#Adliya_xabari

Адлия вазирлиги: МЖтКнинг 5 та моддасининг санкция миқдорини қамайтириш таклиф этилди

Аввал хабар берилганидек, бугун Олий Мажлис Қонунчилик палатасининг навбатдаги мажлисида Адлия вазирлиги томонидан ишлаб чиқилган “Ўзбекистон Республикасининг Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида”ги Ўзбекистон Республикасининг Қонуни лойиҳаси биринчи ўқишда кўриб чиқилди.

Лойиҳада йўл ҳаракати соҳасидаги қуйидаги ҳуқуқбузарликлар учун жавобгарликни бекор қилиш ва маъмурий жавобгарликка тортишда янги механизмларни жорий этиш таклиф этилди:

1. транспорт воситасини бошқариш вақтида ҳайдовчиларга bluetooth, қулоқчин ва бошқа қўлни банд қилмайдиган гарнитуралар фойдаланишга рухсат бериш;

2. транспорт воситаси салонининг олд қисмига ўзбошимчалик билан монитор (дисплей) ўрнатиш учун жавобгарликни бекор қилиш;

3. транспорт воситалари ҳайдовчиларининг белгиланган ҳаракат тезлигини ошириб юборганда тезликни ўлчайдиган махсус ускуналар қайд этган тезликдан соатига 5 километр айириб ташлаб ҳисоблаш;

4. транспорт воситаларини бошқариш ҳуқуқини берувчи ҳужжатлари (ҳайдовчилик гувоҳномаси), суғурта полиси ва техник паспорти ёнида бўлмаган ҳайдовчиларга, Ўзбекистон Республикасида берилган биометрик паспорти ёки идентификация ID-картаси асосида транспорт воситаларини бошқариш ҳуқуқини бериш.

Шунингдек, Қонун лойиҳасида:

▫️муддати ўтган суғурта полиси ёки суғурта полисида назарда тутилмаган шахс автотранспорт воситасини бошқарганлиги учун жарима миқдори икки бараварга камайтириш;

▫️бухгалтерия ҳисоби ва ҳисоботи тартибини бузганлик учун мансабдор шахсларга нисбатан жарималар миқдори деярли икки бараварга камайтириш;

▫️мансабдор шахсларга бухгалтерия ҳисоби ва ҳисоботи тартибини бузганлик учун жарималар миқдорини деярли икки бараварга камайтириш;

▫️фуқаролар томонидан валюта қийматликларини ноқонуний олиш ёки ўтказиш учун жарима миқдори амалда қатъий миқдорда БҲМнинг 20 баравари этиб белгиланган, лойиҳа билан 10 бараваридан 20 бараваригача бўлган миқдор оралиғида белгилаш;

▫️йўловчиларни лицензиясиз ташиш билан шуғулланганлик учун жарима миқдори уч бараварга камайтириш;

▫️фуқаролар томонидан паспорт тизими қоидаларини бузганлик учун жарималар миқдорини ҳам 2 баравардан кўпроққа камайтириш таклиф этилди.

Шундан сўнг, депутатлар томонидан берилган саволларга атрофлича жавоблар берилди.
Қонун лойиҳаси депутатлар томонидан кўриб чиқилиб, биринчи ўқишда маъқулланди.

Адлия вазирлиги
Жамоатчилик билан алоқалар бўлими

@adliyangiliklari

⚡️ Тошкент давлат юридик университетининг Ихтисослаштирилган филиалига директор тайинланди

Вазирлар Маҳкамаси қарорига кўра, Отажонов Аброржон Анварович Тошкент давлат юридик университетининг Ихтисослаштирилган филиали директори этиб тайинланди.

А. Отажонов Юристлар малакасини ошириш маркази директорининг ўқув-услубий ва илмий ишлар бўйича биринчи ўринбосари лавозимида фаолият юритиб келаётган эди.

@adliyangiliklari

Қўлланмани юклаб олиш

📥 ўзбек тилида

📥 рус тилида

📥 қорақалпоқ тилида

📥 инглиз тилида

@adliyangiliklari

#JamoatchilikEshituvi

Адлия вазирлиги Ўзбекистон Республикаси Президенти ҳужжатлари ва топшириқлари ижросини назорат қилиш бошқармасининг бўлим бошлиғи Фарид Назаров:

Бандлик ва меҳнат муносабатлари вазирлиги томонидан “Ijro.gov.uz” ижро интизоми идоралараро ягона электрон тизими орқали келиб тушган 540 та (1 та қонун, 97 та Фармон, 279 та қарор, 10 та фармойиш ва 153 та баён) ҳужжатлардаги 2 446 та назоратга олинган бандларнинг 2 120 таси (86,6%) бажарилган, шу жумладан, 306 та (12,5%) топшириқлар муддатидан кеч бажарилган, 324 та топшириқ ижро жараёнида (13,2%), 3 та топшириқнинг ижро муддати ўтган.

