#Adliya_xabari

Adliya vaziri o‘rinbosari Sirdaryo tuman adliya bo‘limi faoliyati bilan tanishdi

Adliya vazirligi tomonidan tizimdagi eng quyi bo‘g‘in hisoblangan tuman (shahar) adliya bo‘limlari faoliyati samaradorligini oshirish maqsadida doimiy ravishda tegishli ko‘rsatma va tavsiyalar berib kelinmoqda.

Jumladan, joriy yilning 25-sentabr kuni Adliya vaziri o‘rinbosari Alisher Karimov Sirdaryo tuman adliya bo‘limi faoliyati bilan atroflicha tanishdi.

Adliya bo‘limi xodimlariga aholining huquqiy ongi va huquqiy madaniyatini oshirish, qonunchilikdagi yangiliklar, islohotlarni har bir mahallaga va har bir fuqaroga yetib borishini ta’minlash, manzilli targ'ibotni yanada kuchaytirish va samaradorligini oshirish yuzasidan tegishli tavsiyalar berildi.

Sirdaryo tuman yuridik xizmat ko‘rsatish markazi faoliyati bilan tanishish asnosida davlat organlari va tashkilotlari faoliyatida qonuniylikni ta'minlash, “E-huquqshunos” bilan ishlashdagi afzalliklar, yuridik xizmat ko’rsatiladigan tashkilotlar bilan hamkorlik masallari muhokama etildi.

Shuningdek, davlat xizmatlari markazi, FHDY organida aholiga yaratilgan shart-sharoitlarni ham ko‘zdan kechirildi, shu bilan birga adliya bo‘limiga tashrif buyurgan fuqarolar bilan suhbatlashib, ko’rsatilayotgan davlat xizmatlarinining sifati va samaradorli bo‘yicha o‘zaro fikr almashildi.

Uchrashuv yakunida, bo‘limdagi mavjud muammo va kamchiliklarni bartaraf qilish bo‘yicha tegishli chora-tadbirlar belgilab olindi.

@adliyangiliklari

#Adliya_xabari

Bugun adliya vaziri o‘rinbosari X.Meliyev boshchiligidagi ishchi guruh Navoiy viloyatiga adliya bo'limlari faoliyatini o'rganish maqsadida tashrif buyurdi.

Kunning birinchi yarimida mas'ullar Karmana tumani adliya bo'limi, davlat xizmatlari markazlari, FHDY organi hamda yuridik xizmat ko‘rsatish markazida bo‘lib, bu yerda jismoniy va yuridik shaxslarning davlat xizmatlaridan yanada qulay, oson foydalanishlari uchun yaratilayotgan imkoniyatlar ko‘lami bilan tanishdi.

O'rganishlar davomida ko‘rsatilayotgan xizmatlar sifatini aniqlash va mavjud kamchiliklarni bartaraf etish bilan bir qatorda, tizim masʼullari faoliyatini jadallashtirish, fuqarolar uchun yaratilgan sharoitlarni yanada yaxshilash, xodimlarning fuqarolar bilan muloqot qilish ko‘nikmalarni oshirish kerakligi ta'kidlandi.

Ishchi guruh tumanlarning davlat xizmatlari markazida fuqarolarga yaratilgan sharoitlarni ko‘zdan kechirish bilan bir qatorda DXMga tashrif buyurgan fuqarolar bilan ham muloqot tashkil etildi.

Ayni paytda o'rganish jarayonlari davom etmoqda.

@adliyangiliklari

#Adliya_xabari

Adliya vaziri o'rinbosari X.Meyliyev boshchiligidagi ishchi guruh tomonidan Navoiy viloyatida adliya bo'limlari faoliyatini o'rganish jarayoni davom etmoqda.

Mas'ullar kunning ikkinchi yarmida Navoiy shahri va Konimex tumani adliya bo'limi faoliyati bilan tanishdi.

O'rganish mobaynida, avvalo, binoda xodimlar uchun yaratilgan shart- sharoitlar, moddiy- texnik baza, mavjud qulayliklar ko'zdan kechirildi.

Shundan so'ng, fuqarolarga davlat xizmatlari ko'rsatish sifati, xizmatdan foydalanishda ularga yanada qulaylik yaratish imkoniyatlari, mavjud kamchiliklarni bartaraf etish choralari va xodimlarning mazkur sohadagi bilm-salohiyati bilan yaqindan tanishildi.

Notarial arxiv hujjatlari saqlanish holati, turkumlanishi, yuridik xizmat ko'rsatish sohasi, adliya bo'limlarida fuqaro murojaatlari bilan ishlash tizimi yuzasidan muloqotlar tashkil etildi.

@adliyangiliklari