#Adliya_xabari

Adliya vazirligi tomonidan Demokratik jarayonlarni tahlil qilish markazi davlat roʻyxatidan oʻtkazildi.

Ushbu tashkilotning asosiy maqsadi joylarda ijtimoiy-siyosiy va ijtimoiy-iqtisodiy jarayonlarni monitoring qilish va prognozlash, axborot makonining g‘oyaviy mazmunini tizimli tahlil qilish, hududlar va mamlakat darajasida ma’naviy-ma’rifiy muhitni sog‘lomlashtirish, milliy birdamlik va konfessiyalararo totuvlikni ta’minlashga qaratilgan choralarni ishlab chiqishdan iborat.

@adliyangiliklari

#Adliya_xabari

⚠️ Adliya organlari tizimida korrupsiyaga qarshi murosasiz kurash e'lon qilingan.

📲 Bunda Adliya vazirligi tizimidagi, jumladan:

▫️adliya boshqarmalari va bo'limlari;
▫️yuridik xizmat ko'rsatish markazlari;
▫️FHDY organlari;
▫️davlat xizmatlari markazlari;
▫️X. Sulaymonova nomidagi Respublika sud-ekspertiza markazi va uning hududiy bo'linmalari;
▫️“Adolat” milliy huquqiy axborot markazi;
▫️Adliya organlari va muassasalarida axborot-kommunikatsiya texnologiyalarini rivojlantirish markazi;
▫️Davlat xizmatlarini rivojlantirish markazi;
▫️Intellektual mulk markazi;
▫️davlat notarial idoralari va arxivlari;
▫️Yuristlar malakasini oshirish markazi;
▫️Toshkent davlat yuridik universiteti;
▫️Yuridik texnikumlar;
▫️TDYU qoshidagi akademik litseydagi korrupsiya holatlari haqida ma'lumotlarni telegramdagi @antikorbot botiga, (71) 207-04-64 (1321 yoki 1322) telefon raqamiga yoki vazirlik rasmiy veb-saytidagi maxsus platformaga yuborish mumkin.

@adliyangiliklari

#Muhim

📣📣Nodavlat notijorat va diniy tashkilotlar diqqatiga

Nodavlat notijorat va diniy tashkilotlarning 2022-yildagi faoliyati to‘g‘risidagi hisobotlarni 2023-yil 1-fevralidan kechiktirmay e-ngo.uz portali orqali elektron shaklda taqdim qilishingiz so‘raladi.

Eslatma: O‘zbekiston Respublikasi MJtKning 239-moddasiga asosan nodavlat notijorat tashkilotlarining o‘z faoliyati to‘g‘risidagi hisobotlarni ro‘yxatdan o‘tkazuvchi organga taqdim etmasligi, o‘z vaqtida taqdim etmasligi yoki belgilanmagan shaklda taqdim etishi, o‘z faoliyati to‘g‘risida bila turib noto‘g‘ri ma'lumotlar taqdim etishi, xuddi shuningdek nodavlat notijorat tashkilotlarining axborotni, shu jumladan ular tomonidan mol-mulk va pul mablag‘laridan foydalanilishi to‘g‘risidagi tasdiqlovchi hujjatlarni taqdim etmasligi — mansabdor shaxslarga bazaviy hisoblash miqdorining 15 baravaridan 30 baravarigacha miqdorda jarima solishga sabab bo‘ladi.

💻e-ngo.uz portali

📹 Hisobotni to‘ldirish yuzasidan video qo‘llanma bilan batafsil tanishing

@adliyangiliklari

#Xushxabar

“Yuridik yordam” axborot tizimi ishga tushirildi

Advokatura faoliyatiga axborot-kommunikatsiya texnologiyalarini keng joriy etish maqsadida “Yuridik yordam” axborot tizimi ishga tushirildi.

Mazkur axborot tizimi qanday qulayliklarga ega?

Axborot tizimi orqali advokatlik maqomini olishda talabgorlar malaka imtihonini topshirish uchun elektron tartibda murojaat qilish va malaka imtihoni jarayonlarini kuzatib borish imkoniyati yaratildi.

Tizim orqali respublikada faoliyat yuritayotgan advokatlar reestri, ularning shaxsiy elektron kabineti yaratilib, advokatlar tomonidan elektron advokat orderini rasmiylashtirish, davlat organlari va tashkilotlariga advokatlik so‘rovlarini jo‘natish va arizalar berilishi mumkin.

Bundan tashqari, fuqarolar tomonidan axborot tizimi orqali advokatlar to‘g‘risida, ularning maqomi haqidagi ma'lumotlarni olinishi;

- advokat reytingini aniqlashi, advokatning faoliyatini baholashi va advokat haqida o‘z fikrlarini izoh tariqasida yozib qoldirishi;

- advokatura sohasiga oid qonunchilik hujjatlari, yangiliklar, statistik ma'lumotlar bilan tanishishi mumkin.

Ushbu tizimning ishga tushurilishi advokaturaga kirishda ortiqcha qog‘ozlikni bartaraf etadi, advokatlar faoliyatini
yengillashtiradi, fuqarolarga ham advokatni oson topishga va ular faoliyatini baholashga yordam beradi.

