#Madad_loyihasi

⚡️Bugun, 18-oktabr kuni Toshkentda “Matonat” filmining premyerasi boʻlib oʻtdi.

Tadbirda davlat organlari rahbarlari, fuqarolik jamiyati, biznes, ilmiy va akademik doiralar, OAV vakillari, jamoat faollari, inflyuenserlar va blogerlar ishtirok etdi.

“Matonat” filmi real voqealarga asoslangan boʻlib, Adliya vazirligi tashabbusi bilan yoʻlga qoʻyilgan “Madad” ijtimoiy-huquqiy loyihasi doirasida suratga olingan.

Loyihada “Kambagʻallikdan farovonlik sari” tamoyili asosida kam taʼminlangan, ijtimoiy himoyaga muhtoj, boquvchisini yoʻqotgan va nogironligi boʻlgan fuqarolarga huquqiy va moliyaviy amaliy koʻmak berish orqali ularning oʻz tadbirkorlik faoliyatini yoʻlga qoʻyishiga erishish maqsad qilingan.

Bunda fuqarolarning oʻzi qiziqqan sohasiga mutaxassislar tomonidan oʻqitilib, malaka va qobiliyatini oshirish, ularning dunyo qarashini oʻzgartirish va kunlik daromadini oshirish orqali farovonlikka erishishi taʼminlanadi.

Surxondaryo viloyati Denov tumanidan Dilorom Yuldasheva ushbu loyihaning ilk ishtirokchilaridan. U “Matonat” filmining bosh qahramoni ham boʻldi.

❗️Filmni 19-oktabr kuni soat 18:00 dan boshlab YouTube’da tomosha qilishingiz mumkin. Havolasini ulashamiz, bizni kuzatib boring.

📌 Kanalga ulanish

#Bir_murojaat_izidan

Sergeli tumanida uyi yonib ketgan ayolning farzandlari va o’zining hujjatlari tiklab berildi.

📌 Kanalga ulanish

#Madad_loyihasi

⚡️Bugun, 19-oktabr kuni “Matonat” filmini YouTube’da tomosha qiling!

“Matonat” filmi real voqealarga asoslangan boʻlib, Adliya vazirligi tashabbusi bilan yoʻlga qoʻyilgan “Madad” ijtimoiy-huquqiy loyihasi doirasida suratga olingan.

⌛ Vaqti: 18:00

Oʻtkazib yubormang 👉 https://youtu.be/oTCyEmyI1jo

📌 Kanalga ulanish

#Adliya_va_yoshlar

Kitob tumani adliya boʻlimida 34-sonli maktabning yuqori sinf oʻquvchilari uchun “Ochiq eshikilar” kuni tashkil etildi.

Yoshlarga onlayn xizmatlar, elektron raqamli imzo, shaxsiy kabinet va mahfiy maʼlumotlar boʻyicha axborot berildi.

📌 Kanalga ulanish

"Xalqaro hamkorlik tashabbuslari haftaligi" doirasida O'zbekistonga tashrif buyurgan xalqaro ekspertlar Toshkent davlat yuridik universiteti hamda Davlat xizmatlari markazlariga tashrif buyurishdi.

Batafsil videoda...

📌 Kanalga ulanish

“Yangicha saylovlarda dunyoning turli burchaklaridan mutaxassislar ishtirok etayotgani O‘zbekistonning erkin va adolatli saylovlar uchun xalqaro me’yorlarga amal qilishga bo‘lgan intilishini ko‘rsatmoqda”

IKHEON RHEE, Janubiy Koreyaning Mongwon Universiteti professori

📌 Kanalga ulanish

#Imkon_loyihasi

⚡️“Matonat” filmining YouTube’dagi premyerasi boshlandi 👉 https://youtu.be/oTCyEmyI1jo

Tomosha qiling va izohlarda oʻz fikrlaringiz bilan boʻlishing.

