#Adliya_xabari

O‘zbekiston Respublikasi “Notariat toʻgʻrisida”gi Qonunining 15-2-moddasiga koʻra, Samarqand viloyati adliya boshqarmasi huzuridagi malaka komissiyasining tegishli majlisi bayonnomasiga asosan:
▪️Samarqand shahrida xususiy amaliyot bilan shugʻullanuvchi notariuslar Ulugbek Rabbimovich Murtazayev (litsenziya SA 0001, 23.04.2020-y.), Mashxurjon Yusufovich Aminovning (litsenziya SA 0003, 23.04.2020-y.) litsenziyasining amal qilishi va notarius maqomi 2023-yilning 10-iyul kunidan 1 oy muddatga to‘xtatildi.

@adliyangiliklari

#Adliya_aralashgach

Hokim qarori bekor qilindi

Yangiqo‘rg‘on tumani adliya bo‘limining ish yurituviga Uchqo‘rg‘on tumani, Yoshlik mahallasida yashovchi fuqaro B.Z ning Yangiqo‘rg‘on tuman hokimining 2019-yil 18-fevraldagi qarorini bekor qilishda amaliy yordam berishni so‘rab qilgan murojaati o’rganildi.

👉Batafsil

@adliyangiliklari

#Adliya_hudud

Eksklav hudud – Cho‘ng‘arada sayyor qabul tashkil etildi.

Cho‘ngara qishlog‘i Rishton tumanining eksklav hududi. Uning chor tarafi Qirg‘iziston sarhadlari bilan tutashib ketgan. Bir yarim mingga yaqin ko‘p millatli aholi istiqomat qiladigan ushbu mahalla fuqarolar yig‘inini o‘ziga hos deyishimiz mumkin.

Farg‘ona viloyat adliya boshqarmasi, Rishton tuman hokimligi va 10 dan ortiq tashkilotlar mas’ullari tomonidan o'tkazilgan sayyor qabulda 150 dan ortiq fuqarolarning 80 ga yaqin murojaatlari o‘rganildi.

Sayyor qabul davomida xorijga chiqish passportini rasmiylashtirish, onlayn davlat xizmatlari va yuridik xizmatlar ko‘rsatish, ID-karta olish, notarial harakatlar, uy-joy, kommunal, moddiy yordam olish, pensiya va boshqa masalalar o‘rganildi.

Jumladan, xorijga chiqish passportini rasmiylashtirish bo'yicha 26 ta, haydovchilik guvohnomasini yangisiga almashtirish bo'yicha 5 ta, notarial harakatlarni amalga oshirish bo'yicha 6 ta, biometrik passport o'rniga ID-karta olish bo'yicha 3 ta xizmat ko'rsatildi. Shuningdek, tegishliligi bo‘yicha 31 ta murojaat adliya boshqarmasi ish yurituviga olindi.

@adliyangiliklari

#Adliya_sarhisob

Adliya sarhisob: notariat sohasidagi o‘zgarishlar

Batafsil 👉 infografikada

@adliyangiliklari

#Adliyadan_javob

❓Menga tug‘ilganlik haqidagi guvohnoma o‘rniga tibbiyot muassasi tomonidan QR-kod tasviri tushirilgan ma’lumotnoma berildi. Bu tug‘ilganlik haqidagi guvohnoma bilan tenglashtiriladimi?

— Vazirlar Mahkamasining 2022-yil 29-sentyabrdagi 540-son qaroriga ko‘ra, 2023-yil 1-iyundan boshlab tug‘ilganlik holati fuqarolik holati dalolatnomalarini yozish bo‘limlarida qayd qilinganligi haqida tibbiyot muassasalari tomonidan QR-kod (matrik shtrixli kod) tasviri tushirilgan ma’lumotnoma beriladi va ushbu ma’lumotnoma tug‘ilganlik haqidagi gerbli guvohnomaga tenglashtirilishi hamda davlat organlari va tashkilotlar tomonidan qabul qilishni rad etish qat’iyan taqiqlanishi belgilandi. Ya’ni tibbiyot muassasalari tomonidan QR-kodli ma’lumotnoma tug‘ilganlik haqidagi gerbli guvohnoma bilan bir xil kuchga ega.