Adliya vazirligi
Jamoatchilik bilan aloqalar bo‘limi

@adliyangiliklari

​#Adliya_loyiha

Adliya vazirligi tomonidan O‘zbekiston Respublikasi Oliy Majlisi palatalari bilan hamkorlikda xotin-qizlar va bolalar huquqlari, erkinliklari hamda qonuniy manfaatlarini ishonchli himoya qilish tizimi yanada takomillashtirish maqsadida Jinoyat kodeksi, Ma'muriy javobgarlik to‘g‘risidagi kodeks, “Xotin-qizlarni tazyiq va zo‘ravonlikdan himoya qilish to‘g‘risida”, “Bola huquqlarining kafolatlari to‘g‘risida”gi qonunlar va boshqa qonun hujjatlariga o‘zgartirish va qo‘shimchalar kiritishni nazarda tutuvchi qonun loyihasi ishlab chiqildi.

Mazkur loyihada AQSh, Buyuk Brintaniya, Kanada, Germaniya, Belgiya, Portugaliya, Singapur kabi ilg‘or xorijiy davlatlar tajribasi asosida bolalar va xotin-qizlarning tazyiq va zo‘ravonlikka uchrashining oldini olish choralari samaradorligini oshirish, oila institutini mustahkamlash, ma'naviy-axloqiy muhitni yaxshilashga qaratilgan bir qator yangi takliflar ilgari surilmoqda.

Mazkur takliflarning amalga oshirilishi mamlakatimizda olib borilayotgan bolalar va xotin-qizlarning ijtimoiy va huquqiy himoya tizimi bo‘yicha islohotlarni yangi bosqichga olib chiqishga xizmat qiladi.

❗️Mazkur qonun loyihasi bilan quyidagi havola orqali tanishish mumkin: https://regulation.gov.uz/oz/d/75074

Muhokama 26 yanvarga qadar davom etadi.

@adliyangiliklari

#Adliya_loyiha

Voyaga yetmaganlarga jinsiy tajovuz qilganlar amnistiyaga tushmaydi, ta'lim va tibbiyot muassasalarida ishlashi taqiqlanadi, birovning shaxsiy foto-video va yozishmalarini tarqatish bilan shantaj qilish uchun jinoiy javobgarlik bo‘ladi — loyiha

Adliya vazirligi va Oliy Majlis tomonidan hamkorlikda xotin-qizlar, bolalar va keksa yoshdagi ota-onalarning huquqlarini himoya qiluvchi qonun loyihasi ishlab chiqildi.

Loyiha haqida batafsil videoda👆 tanishing.

Ushbu havola orqali loyiha muhokamasida faol ishtirok eting: https://regulation.gov.uz/oz/d/75074

@adliyangiliklari

#Adliya_loyiha

❗️Qonun loyihasiga ko‘ra, xotin-qizlar va bolalar huquqiy himoyasi tizimini kuchaytirish maqsadida ayrim jinoyatlar uchun jazo choralarini og‘irlashtirish nazarda tutilgan.

Ushbu havola orqali loyiha muhokamasida faol ishtirok eting: https://regulation.gov.uz/oz/d/75074

Batafsil #infografikada

@adliyangiliklari

#Adliya_loyiha

❗️Qonun loyihasida xotin-qizlar, bolalar huquqiy himoyasi tizimini kuchaytirish maqsadida yangi javobgarlik turlarini joriy etish taklif etilmoqda.

Ushbu havola orqali loyiha muhokamasida faol ishtirok eting: https://regulation.gov.uz/oz/d/75074

Batafsil #infografikada

@adliyangiliklari

#Adliya_brifing

Adliya vazirligi axborot xizmati rahbari Sevara Urinbayeva ishtirokida brifing

Xotin-qizlar, bolalar va keksa yoshdagi ota-onalarning huquqlarini himoya qiluvchi qonun loyihasi bo‘yicha ma'lumot.

@adliyangiliklari

#Adliya_aralashgach

ADLIYA YORDAMIDA FUQAROGA 613 MILLION 646 MING SO‘M KOMPENSATSIYA UNDIRILADIGAN BO‘LDI

Samarqand viloyat adliya boshqarmasi tomonidan Toshkent shahrida yashovchi fuqaro X.B.ning murojaati o‘rganib chiqildi. Aniqlanishicha, Pastdarg‘om tuman hokimining 2018-yil 7-martdagi 978-Q-sonli qaroriga asosan fuqaro X.B.ga tumanning Juma shahar Furqat mahallasi hududidan tuman hokimligi zahirasida bo‘lgan 0.44 gektar yer maydoni ajratilgan.

Ammo Pastdarg‘om tuman hokimining 2021-yil 23-iyundagi 908-Q-sonli qarori bilan tuman hokimining yuqorida qayd etilgan qaroriga o‘zgartirish kiritilib, fuqaroga ajratilgan 0,44 gektar yer maydonining 0,24 gektar qismi davlat va jamoat ehtiyojlari uchun olib qo‘yilgan.

👉Batafsil

@adliyangiliklari

#Adliya_tabrigi

Qadrli vatan himoyachilari!

Sizlarni O‘zbekiston Respublikasi Qurolli Kuchlari tashkil etilganligining 31 yilligi hamda Vatan himoyachilari kuni bilan samimiy muborakbod etamiz.

Yurtimiz tinchligi va farovonligi, osoyishta hayotini ko‘z qorachig‘idek asrab-avaylashdek sharafli va mas'uliyatli faoliyatingizda ulkan muvaffaqiyatlar doimiy hamroh bo‘lsin.

Ushbu qutlug‘ damda barchangizga sihat-salomatlik, oilaviy xotirjamlik yor bo‘lishini, xonadoningizdan fayzu baraka arimasligini tilaymiz.

Hurmat bilan, Adliya vazirligi jamoasi

@adliyangiliklari