📌 Kanalga ulanish

“Islohotning muvaffaqiyati nimada? Asosiy muvaffaqiyat – bu siyosiy iroda. Biz tadbir davomida shuni angladikki, O‘zbekiston Prezidenti islohotlarni amalga oshirishda juda katta siyosiy iroda ko‘rsatmoqda”

RAIMUNDAS KALESNYKAS, Latviya Universiteti professori

📌 Kanalga ulanish

“Sog‘lom demokratiya shuni ta’minlaydiki, odamlar tinglanadi va faqat saylovda ovoz berish bilan cheklanmasdan, qaror qabul qilish jarayonida ham ishtirok etadilar. Bu huquq ustuvorligi, demokratiya va inson huquqlari uchburchagining bir qismidir”

TUIJA BRAX, Finlandiya sobiq adliya vaziri, hozirda Xelsinki universiteti qoshidagi Qonun ustuvorligi markazi direktori

📌 Kanalga ulanish

#Madad_loyihasi

“Matonat” filmi real voqealarga asoslangan boʻlib, Adliya vazirligi tashabbusi bilan yoʻlga qoʻyilgan “Madad” ijtimoiy-huquqiy loyihasi doirasida suratga olingan.

Toshkentda boʻlib oʻtgan film premyerasi haqida batafsil 👉 videoda.

“Matonat” filmini endi YouTube’da ham tomosha qilishingiz mumkin:
https://youtu.be/oTCyEmyI1jo

📌 Kanalga ulanish

#Eslatma

Adliya vazirligining Instagram, Facebook ijtimoiy tarmog‘idagi sahifalari hamda “Adliya yangiliklari” Telegram kanali rasmiy maqomga ega.

❗️Sahifalarning nomidagi maxsus belgi (✔️) orqali ularni oson ajratib olishingiz mumkin.

Adliya vazirligining ijtimoiy tarmoqlardagi sahifalarini va Telegram messenjeridagi kanallarini eslatib o‘tamiz:

📱 Telegram
@adliyangiliklari
@huquqiyaxborot
@huquqiyaxborot_lotin (lotin)
@pravoinf (rus)
@leginf (ingliz)

📱 Facebook
https://www.facebook.com/minjustuz

📱 Instagram
https://www.instagram.com/adliyanews

📱 Youtube
https://www.youtube.com/c/Adliya

📱 X (Twitter)
https://x.com/MinjustUzb

Axborotni ishonchli manbalardan oling!

🖥 Kanalga ulanish

#Adliya_va_yoshlar

Hududiy adliya organlari yoshlarga amaliy ko’mak ko’rsatmoqda.

📌 Kanalga ulanish

#Sayyor_qabul

Rahbarlar joylarga chiqib aholi muammolarini o‘rganishmoqda

Adliya vaziri o‘rinbosari X.Meliyev tomonidan poytaxtning Chilonzor tumani davlat xizmatlari markazi binosida aholi uchun sayyor qabul o‘tkazildi.

Sayyor qabul davomida 29 nafar fuqarolarning turli muammolari yaʼni ishga joylashtirish, ijtimoiy himoya, mehnat munosabatlari, tibbiyot, kommunal soha, davlat xizmatlari, mulkiy huquqlarga oid hamda boshqa masalalar yuzasidan murojaatlari masʼullar ishtirokida ko‘rib chiqildi. 

Murojaatlarning aksariyati joyida hal etilib, ayrimlariga huquqiy tushuntirish berildi hamda qo‘shimcha o‘rganish talab etiladigan murojaatlar ish yurituvga qabul qilinib, ijrosi nazoratga olindi.

📌 Kanalga ulanish

#Sayyor_qabul

Sayyor qabulda aholi muammolari hal etilmoqda

Adliya vazirligi hamda Toshkent shahar adliya boshqarmasi tomonidan poytaxtning “Yangihayot” tumanida aholi uchun sayyor qabul o‘tkazildi. Unda adliya vaziri o‘rinbosari Sh. Rabiyev ishtirok etdi.

Qabul davomida 30 nafardan ortiq fuqarolarning turli masalalardagi murojaatlari tinglanib, muammolari o‘rganildi.