Fuqarolarga tug‘ilganlik haqidagi gerbli guvohnoma ularning istalgan vaqtdagi murojaatlariga asosan fuqarolik holati dalolatnomalarini yozish bo‘limlari tomonidan belgilangan miqdorda gerb yig‘imi undirilgan holda rasmiylashtirib beriladi.

@adliyangiliklari

#Adliya_sarhisob

Adliya sarhisob: advokatura va yuridik xizmat sohasidagi o‘zgarishlar

Batafsil 👉 infografikada

@adliyangiliklari

#Adliyadan_javob

❓Yakka tartibdagi tadbirkorlik faoliyatini ixtiyoriy tugatish uchun qayerga murojaat qilishim lozim va qanday hujjatlar talab etiladi?

— Yakka tartibdagi tadbirkorlik faoliyatini ixtiyoriy tugatish uchun ro‘yxatdan o‘tkazuvchi organ, ya’ni Davlat xizmatlari markazlariga bevosita tashrif buyurib yoki tadbirkorlik subyektlarini ro‘yxatdan o‘tkazish moduli (https://new.birdarcha.uz/) orqali ariza bilan murojaat qilish lozima.

Tadbirkorlik subyekti ― jismoniy shaxs faoliyatini ixtiyoriy to‘xtatish uning ro‘yxatdan o‘tkazuvchi organga taqdim etgan arizasi asosida amalga oshiriladi.

Arizaga quyidagi hujjatlar ilova qilinadi:
▪️ muhr va shtamplar (agar mavjud bo‘lsa);
▪️barcha litsenziyalar (ruxsatnomalar)ning asl nusxalari (agar mavjud bo‘lsa);
▪️agar mavjud bo‘lsa, asosiy hisobvarag‘i yopilganligi to‘g‘risidagi tijorat bankining ma’lumotnomasi.

Asos: Vazirlar Mahkamasining 2019-yil 21-avgustdagi 704-son qarori bilan tasdiqlangan “Tadbirkorlik subyektlarini ixtiyoriy tugatish va ularning faoliyatini to‘xtatish tartibi to‘g‘risida”gi Nizom.

@adliyangiliklari

#Adliya_sarhisob

Adliya sarhisob: intellektual mulk huquqini himoya qilish doirasida 103 nafar huquqbuzar shaxs sud tomonidan ma'muriy jarimaga tortilgan, 287 t tashkilotga qounbuzilishlarni bartaraf etish to‘g‘risida taqdimnomalar kiritilgan

Batafsil 👉 infografikada

@adliyangiliklari

#Adliya_xabari

Adliya vaziri o’rinbosari Muzraf Ikramov Yevroosiyo patent tashkiloti prezidenti bilan uchrashdi

Adliya vaziri o’rinbosari Muzraf Ikramov Jeneva shahrida Yevroosiyo patent tashkilotining (YPT) Yevroosiyo patent idorasi prezidenti Grigoriy Ivliyev bilan uchrashdi.

Uchrashuv davomida M. Ikramov O’zbekistonda soha yo’nalishida olib borilyotgan ishlar, xususan, shakllantirilyotgan innovatsion muhit, ixtirochilar uchun yaratilyotgan shart-sharoitlar va berilyotgan keng imkoniyatlar hamda intellektual mulk obyektlarini ro’yxatdan o’tkazishni soddalashtirish uchun olib borilyotgan qonunchilikdagi o’zgartirishlar to’g’risida so’z olib bordi.

G. Ivliyev tomonidan O’zbekistonning mintaqadagi ahamiyati, innovatsion potensiali hamda YPTga a’zo davlatlarda olib borilgan ishlari to’g’risida ma’lumot keltirilib o’tildi. Shu o’rinda, O’zbekiston Respublikasining YPTga a’zo bo’lishi respublikamizning mintaqaga integratsiyasida yordam berishi hamda aholimiz tomonidan mintaqa darajasida ixtirochilik uchun patent olish jarayonlarini soddalashtirishi ta’kidlandi.

Uchrashuv so’nggida, O’zbekiston Respublikasi YPT bilan birgalikda mamlakatimizdagi ixtirochilarga keng imkoniyatlar yaratish maqsadida soha yo’nalishlarida hamkorlik memorandumi ishlab chiqish hamda YPTga a’zo bo’lish masalasi ko’rib chiqilishiga kelishib olindi.

