#Adliya_aksiya

73 yoshli Vyacheslav Lukashevga tugʻilganlik haqida guvohnoma eksterritorial tartibda rasmiylashtirib berildi

Margʻilon shahrida yashovchi Vyacheslav Lukashev tugʻilganlik haqidagi guvohnomasini yoʻqotib qoʻyganligi sababli meros hujjatlarini rasmiylashtirishda qiyinchiliklarga uchrayotgandi.

Vyacheslav Lukashevga ham xatlov jarayonlarida takroriy ravishda tugʻilganlik haqida guvohnoma Toshkent shahar Mirobod tuman FHDY boʻlimidan eksterritorial tartibda olinib oʻz xonadonida tantanali topshirildi.

Shuningdek, Margʻilon shahrida istiqomat qiluvchi 21 yoshli Bahodir Usmonovning hujjatlari ehtiyotsizlik tufayli yaroqsiz holatga kelib qolgan edi. Aksiya doirasida adliya boʻlimiga qilgan murojaati qanoatlantirilib sayyor tartibda unga takroriy tugʻilganlik guvohnomasi tantanali topshirildi.

Ma'lumot uchun: Aksiya doirasida Fargʻonada 1 ming 300 nafardan ortiq fuqaroga nikoh, tugʻilish guvohnomalari, kadastr hujjatlari, fuqarolik hamda xorijga chiqish pasportlari va ID kartalar rasmiylashtirib berilgan.

@adliyangiliklari

#Ziyo_ulash

Naymanliklar uchun ma'rifiy sovg‘a

Avval xabar berganimizdek, adliya tashabbusi bilan respublikamiz bo‘ylab 4-sektor hududidagi eng chekka mahallalarda yoshlar, aholi uchun kichik kutubxonalar foydalanishga topshirilmoqda.

#Ziyo_ulash xeshtegi ostida amalga oshirilayotgan ushbu ma'rifiy loyihadan Samarqand viloyati ham chetda qolayotgani yo‘q. Adliya boshqarmasi boshchiligida viloyatning Toyloq tumani "Nayman" mahalla fuqarolar yig‘inida kutubxona aholi ixtiyoriga topshirildi.

Kutubxonada turli janrdagi kitoblar, jurnallar mavjud. Xususan, jahon va o‘zbek adabiyoti namoyondalari — Tohir Malik, Xudoyberdi To‘xtaboyev, Abdulla Qahhor, Abdulla Qodiriy, Xosiyat Bobomurodova, O‘lmas Umarbekov, Napaleon Xill, Artur Xeyli, Teodor Drayzer va boshqalarning asarlari shular jumlasidan.

Ta'kidlash o‘rinliki, bugungi kunda mazkur mahallada 3 ming 720 nafar aholi istiqomat qiladi va ularning 1 ming 100 nafarini yoshlar tashkil etadi. Endilikda mahalla ahli va yoshlari ushbu kichik kutubxonadan o‘zlariga qulay vaqtlarda foydalanishlari mumkin. To‘g‘ri, bu katta yangilik yoki ulkan ish emasdir, ammo ziyo ulashishdek xayrli ishda muhim qadamdir. Uni siz ham davom ettirishingiz, to‘ldirshingiz mumkin.

Adliya #Ziyo_ulash xeshtegi ostida sizni ham ma'rifiy loyihada faol bo‘lishga chorlaydi.

@adliyangiliklari

#Ziyo_ulash

Xalqimiz azal-azaldan ilmga chanqoq, kitobga oshno bo‘lgan. Shu bois kitob mutolaasi, kitobxonlikni rivojlantirish masalalari mamlakatimizda ustuvor vazifalardan biriga aylandi.

Xabaringiz bor, Adliya vazirligi tomonidan “Ziyo ulash” aksiyasiga start berilib, olis va chekka mahallalarda kutubxonalar tashkil etilmoqda.

Bugun, 14-fevral kuni Zahiriddin Muhammad Bobur tavalludining 541 yilligi munosabati bilan ushbu ma’rifiy tashabbus davom etdi.

Xususan, Sirdaryo viloyat adliya boshqarmasi tomonidan Guliston tumanidagi “Ahmad Yassaviy” mahallasida kutubxona tashkil qilinib, 300 dan ortiq kitoblar sovg‘a qilindi.

Kutubxonada aholi, ayniqsa, yoshlar bo‘sh vaqtini unumli o‘tkazishi uchun barcha sharoitlar yaratildi. Kitoblar bilan birga kitob javonlari, kompyuter jamlanmalari taqdim etildi.

Shuningdek, elektron kutubxona ham sovg‘a qilindi. Unda barcha kitoblarning elektron va audio shakllari jamlangan.

@adliyangiliklari

#Ziyo_ulash

"Shayhali" shaharchasida yoshlar uchun kutubxona tashkil qilindi

Bugun, 14-fevral kuni Xalqaro kitob hadya qilish kuni  munosabati bilan Adliya vazirligi tomonidan e’lon qilingan #Ziyo_ulash aksiyasi doirasida Qarshi shahrining “Shayhali” shaharchasida  kutubxona ochildi.

Qarshi shahar adliya, FHDY, Yuridik xizmat ko'rsatish marlazi hamda davlat xizmatlari markazi  jamoasi nomidan #Ziyo_ulash chellenji doirasida mahallaga 500 dan ortiq kitoblar sovgʻa qilindi.

Kutubxonada aholi, ayniqsa, yoshlar boʻsh vaqtini unumli oʻtkazish uchun barcha sharoitlar yaratildi.

Siz ham mahallangizga ziyo ulashib, kutubxonalar tashkil qilishda oʻz hissangizni qoʻshishingiz mumkin.

@adliyangiliklari