Ish yurituviga qabul qilingan murojaatlarning aksariyati ijtimoiy himoya, pensiya, ish bilan ta’minlash hamda uy-joy masalasidan iborat bo’ldi.

Xususan, uy-joy masalasida 11 ta, ijtimoiy himoya masalasida 5 ta, aliment masalasida 4 ta, ish bilan ta’minlash masalasida 2 ta, pensiya va soliq masalalarida 1 tadan hamda boshqa masalalarda 3 ta murojaat ish yurituviga qabul qilinib, hal etish choralari ko’rildi. Ulardan 5 nafar fuqaroga shu joyning o’zida davlat xizmatlari ko‘rsatildi.

📌 Kanalga ulanish

#Adliya_tabrigi

🇺🇿 Adliya vazirligi barcha yurtdoshlarimizni 21-oktabr — Oʻzbek tili bayrami kuni bilan samimiy muborakbod etadi!

📌 Kanalga ulanish

#Adliya_xabari

Bugun Toshkentda O‘zbek tili bayrami munosabati bilan Adliya vazirligi xodimlari tomonidan buyuk shoir va mutafakkir Alisher Navoiy haykali poyiga vazirlik jamoasi nomidan gulchambar qo‘yildi va ruhiga hurmat bajo keltirildi.

📌 Kanalga ulanish

#Vazir_tabrigi

Oʻzbek tili bayrami — bu yurtimizda soʻnggi bir necha yillardan beri oʻzgacha shukuh bilan nishonlanib kelayotgan, qonun bilan belgilangan bayramdir. Ushbu kunda xalqimizning maʼnaviy birdamligi va hamjihatligi ramzi boʻlgan oʻzbek tilining ahamiyatini yanada teranroq anglaymiz va u bilan faxrlanamiz.

Ming yillik tarixga ega va bugungi kunda dunyoda 50 milliondan ortiq inson gaplashadigan oʻzbek tiliga Oʻzbekistonda davlat tili maqomi berilgan. Bu yil ushbu sanaga ham 35 yil toʻldi.

Soʻnggi yillarda Oʻzbekistonda davlat tilining qadri va nufuzini oshirish borasidagi jiddiy va ilgʻor qadamlar tashlandi, muhim ishlar amalga oshirildi, oʻzbek tilini jahon miqyosida ommalashtirish borasidagi saʼy-harakatlar yangi bosqichga koʻtarildi. Buning tasdigʻini davlat tilining maqomi va nufuzini tubdan oshirish boʻyicha qabul qilingan tarixiy farmon va qarorlar misolida yaqqol koʻrishimiz mumkin.

Xususan, davlat idoralari va tashkilotlarida davlat tilida ish yuritilishini taʼminlashda salmoqli ishlar amalga oshirildi. Qonunchilik hujjatlari loyihalarini davlat tilida tayyorlash va qabul qilish, idoraviy-normativ hujjatlarni davlat tiliga oʻtkazish, lotin alifbosida ish yuritishga oʻtish kabi sohalarda katta oʻzgarishlar boʻldi.

Adliya vazirligida ham ish yuritish davlat tilida amalga oshiriladi. Boshqaruvdan tortib eng quyi boʻgʻinlargacha ish yurituvni lotin alifbosiga asoslangan oʻzbek tilida olib borishga jiddiy eʼtibor qaratiladi.

Adliya organlari va tashkilotlaridagi barcha rasmiy tadbirlar va tantanalar davlat tilida yoki davlat tiliga tarjimasi taʼminlangan sharoitda oʻtkaziladi.

Shuningdek, davlat tiliga oid qonunchilik normalarini aholiga tushuntirish borasida huquqiy targʻibot olib boriladi. Oʻzbek tilining tarixiy va umummilliy birlashtiruvchi ahamiyatini taʼkidlash maqsadida turli ijtimoiy roliklar, viktorina va testlar oʻtkazildi.

Adliya organlari tomonidan oʻzbek tilining boy merosini saqlash va avlodlarga koʻpaytirib, tizimlashtirib yetkazish borasida ham qator ishlar amalga oshirilmoqda. Xususan, “Oʻzbek ismlari izohli imlo lugʻati” yaratildi, “Yuridik atamalar elektron tezaurusi” loyihasi amalga oshirildi.

