiyaga qarshi kurashish boʻlimi boshligʻi J.Uzakovlar 30—31-oktabr kunlari Xorazm viloyat adliya boshqarmasi, tuman (shahar) adliya boʻlimlari va boshqa adliya muassasalari xodimlari bilan uchrashdi.

Muloqotlar davomida sohada mavjud tizimli muammolar va ularni bartaraf etishga oid belgilangan choralar, korrupsiyaga yoʻl qoʻymaslik hamda unga qarshi kurashish, xodimlarining mehnat intizomi va odob-axloq qoidalariga rioya etishi, huquqbuzarliklarni barvaqt oldini olishga doir masalalar muhokama qilindi.

Bundan tashqari, mehnat jamoasining ishchanlik kayfiyati va ish jarayonidagi muammolarini aniqlash, ularni bartaraf etish hamda ish unumdorligini oshirishga doir chora-tadbirlar belgilab olindi.

📌 Kanalga ulanish

#Mehr_ulash

👍 Adliya vazirligi: mehr ulashing va hayotlarni saqlab qoling

Bugun, 1-noyabr kuni Adliya vazirligi tashabbusi bilan Respublika qon quyish markazi bilan birgalikda “Mehr ulash” qon topshirish xayriya aksiyasi o‘tkazildi.

💡Adliya vazirligi jamoasi “Donor sifatida mehr ulashing va hayotlarni saqlab qoling” chaqirig‘i bilan qolganlarni ham ushbu xayriya aksiyasida ishtirok etishlarini chorlaydi.

👉Batafsil

📌 Kanalga ulanish