#Adliya_xabari

Adliya vaziri Toʻraqoʻrgʻon tumani “Zarbdor” mahallasi faoliyati bilan tanishdi.

Namangan viloyati Toʻraqoʻrgʻon tumani, “Zarbdor” mahallasidagi faollar hamda “mahalla yettiligi” bilan boʻlib oʻtgan muloqotda aholini huquqiy muammolarini hal etish, ularni davlat idoralariga boʻlgan ishonchini yanada mustahkamlash, jinoyatchilikdan holi hududga aylantirish va yoshlar masalasiga eʼtibor qaratishda barcha birdek harakat qilishi lozimligi tushuntirildi.

Shuningdek, mahallada davlat xizmatlari markazida koʻrsatilayotgan xizmatlarni 37 turini oʻzida mujassam etgan infokiosk qulayligi haqida suhbatlashildi. Mahalla faollarini aytishicha, mazkur qurilma yordamida davlat xizmatlaridan navbatsiz, ortiqcha yugur-yugurlarsiz kuniga 10—15 nafar fuqaro mazkur qulayliklardan foydalanmoqda. Shu kuni fuqarolarga sanatoriyga roʻyxatga qoʻyish, bolalar nafaqasiga ariza joʻnatish hamda kam taʼminlanganlik maʼlumotnomalarni shu joyning oʻzida chiqarib berildi.

@adliyangiliklari

#Adliya_xabari

Adliya vaziri Akbar Toshqulov Mingbuloq tumanidagi “Mustaqillik” mahalla fuqarolar yigʻinidagi “mahalla yettiligi” bilan muloqot olib bordi. Unda davlat rahbari tomonidan mahalla mavqeni oshirish va uning vakolat doirasini kengaytirib, aholining turmush darajasini oshirish yoʻlidagi saʼy-harakatlari yuzasidan fikr-mulohaza almashildi.

Jumladan, mahalla institutining isloh qilinishi ijtimoiy koʻmakka muhtoj oilalarga yordam berish, jinoyatchilik, oilalarda zoʻravonlikning oldini olish, aholi bandligi, ijtimoiy muhofazasi kabi masalalarni hal etishda muhim ahamiyat kasb etadi. Yana muhim bir jihat mahallada jinoyatchilik va huquqbuzarlikni oldini olish, yoshlarni bandligini taʼminlashga koʻmaklashish va ularning huquqiy savodxonligini oshirishda adliya organlar mazkur yettilik bilan hamjihatlikda faoliyat olib borishga tayyorligi aytib oʻtildi.

@adliyangiliklari

#Adliya_xabari

Adliya vaziri Davlatobod hamda Kosonsoy tumanida “mahalla yettiligi” bilan uchrashuv oʻtkazdi

Adliya vaziri Akbar Toshqulov Davlatobod tumanidagi “Davlatobod” mahallasi xodimlari bilan uchrashdi. Vazir tomonidan “mahalla yettiligi”ning faoliyati, mahallada jinoyatchilik va huquqbuzarliklarni oldini olish, aholi bandligini taʼminlash, ijtimoiy himoyaga muhtoj aholini qoʻllash-quvvatlash orqali ularga huquqiy yordam koʻrsatish, ajrimlar va oilaviy zoʻravonliklarni oldini olish boʻyicha tavsiyalar berilib, ish faoliyatida vujudga kelayotgan muammolar, takliflar va fikr mulohazalari tinglandi.

Shuningdek, kunning ikkinchi yarmida adliya vaziri Kosonsoy tumani “Namuna” mahallasi yettiligi faoliyati bilan yaqindan tanishdi. Unda yettilik va adliya hamkorligi kuchaytirish, mahallada jinoyat va turli koʻrinishdagi huquqbuzarliklarni oldini olish hamda fuqarolarning huquqiy savodxonligini oshirish kerakli aytib oʻtildi. Mahallardagi “Adliya burchagi” hamda Yoshlar kutubxonasi aholining huquqiy madaniyatini yuksaltirish va ularning kitobxonlikka qiziqtirish yaxshi samara berishi taʼkidlandi.

@adliyangiliklari

#Adliya_xabari

Adliya vaziri qayta tashkil etilgan Namangan viloyati yuridik litseyidagi qabul jarayonlarini koʻzdan kechirdi.

“Maʼmuriy islohotlar doirasida adliya organlari va muassasalarining masʼuliyatini yanada oshirish hamda ixcham boshqaruv tizimini shakllantirish toʻgʻrisida”gi Prezident Farmoniga asosan Namangan va Samarqand viloyatlari yuridik texnikumlari negizida Toshkent davlat yuridik universitetining akademik litseylari tashkil qilindi.

Adliya vaziri Akbar Toshqulov yuridik litseyning sharoitlar va qabul jarayonlarini koʻzdan kechirib, oʻqituvchilar bilan muloqot olib bordi. Muloqotda qabulni yuqori darajada tashkil etish va kelayotgan oʻquvchilar, ularning ota-onalariga zarur sharoitlar yaratish, shuningdek litsey haqida batafsil maʼlumot berish uchun tashkil etilgan “Call-center”ni faoliyatini jadallashtirish boʻyicha oʻz tavsiyalarini berdi.

Qayd etish joiz, ayni paytda akademik litseyda oʻqishni istagan abituriyentlar va ularning ota-onalariga qulaylik yaratish, ularni qiziqtirgan savollarga tezkor javob berish maqsadida “Call-center” tashkil etilgan. Abituriyentlar va ularning ota-onalari telefon raqamlari orqali “Call-center” bilan bogʻlanib, oʻzlarini qiziqtirgan savollarga javob olishi mumkin.

@adliyangiliklari