#Adliya_xabari

Adliya vaziri Shanxay hamkorlik tashkilotiga a’zo davlatlar adliya vazirlarining navbatdagi o‘n birinchi yig‘ilishida ishtirok etdi

Joriy yilning 6-iyun kuni, adliya vaziri A.Toshqulov onlayn tarzda o‘tkazilgan ShHTga a’zo davlatlar adliya vazirlarining navbatdagi yig‘ilishida ishtirok etdi.

Vazir mamlakatimizda amalga oshirilayotgan adliya va huquq sohasidagi islohotlar hamda qonun ustuvorligini ta’minlash borasida ko‘rilayotgan choralar, shuningdek, ShHTga a’zo davlatlar o‘rtasida hamkorlik istiqbollari borasida nutq so‘zladi.

Tadbirda Qozog‘iston, Qirg‘iziston, Tojikiston, Rossiya, Hindiston, Eron, Pokiston, Xitoy, Belarus adliya vazirlari hamda ShHT bosh kotibi o‘rinbosari ma’ruza bilan ishtirok etdilar.

ShHTga a’zo davlatlar adliya vazirlarining navbatdagi majlisida a’zo davlatlar Adliya vazirliklari faoliyatidagi yangi o‘zgarishlar hamda ShHTga a’zo davlatlar Adliya vazirliklari o‘rtasida hamkorlik istiqbollari muhokama qilindi.

Yig‘ilish davomida ShHTga a’zo davlatlar adliya vazirliklarining yuridik xizmat va sud-ekspertiza faoliyatiga doir ekspertlar ishchi guruhlarining 2024–2026-yillarga mo‘ljallangan chora-tadbirlar rejalari tasdiqlandi. Shuningdek, ShHTga aʼzo davlatlar adliya vazirlarining navbatdagi yigʻilishini tashkillashtiruvchi davlatni hamda sanasini belgilandi.

Tadbir yakunida kun tartibidagi masalalar yuzasidan tomonlarning umumiy kelishuvlarini aks ettiruvchi qoʻshma bayonot imzolandi.

@adliyangiliklari

#Sayyor_qabul

Payariqda adliya qabuli

Payariq tumani 2-son kasb-hunar maktabida Samarqand viloyati huquqni muhofaza qiluvchi organlari rahbarlarining sayyor qabuli o'tkazildi. Jumladan, viloyat adliya boshqarmasi boshlig'i S.Sattorov ham fuqarolarning huquqiy muammolarini qabul qildi.

Unda fuqarolarning elektr ta'minoti, gaz, toza ichimlik suvi, moddiy yordam olish, tibbiy yordam, yer ajratish, uy-joy, subsidiya, davlat xizmatlari va FHDY sohasi hamda boshqa masalalardagi murojaatlari tinglanib, ish yurituviga olindi. 2 ta murojaat joyida hal etildi. 20 dan ortiq fuqarolarga huquqiy tushuntirish berildi. 15 ta davlat xizmatlari sayyor tarzda ko‘rsatildi.

@adliyangiliklari

#Adliya_xabari

Adliya vaziri o‘rinbosari X.Meliyev Bo‘stonliq tuman davlat xizmatlari markazining yangi binosi bilan tanishdi

Mazkur binoda davlat xizmatlari markazi bilan birgalikda FHDY bo‘limi ham joylashgan bo‘lib, aholiga davlat xizmatlarini ko‘rsatishda barcha qulaylik va imkoniyatlar yaratilgan.

Vazir o‘rinbosari xodimlar bilan suhbat o‘tkazib, fuqarolarga davlat xizmatlarini ko‘rsatilishida byurokratiya va sansalorlikka yo‘l qo‘ymaslik, xizmatdan oson va qulay shakllarda foydalanilishini taʼminlash lozimligini taʼkidladi.

Shu bilan birgalikda, joriy yilda yo'lga qo'yilishi rejalashtirilayotgan yangi xizmatlar, proaktiv va kompozit shakllariga o‘tkaziladigan davlat xizmatlari xodimlar bilan muhokama qilinib, ularning fikrlari va takliflari olindi.

@adliyangiliklari