@adliyangiliklari

#Adliya_sarhisob

Adliya sarhisob: 2023-yilning birinchi yarmida 197 ta nodavlat notijorat tashkilotlar davlat ro‘yxatidan o‘tkazildi

Batafsil 👉 infografikada

@adliyangiliklari

#Adliyadan_javob

❓ Mening korxonam tizimda harakatsiz holatga o‘tkazilibdi. Harakatsiz holat nima va qanday asoslarga ko‘ra korxona harakatsiz holatga o‘tkaziladi.

— Hukumatning 2019-yil 21-avgustdagi 704-son qaroriga asosan moliya-xo‘jalik faoliyatini amalga oshirmayotgan tijorat tashkilotini ixtiyoriy tugatish choralari ko‘rilmaganda, ularni davlat reyestridan chiqarishga qadar korxonani harakatsiz holatga o‘tkazish chorasi qo‘llaniladi.

Moliya-xo‘jalik faoliyatini amalga oshirmayotgan tijorat tashkilotlari faoliyatini harakatsiz holatga o‘tkazish uchun quyidagilar asos bo‘ladi:
▪️to‘qqiz oy mobaynida moliya-xo‘jalik faoliyati bo‘yicha bank hisobvaraqlariga pul mablag‘lari tushmaganligi;
▪️to‘qqiz oy mobaynida soliq hisobotlari taqdim etilmaganligi.

@adliyangiliklari

#Adliya_sarhisob

Adliya sarhisob: sud ekspertiza tadqiqotlari soni 85 taga yetkazildi. Hududlarda yangi 8 ta ekspertiza turlari joriy etildi.

Batafsil 👉 infografikada

@adliyangiliklari

#Adliyadan_javob

❓ Men MCHJ tugatuvchisi etib belgilandim. Men ixtiyoriy tugatish to‘g‘risida qaror qabul qilinganidan keyin qanday harakatlarni amalga oshirishim lozim?

— Hukumatning 2019-yil 21-avgustdagi 704-son qaroriga asosan tugatuvchi ixtiyoriy tugatish to‘g‘risida qaror qabul qilingandan keyin quyidagi harakatlarni amalga oshirishi lozim:

a) qonun hujjatlarida belgilangan tartibda tijorat tashkiloti xodimlari bilan mehnatga oid huquqiy munosabatlarni to‘xtatish chora-tadbirlarini ko‘radi;
b) tijorat tashkilotining aktivlari va majburiyatlarini qonun hujjatlarida belgilangan tartibda xatlovdan o‘tkazadi, shu jumladan tijorat tashkiloti qarzdor sifatida ishtirok etgan ijro hujjatlari reyestrini tuzadi;
v) yil boshidan boshlab ro‘yxatdan o‘tkazuvchi organ tijorat tashkilotini ixtiyoriy tugatish to‘g‘risida xabardor qilingan sanagacha bo‘lgan davrda tijorat tashkiloti tomonidan to‘lanadigan barcha turdagi soliqlar va yig‘imlar bo‘yicha hisob-kitoblarni tuzadi;
g) tijorat tashkilotining debitorlik qarzlarini olish, shuningdek, tasdiqnoma olgan holda (qabul qilib olingan sanasi to‘g‘risidagi belgi, pochta kvitansiyasi, yozma yoki elektron xabar va shu kabilar) kreditorlarni aniqlash va tijorat tashkilotining tugatilishi to‘g‘risida ularni yozma ravishda xabardor qilish chora-tadbirlarini ko‘radi.

@adliyangiliklari

#Adliya_sarhisob

Adliya sarhisob: 2023-yilning birinchi yarim yilligida yuridik ta'lim sohasidagi ko‘rsatkichlar

Batafsil 👉 infografikada

@adliyangiliklari

#Adliya_sarhisob

Adliya sarhisob: 2023-yilning birinchi yarim yilligida yuridik kadrlarni qayta tayyorlash va malakasini oshirish sohasidagi ko‘rsatkichlar

Batafsil 👉 infografikada

@adliyangiliklari