#Adliya_xabari

Adliya vazirligi tomonidan Boʻstonliq tumanida 30 gektar yer maydonida bogʻ yaratildi
 
Adliya vazirligi tizimi xodimlari mamlakatimizni yashil makonga aylantirishga astoydil bel bogʻlab, ushbu xayrli ishlarga oʻzlarining munosib hissalarini qoʻshib kelmoqdalar.

Bugun, 20-aprel kuni Boʻstonliq tumanida tashkil etilgan daraxt ekish aksiyasi bunga yana bir yaqqol misoldir. Oqsoq ota soy hududida keng miqyosli koʻkalamzorlashtirish ishlariga start berildi. Vazirlik tomonidan 30 gektar yer maydonida bodom, naʼmatak va boshqa bir qator manzarali va mevali daraxt koʻchatlari ekildi.

Taʼkidlash kerakki, daraxtlar havodagi zararli karbonat angidridni yutib, oʻrniga kislorod ishlab chiqaradi va bizning nafas olishimizga yordam beradi. Ular issiqda salqinlik beradi, atrof-muhitni shovqinlardan himoya qiladi. Aholi yashash punktlarida daraxtlar ekish, yashillikni yaratish va yangilash – doimiy jarayon, bunda asosiysi, niholni ekishda hududning xususiyatini, sugʻorish, iqlimi, tuprogʻini hisobga olishdir. Shuning uchun vazirlik jamoasi ushbu masalalarda oʻrmon xoʻjaligi mutaxassislarini, ekologlarni doimo jalb qilib keladi.

Boʻstonliq tumanida “Adliya bogʻi” yaratishda ham koʻchat ekish jarayonlari maxsus mutaxassis koʻrsatmalariga asosan, daraxt ekish qoidalariga rioya etgan holda amalga oshirildi. Shuningdek, mazkur xayrli ishlar shu bilan yakuniga yetmaydi, “Adliya bogʻlari” nafaqat bir kunda, balki doimiy ravishda oʻz tartib qoidasi boʻyicha parvarish qilinib boriladi.

Bahor mavsumida Adliya vazirligi tizimi tashkilotlari tomonidan qadar 80 ming dona koʻchat ekildi.

Eslatib oʻtamiz, oʻtgan yili noyabr oyida Toshkentning Mirobod, Yakkasaroy, Yunusobod, Shayxontohur, Olmazor, Sergeli hamda Yangihayot tumanlarida 3 gektardan ziyod yer maydonida “Yashil makon” umummilliy loyihasi doirasida “Adliya bogʻlari” barpo etildi. Loyiha doirasida viloyat va tuman adliya organlari ham oʻz hududlarida bogʻlar barpo etib, 100 mingdan ortiq daraxt ko’chatlari ekildi.

@adliyangiliklari

#Adliya_xabari

Ehtiyojmand oilalarga tabiiy gaz va elektr energiyasi uchun kompensatsiya to‘lab beriladi

Adliya vazirligi tomonidan qonunchilikdagi yangiliklar hamda amalga oshirilayotgan islohotlarning mazmun-mohiyati va ahamiyatini aholiga yetkazish maqsadida bugun O‘zbekiston Milliy matbuot markazida “Qonunchilikda yangiliklar”ga bag‘ishlangan matbuot anjumani tashkil etildi.

Mazkur tadbirda Energetika vazirligi, Ijtimoiy himoya milliy agentligi, mutaxassislari, shuningdek OAV vakillari hamda jamoatchilik faollari ishtirok etdi.

Tadbirda hafta davomida qabul qilingan normativ-huquqiy hujjatlarning mazmun-mohiyati, qonunchilikdagi yangiliklar, aholiga yaratib berilayotgan imkoniyatlar xususida ma’lumot berildi.

Shuningdek, anjumanda soha mutaxassislari tomonidan “Yoqilg'i-energetika sohasida bozor mexanizmlarini joriy etishning qo'shimcha chora-tadbirlari to'g'risida”gi Hukumat qarori mazmun-mohiyati haqida keng jamoatchilikka tushuntirish berildi.

👉Batafsil

📹 Video formatda

@adliyangiliklari

#Adliya_xabari

Davlat xizmatlaridan foydalanishda aholi va tadbirkorlar uchun navbatsiz xizmat joriy etildi.

Namangan viloyat adliya boshqarmasi tomonidan jismoniy va yuridik shaxslarga qulaylik yaratish maqsadida Namangan shahar davlat xizmatlari markazi binosida oʻz-oʻziga xizmat koʻrsatish burchagi hamda 37 turdagi davlat xizmatlaridan tez, oson va qulay foydalanish imkonini beruvchi onlayn interaktiv kioska oʻrnatilib, ishga tushirildi.

Shu bilan birga, binoning ikkinchi qavatida barcha qulayliklarga ega boʻlgan navbatsiz xizmat maskani oʻz ish faoliyatini boshladi.

@adliyangiliklari