Bugun dunyoda mavjud minglab tillar orasida oʻzbek tilining oʻz oʻrni va ahamiyati bor. Oʻzbek tili koʻp marta Birlashgan Millatlar Tashkilotining yuksak minbarlarida, ulkan siyosiy sammit va uchrashuvlarda baralla yangrab kelmoqda. Tilimiz tinchlik, doʻstlik va hamkorlik vositasiga aylanib boryapti — bu barchamizga gʻurur va faxr-iftixor tuygʻularini bagʻishlaydi.

Ming yillik tarixga ega zabardast va goʻzal tilimiz yanada taraqqiy etib, qadri tobora oshaversin!

Qadrli yurtdoshlar, barchangizni Adliya vazirligi nomidan 21-oktabr — Oʻzbek tili bayrami bilan samimiy muborakbod etaman! Ona tilimizga boʻlgan hurmat-ehtirom, eʼtibor doimiy boʻlsin.

Akbar Toshqulov,
adliya vaziri

📌 Kanalga ulanish

#Adliya_loyiha

“Oydinlar odamlar orasida” loyihasi haqida

Soʻnggi bir hafta davomida Adliya vazirligi hamda Toshkent davlat yuridik universiteti tomonidan Oʻzbek tili bayrami munosabati bilan “Oydinlar odamlar orasida” loyihasi amalga oshirilmoqda.

Hozirgi kungacha Abdulla Qodiriy, Choʻlpon, Zahiriddin Muhammad Bobur, Mahmudxoʻja Behbudiy, Mohlaroyim Nodira obrazlari ishtirokidagi videoqatorlar shahrimizning gavjum joylarida suratga olindi va omma eʼtiboriga taqdim etildi.

Loyihadan maqsad oʻzbek tili xazinasini oʻzining shoh asarlari bilan boyitgan, shu bilan birga, milliy tafakkurda katta oʻsish qilgan buyuk bobolarimiz va momolarimiz siymosi, asarlari, gʻoyalarini keng ommaga, ayniqsa, yoshlarga taʼsirchan targʻib qilishdan iborat.

Ijrochilar professional aktyorlar emas, balki Toshkent davlat yuridik universiteti talabalari, boʻlajak huquqshunoslar. Loyihani rejalaganimizda biz uchun yoshlarning, talabalarning oʻzlari oydinlarimizning siymosini gavdalantirishi, oʻz talqinlarida berishi hamda zamonaviy va yoshlarga taʼsirchan tarzda targʻib qilishi ahamiyatli boʻldi.

Manzillar sifatida bozorlar, metro bekatlari va Toshkentning gavjum koʻchalari tanlanganida aholi oydinlarimizni faqat televizor yo kinoda emas, real hayotda ham koʻrishi maqsad qilingan.

Taʼkidlash joiz, videolarni suratga olish jarayonida qahramonlarimiz bilan birga suratga tushishni, ularga yaqinroq kelib savollar berishni, yaʼni oydinlarimizni oʻrganish istagini bildirganlar insonlar koʻp boʻldi va bu bizni xursand qildi.

Ushbu loyihada ishtirok etgan, asosiy ishidan, darslaridan, imtihonlaridan ortib vatanparvarlik tuygʻusi bilan oydinlarimizni targʻib qilishga jon deb kirishgan TDYU oʻqituvchi va talabalariga alohida minnatdorchilik bildiramiz.

📌 Kanalga ulanish

#Bilasizmi

Ish beruvchi qanday hollarda xodimga kompensatsiya to‘lashga majbur

O‘zbekiston Respublikasi Mehnat kodeksining 286-moddasiga ko‘ra, ish beruvchi quyidagi hollarda xodimga uning o‘z mehnat majburiyatlarini bajarishi bilan bog‘liq xarajatlarni kompensatsiya qilishi shart.

👉Batafsil

📌 Kanalga ulanish