#Adliya_xabari

Boshqarmada seminar tashkil etildi

Toshkent viloyati adliya boshqarmasida mahalliy Kengashlar deputatlari va kotibiyatlari xodimlarining bilim va malakasini oshirishga qaratilgan o‘quv seminar tashkil etildi.

Oliy Majlisi Senati vakillari, Adliya vazirligi mutaxassislari yig‘ilganlarga jamiyat va davlat hayotining muhim masalalarini hal etishda mahalliy davlat hokimiyati vakillik organlarining roli, mahalliy Kengashlar zimmasidagi vazifa va funksiyalar yuzasidan batafsil ma'lumotlar berib o‘tishdi.

Xususan, Prezidentimizning “Mahalliy davlat hokimiyati organlari faoliyatining samaradorligini oshirish chora-tadbirlari to‘g‘risida”gi Farmoni ijrosi va uning mazmun-mohiyati, mahalliy ijro etuvchi hokimiyat organlarining faoliyati ustidan xalq deputatlari Kengashlarining nazorat funksiyalarini kengaytirish maqsadida ularga o‘ndan ortiq qo‘shimcha vakolatlar berilganligi, prokuratura, adliya, ichki ishlar, moliya, soliq, ekologiya va sog‘liqni saqlash organlari rahbarlarining hisobdorligi belgilab qo‘yilganligi ta'kidlab o‘tildi.

@adliyangiliklari

#Adliya_xabari

Asakada ishsiz yoshlarni bandligi ta’minlandi

Ma’lumki, adliya organlari tomonidan otaliqqa olingan yoshlarning bandligini ta’minlash, oilaviy tadbirkorlik dasturlari doirasida kredit olishi, subsidiya ajratilishiga ko‘maklashish belgilangan.

Shunga ko‘ra, Asaka tuman adliya bo‘limi tomonidan Asaka tuman “Farovon” MFY hududida yashovchi doimiy daromad manbaiga ega bo‘lmagan ishsiz yoshlarni bandligini ta’minlash maqsadida ularga yer maydonlari ajratib berilishi ta’minlandi.

Xususan, tuman adliya bo‘limi tomonidan otaliqqa olingan yoshlar M.Xolmatov, Sh.Matmusayev va M.Xasanovalarga dehqonchilik qilishi uchun ajratib berilgan yer maydonlariga xozirda kartoshka, karam va pomidor ko‘chatlari ekilib ushbu ajratilgan yer maydonlaridan unumli foydalanib kelinmoqda.

@adliyangiliklari

#Yashil_makon

ADLIYA BOG'IGA NIHOLLAR EKILDI

Mamlakatimizda “Yashil makon” umummilliy loyihasi doirasida bahorgi ko‘chat ekish ishlari qizg‘in davom etmoqda.

Ushbu jarayonda adliya xodimlari ham faol ishtirok etib, yashil tabiat rivojiga munosib hissa qo‘shmoqdalar.

Bugun Qashqadaryo viloyat adliya boshqarmasi hamda qu‘yi tizimlari xodimlari ko‘chat ekib, hududlarni obod qilish harakatida yeng shimardilar.

Qarshi tumani "Chaman" MFY hududidan ajratilgan salkam 70 sotix  yer maydonida “Adliya bog‘i” tashkil qilindi.

— Hamjihatlikda hikmat ko‘p, bu jamoa ahilligini, birdamligini hamda ishga bo'lgan ishtiyoqni ko'rsatadi, — deydi Qarshi  shahar adliya bo'lim boshlig'i Murod Eshnazarov.

Chindan ham, ushbu xayrli tashabbus ko‘ngildagidek bajarilishida jamoaviy birdamlik juda  muhim.

Shu kuni “Adliya bog‘i”ga hashar yo‘li bilan 2000 dan ortiq atirgul ko'chatlari hamda 2000 dan ortiq mevali va manzarali daraxt ko‘chatlari o‘tqazildi.

@adliyangiliklari