#Yangi_Konstitutsiya

“Oʻzbekiston Respublikasi Konstitutsiyasi toʻgʻrisida"gi Oʻzbekiston Respublikasi Konstitutsiyaviy Qonuni loyihasi matni bilan meningkonstitutsiyam.uz saytida tanishib chiqishingiz mumkin.

📥 Yuklab olish
_____________

#Новая_Конституция

С текстом проекта Конституционного Закона Республики Узбекистан «О Конституции Республики Узбекистан» можно ознакомиться на сайте meningkonstitutsiyam.uz.

📥 Скачать

@adliyangiliklari

#Diqqat_kontrafakt

Siz ko‘rib turgan tasvirda mashhur brendlarning originali va ularning kontrafakt nusxalari keltirilgan.

Mahsulotlar nomini diqqat bilan o‘qisangiz kontrafakt mahsulot nomi ataylab o‘zgartirilganini ko‘rish mumkin. Bu uning kontrafakt ekanligini bildiradi.

Kontrafakt — bu tovar belgisidan huquq egasining ruxsatisiz hamda iste’molchini adashtirish darajasida foydalanishdir. Ko‘pchilik tadbirkorlar o‘zgalarning mashhur brendlaridan foydalanib, xaridorni jalb qilishga urinadi. Bu esa huquqbuzarlik sanaladi.

Hurmatli isteʼmolchilar! Mahsulot xarid qilganda uning nomi to‘g‘riligiga ishonch hosil qiling, ishlab chiqaruvchi haqidagi maʼlumotlarni tekshirib oling.

Eslatma! Kontrafakt mahsulot sotganlik hamda tovar belgisidan noqonuniy foydalanib, iste’molchini chalg‘itganlik uchun javobgarlik belgilangan.

@adliyangiliklari

#Adliya_brifing

📹 Adliya vazirligi axborot xizmati rahbari Sevara Urinbayeva ishtirokida brifing: davlat xizmatlari sohasidagi yangiliklar

@adliyangiliklari

#Bir_murojaat_izidan

Adliya vazirligiga “A.M.A.” MChJ ga tegishli “JETOUR” tovar belgisidan fuqaro Sh. B. F. tomonidan huquq egasining ruxsatisiz foydalanilayotganligi hamda jamiyatning mutlaq huquqlari buzilayotganligi yuzasidan murojaat kelib tushdi.

Murojaatni ko‘rib chiqish natijasida tovar belgisidan fuqaro Sh.B.F. tomonidan ruxsatsiz foydalanilayotganlik holati aniqlanib, ma’muriy huquqbuzarlik to‘g‘risidagi bayonnoma rasmiylashtirildi hamda tegishli tartibda ko‘rib chiqish uchun sudga taqdim etildi.

Jinoyat ishlari bo‘yicha Shayxontohur tuman sudi ma’muriy huquqbuzarlik to‘g‘risidagi bayonnoma va unga ilova qilingan hujjatlarni ko‘rib chiqish natijasida fuqaro Sh.B.F.ning harakatlarida Ma’muriy javobgarlik to‘g‘risidagi kodeksning 177-moddasi birinchi qismida keltirilgan huquqbuzarlik alomatlari mavjudligi, fuqaro tomonidan o‘zga shaxsga tegishli bo‘lgan tovar belgisidan huquq egasining ruxsatisiz foydalanilgan deb topdi. Sudning qarori bilan fuqaro Sh.B.F.ga belgilangan tartibda jarima jazosi tayinlandi.

@adliyangiliklari

​#Adliya_xabari

Chinoz tumanidagi 14-sonli bolalar musiqa va san'at maktabida konstitutsiyaviy islohotlar bo‘yicha davra suhbati o‘tkazildi

Joriy yilning 16-mart kuni Toshkent viloyati Chinoz tumani 14-sonli bolalar musiqa va san'at maktabida Adliya vazirligi va tuman adliya bo‘limi xodimlari tomonidan davlat organlari rahbarlari uchun konstitutsiyaviy islohotlarni referendum orqali o‘tkazish yuzasidan davra suhbati tashkil qilindi.

Davra suhbati davomida davlat organlari rahbarlariga Konstitutsiyaga kiritilayotgan yangiliklar to‘g‘risida, shuningdek referendum o‘tkazish tartibi, unda ishtirok etish bo‘yicha batafsil tushuntirishlar berildi.

Konstitutsiyada inson huquq va erkinliklari sezilarli darajada kengaytirilayotganligi ta'kidlandi. Xususan, konstitutsiyaviy huquqlar doirasi ta'lim, ekologik huquqlar, sog‘liqni saqlash, gender tenglik, erkin harakatlanish kabi huquqlar bilan to‘ldirilayotganligi aytib o‘tildi.

Davra suhbati yakunida davlat organlari rahbarlari konstitutsiyaviy islohotlarga oid o‘zlarini qiziqtirgan savollarga javob olishdi.

@adliyangiliklari

#Adliya_xabari

O‘zbekiston Respublikasi Notarial palatasi Jizzax viloyati hududiy boshqarmasining 2023-yil 11-martdagi 1/1-38-sonli xati va Arnasoy tuman FHDY bo‘limi tomonidan 2023-yil 13-mart kuni V 46759815-raqami bilan rasmiylashtirilgan o‘lim guvohnomasiga asosan hamda “Notariat toʻgʻrisida”gi Qonunning 15-3-moddasiga asosan:

▪️Arnasoy tumanida xususiy amaliyot bilan shug‘ullanuvchi notarius Do‘stmurodov Ismoil Muxtarovich vafot etganligi sababli unga Jizzax viloyat adliya boshqarmasi tomonidan 2020-yil 21-aprel kuni xususiy notarial faoliyat bilan shug‘ullanish huquqini beruvchi GZ № 0019-son bilan berilgan litsenziyaning amal qilishi va notarius maqomi tugatildi.

@adliyangiliklari

#Bu_muhim

Tadbirkorlik faoliyatida to‘siqlarga duch kelyapsizmi?
b-advice.uz portaliga murojaat qiling!

🌐 Adliya vazirligi tomonidan aholining tadbirkorlik faoliyatiga har tomonlama ko‘mak berishga mo‘ljallangan “Biznesga maslahat” (b-advice.uz) interfaol axborot portali ishlab chiqilgan.

❕ Mazkur portalni yaratishda Buyuk Britaniya, Singapur, Avstraliya va Yangi Zelandiya kabi ilg‘or xorijiy davlatlar tajribasi o‘rganilgan.

🔰 Mazkur portal orqali quyidagi masalalar bo‘yicha ma'lumotlarga ega bo‘lish mumkin:

▫️tadbirkorlikka oid qonunchilik hujjatlari va yangiliklar;
▫️biznesni boshlash va yuritish tartib-taomillari;
▫️litsenziyalash va ruxsatnoma olish tartiblari;
▫️soliq, bank va bojxona organlarining tadbirkorlik bilan bog‘liq xizmatlari;
▫️kredit va ssuda olish tartiblari.

📲 Shuningdek, portal orqali tadbirkorlarning onlayn murojaatlari qabul qilinadi.

Tadbirkorlik faoliyatingizni b-advice.uz portali bilan yanada rivojlantiring!

@adliyangiliklari