#Adliya_xabari

Adliya vaziri o’rinbosari “Nurafshon” mahalla fuqarolar yig’ini “Yettiligi” bilan uchrashuv o’tkazdi.

Adliya vaziri o‘rinbosari Xudoyor Meliyev tomonidan Hokim yordamchisi, yoshlar yetakchisi, xotin-qizlar faoli, profilaktika inspektori, soliqchi va ijtimoiy xodimidan iborat mahalla “yettiligi” bilan muloqot olib bordi.

Muloqot davomida, O‘zbekiston Respublikasi Prezidentining “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida” Farmoni ijrosini ta’minlashda, aholining mavjud muammolari hal etishda mahalla faollari bilan birgalikda, “Mahalla yettiligi”ning ham o’rni alohida ekani ta'kidlandi.

Muloqotda shuningdek, mahalla aholisininig huquqiy savodxonligini oshirish maqsadida mahalla "yetiligiga”ga kerakli tavsiyalar berildi

@adliyangiliklari

#Adliya_xabari

Adliya vaziri o‘rinbosari Xudoyor Meliyev Yangiqo’rg’on tumanida oʻrganish olib bordi.

Dastlab, Yangiqo’rg’on tumani adliya boʻlimi, davlat xizmatlari markazlari, FHDY boʻlimi hamda yuridik xizmat koʻrsatish markaziga borib, jismoniy va yuridik shaxslarni davlat xizmatlaridan tez va sifatli foydalanishlari uchun yaratilayotgan sharoitlar bilan yaqindan tanishdi.

Oʻrganishlarda koʻrsatilayotgan xizmatlar sifatini va mavjud kamchiliklarni bartaraf etish bilan birga, tizimda faoliyat olib borayotgan xodimlarning faoliyatini takomillashtirish, fuqarolar uchun yaratilgan qulayliklarni yanada yaxshilash hamda tizimda ishlayotgan kadrlarni fuqarolar bilan muloqot qilishda xushmuomalalik va odob-ahloq meʼyorlariga amal qilish kerakligi taʼkidlandi.

Shuningdek, davlat xizmatlariga tashrif buyurgan aholi va tadbirkorlik subʼektlari bilan yuzma-yuz muloqot qilib, sohani rivojlantirish, yangi xizmatlarni joriy etish va xizmat sifatini yaxshilash yuzasidan fikr-mulohaza almashildi.

@adliyangiliklari

#Adliya_xabari

PREZIDENT QARORLARI — HAYOTDA VA NAZORATDA

O‘zbekiston Respublikasi Prezidentining 2021-yil 10-fevraldagi PF–6166-son farmoni va 2021-yil 31-maydagi PQ-5132-son qaroriga muvofiq adliya organlari O‘zbekiston Respublikasi Prezidenti hujjatlari va topshiriqlari o‘z vaqtida ijro etilishi bo‘yicha nazorat olib borishi belgilangan.

O‘zbekiston Respublikasi Prezidentining 2023-yil 28-sentabrdagi PQ-319-son qarorining 2-ilovasi bilan tasdiqlangan Respublika miqyosida ijtimoiy xizmatlar va yordamlar ko‘rsatish tizimini takomillashtirishga doir chora-tadbirlar rejasining 4-bandida ijtimoiy xodimlarning mehnat sharoitlarini yaxshilash, shu jumladan, amalga oshirish mexanizmi sifatida joylarda, mahalla fuqarolar yig‘inlarida ijtimoiy xodimlar uchun alohida xona ajratilishini hamda ularga ishlash uchun zarur sharoitlar yaratish choralarini ko‘rish vazifasi belgilangan.

Qarorning 1-bandida 2023-yil 15-oktabrdan boshlab dastlab 28 ta tuman va shaharlarda eksperiment tariqasida O‘zbekiston Respublikasi Prezidenti huzuridagi Ijtimoiy himoya milliy agentligining “Inson” ijtimoiy xizmatlar markazlari ijtimoiy xodimlar guruhlari tomonidan ijtimoiy xizmatlar va yordamlar ko‘rsatishning yangi tizimi yo‘lga qo‘yilishi belgilangan.

Prezident qarori bilan ijtimoiy himoyani mahalla darajasida tashkil etish, kompleks ijtimoiy xizmat va yordamlar ko‘rsatish ko‘zda tutilgan edi. Ijtimoiy himoyaning samaradorligini oshirish maqsadida dastlab viloyatimizning Farg‘ona shahri va Dang‘ara tumanida eksperiment tariqasida “Inson” ijtimoiy xizmatlar markazlari tashkil etilgan bo‘lsa, hozirda bu kabi markazlar barcha tuman va shaharlarda faoliyat yuritmoqda.

Adliya boshqarmasi tomonidan qaror ijrosini taʼminlash yuzasidan uslubiy ko‘mak ko‘rsatildi. Ijtimoiy himoya milliy agentligi Farg‘ona viloyat boshqarmasi va tuman-shahar hokimliklari tomonidan 507 nafar faoliyat olib borayotgan ijtimoiy xodimlar uchun xonalar ajratilishi, stol-stullar hamda ish faoliyati shart-sharoitlar yaratib berilishiga erishildi.

Viloyatdagi 87 mingdan ortiq nogironligi bo‘lgan shaxslar, qariyb 3 ming nafar o‘zgalar parvarishiga muhtoj yolg‘iz keksalar, 3 ming 500 dan ortiq protez-ortopediya moslamalariga muhtojligi bo‘lgan shaxslarga “Inson” ijtimoiy xizmatlar markazi va ijtimoiy xodimlar tomonidan ijtimoiy xizmatlar va yordamlar ko‘rsatilib, 6 oy davomida 1 ming 834 nafar fuqaro reabilitatsiya qilishning texnik vositalari bilan ta'minlandi.

@adliyangiliklari

#Adliya_xabari

Adliya vaziri o‘rinbosari To’raqo’rg’on tumani adliya bo‘limi faoliyatini o’rgandi.

Adliya vaziri o’rinbosari X.Meliyev To’raqo’rg’on tumani adliya boʻlimi, davlat xizmatlari markazlari, FHDY boʻlimi hamda yuridik xizmat koʻrsatish markaziga borib, jismoniy va yuridik shaxslarni davlat xizmatlaridan tez va sifatli foydalanishlari uchun yaratilayotgan shart-sharoitlar bilan yaqindan tanishdi.

O‘rganishlar davomida soha xodimlarini ish hajmini avtomatlashtirish, jamoaviy birdamlik ruhini ko‘tarish, kasb etikasiga rioya qilish va xodimlarning fuqarolar bilan muloqot qilish ko‘nikmalarini rivojlantirish hamda fuqarolarga davlat xizmatlarini tez va sifatli ko‘rsatishni tashkil etishdan iborat.

Muloqotda adliya bo’limi faoliyatida duch kelinayotgan tizimli muammolar tahlil qilinib, ularning yechimi yuzasidan taklif va mulohazalar tinglandi.

@adliyangiliklari