#Sayyor_qabul

BESH KUNDA — BESHTA QABUL

Navoiy viloyat adliya boshqarmasi tomonidan aholi muammolarini joyiga chiqqan holda o‘rganish va huquqiy yechim topish maqsadida “Sayyor qabullar haftaligi” tashkil etib borilmoqda. Haftalik doirasida boshqarma boshlig‘ining birinchi o‘rinbosari Z. Farmanov tomonida beshta hududda sayyor tartibda muloqotlar o‘tkazildi. Xatirchi, Nurota, Karmana, Konimex va Qiziltepa tumanlarida istiqomat qiladigan fuqarolar hududlarda bo‘lib o‘tgan qabullar davomida mas’ullarga murojaat qilishdi.

Xususan, uy-joy ta’minoti, bandlik, yoshga doir ish stajini tiklash, subsidiya, bank-kredit, kommunal xizmatlar,elektr energiyasi va yo‘l ta’miri, mehnat va oilaviy munosabatlarni tartibga solishga doir masalalar murojaatlarning asosini tashkil etdi.

Dildora Izzatova Konimex tumandagi “Yuksalish” mahallasida istiqomat qiladi. Bir paytlar chet elga ishlashga ketgan turmush o‘rtog‘i chegaradan o‘tayotganda buyumlari qatori pasport hujjatlarini ham o‘g‘irlatgan. Shundan buyon oila boshi ishsiz. Ayolning 0,5 stavkadagi ish haqi evaziga qora qozon qaynab turibdi. Murojaat o‘rganilib, fuqaroga avvalo, turmush o‘rtog‘ining shaxsini tasdiqlovchi hujjatlarni rasmiylashtirish bo‘yicha dastlabki harakatlar amalga oshirildi.

Sarvinoz Davlatova esa bugungi kunda yolg‘iz ona. Turmush o‘rtog‘ining vafotidan so‘ng yashash joyi bilan bog‘liq kadastr muammolari yechimida qator qiyinchiliklarga uchramoqda. Tadbir joyida fuqaroning masalasi tahlil etilgach, kadastr hujjatlarini to‘liq rasmiylashtirib berish uchun ayolga davlat xizmatlari ko‘rsatildi.

Qabullar mobaynida fuqarolarga kadastr hujjatlarini rasmiylashtirish, kommunal to‘lovlarni amalga oshirish,e-auksionda ishtirok etish, tibbiy va manzil ma’lumotlari olish, farzandini maktabgacha ta’lim muassasasiga ro‘yxatga qo‘yish yo‘nalishida davlat xizmatlari ko‘rsatildi.

@adliyangiliklari

#Adliya_xabari

O‘zbekiston va Qirg‘iziston Adliya vazirliklari o‘rtasida 2024—2025-yillarga mo‘ljallangan hamkorlik dasturi imzolandi

Joriy yilning 25-dekabr kuni O‘zbekiston Respublikasi Adliya vazirligi va Qirg‘iziston Respublikasi Adliya vazirligi o‘rtasida 1997-yilda imzolangan Hamkorlik bitimi doirasida 2024—2025-yillarga mo‘ljallangan Hamkorlik dasturi imzolandi.

Ikki vazirlik rahbarlarining onlayn uchrashuvi davomida mazkur dasturning tomonlar uchun ahamiyati, jumladan, o‘zaro hamkorlikni kengaytirish uchun tuzilgan ilk dastur ekanligi va muhim hamkorlik belgisi sanalishi alohida ta’kidlandi.

Dasturda belgilangan chora-tadbirlar o‘zining bugungi kundagi dolzarb masalalarga bog‘liqligi hamda ushbu hamkorlik yaqin kelajakda yuksak natijalarga erishish uchun ko‘prik vazifasini o‘tashi e’tirof etildi.

Dastur — notariat, advokatura, adliya tizimida raqamlashtirish, qonun ijodkorligi va bepul yuridik xizmat ko‘rsatish sohalari hamda boshqa ikki tomon uchun manfaatli sohalarni o‘z ichiga olgan. Unda hamkorlik doirasida ikki qardosh xalqning kelgusi faoliyati va uning rivojiga salmoqli hissa qo‘shilishi, mazkur davlat fuqarolarining yuridik xizmatdan foydalanishida yengillliklar yaratishi, shuningdek, o‘zaro tajriba almashish nazarda tutilgan.

@adliyangiliklari

#Adliya_xabari

Xabar berganimizdek, joriy yilning 13–23-dekabr kunlari Pekin shahrida Shanxay hamkorlik tashkilotiga a’zo davlatlar Adliya vazirliklari vakillari uchun yuridik xizmatlar bo’yicha malaka oshirish kursi tashkil etilib, unda O'zbekiston Adliya vazirligi delegatsiyasi vakillari ham faol ishtirok etdi.

Mazkur malaka oshirish kursi davomida ShHTga a’zo davlatlar Adliya vazirliklari vakillarining yuridik xizmatlar ko'rsatish sohasidagi bilim va ko'nikmalari yanada oshirilib, ishtirokchi davlatlar o'rtasida o’zaro tajriba almashinildi.

Shuningdek, mazkur o’quv kursi yakunida O'zbekiston Adliya vazirligi delegatsiyasi nutq so’zlab, bu kabi tadbirlarni tashkil qilish hamda davom ettirish ShHTga a’zo mamlakatlar o’rtasida do’stlik aloqalarni yanada mustahkamlashda, o’zaro tajriba almashishda muhim ahamiyat kasb etishi ta’kidlandi.

@adliyangiliklari