@adliyangiliklari

#JamoatchilikEshituvi

Адлия вазирлиги Ўзбекистон Республикаси Президенти ҳужжатлари ва топшириқлари ижросини назорат қилиш бошқармасининг бош маслаҳатчиси Абдулҳамид Омонов:

Битирувчиларни иш билан таъминлаш бўйича индивидуал дастурлар ишлаб чиқилмаганлиги, шунингдек яратилган бўш иш ўринларига биринчи навбатда битирувчиларни жойлатириш чоралари кўрилмаганлиги сабабли 2019—2020 йилларда касб-ҳунар коллежларини битирганларнинг фақат 32 фоизи иш билан таъминланган.

@adliyangiliklari

#JamoatchilikEshituvi

Адлия вазирлиги Ўзбекистон Республикаси Президенти ҳужжатлари ва топшириқлари ижросини назорат қилиш бошқармасининг бош маслаҳатчиси Умид Миршаев:

Оммавий равишда ишдан бўшатилган (бўшатилаётган) ходимлар ҳуқуқларини ҳимоя қилиш самарали ташкил этилмаган.

@adliyangiliklari

#JamoatchilikEshituvi

Адлия вазирлиги Ўзбекистон Республикаси Президенти ҳужжатлари ва топшириқлари ижросини назорат қилиш бошқармасининг бош маслаҳатчиси Абдулҳамид Омонов:

Давлат хизматлари ягона реестрига киритилган 11 та хизмат тури Бандлик ва меҳнат муносабатлари вазирлиги томонидан кўрсатилиб келинади. Улардан 9 таси анъанавий усулда сақланиб колмоқда. Электрон тарзда кўрсатилаётган 2 та давлат хизматини ягона билинг тизимига улаш ишлари якунига етказилмаган.

@adliyangiliklari

#JamoatchilikEshituvi

Адлия вазирлиги Ўзбекистон Республикаси Президенти ҳужжатлари ва топшириқлари ижросини назорат қилиш бошқармасининг бош маслаҳатчиси Умид Миршаев:

Иш ўринларининг энг кам сонини белгилаш ва иш ўринларини захирага қўйиш ишлари қониқарсиз равишда ташкил этилган.

@adliyangiliklari

#JamoatchilikEshituvi

Адлия вазирлиги Ўзбекистон Республикаси Президенти ҳужжатлари ва топшириқлари ижросини назорат қилиш бошқармасининг бош маслаҳатчиси Умид Миршаев:

Аутстаффинг хизматларини жорий қилиш бўйича ташкилий чоралар якунига етказилмаган.

@adliyangiliklari

​#Adliya_xabari

Адлия вазирлиги: жойларда қонунчилик ҳужжатлари ижросини таъминлаш ташкиллаштирилмоқда

Ўзбекистон Республикаси адлия вазири ўринбосари Х. Мелиев 2021 йил 25 сентябрь куни Бухоро вилоятида қонунчилик ҳужжатлари ва топшириқлар ижросининг ташкил этилиши ҳамда бажарилиши, шунингдек, ушбу йўналишда юзага келаётган муаммолар ва камчиликларни бартараф этишга кўмаклашиш мақсадида амалий учрашувлар ўтказди.

Мазкур учрашувда вилоят ҳокимининг биринчи ўринбосари Н. Холмуродов ҳамда ҳокимликнинг ижро интизомига масъул таркибий бўлинмалари иштирокида қонунчилик ҳужжатлари ва топшириқлар ижросининг “республика-вилоят-туман-маҳалла” тамойили асосида ташкил этилиши ҳамда уларнинг ижро этилиши механизмлари муҳокама қилинди.

Хусусан, йиғилишда “Ijro.gov.uz” тизимини юритишда вужудга келаётган камчиликлар, ҳал этилиши ва эътибор қаратилиши зарур бўлган масалалар мавжудлиги алоҳида таъкидланди.

Шу билан бирга, соҳа вакилларининг ижро интизомини мустаҳкамлаш, “Ijro.gov.uz” тизимини янада такомиллаштириш бўйича таклиф ва мулоҳазалари тингланди.

Учрашув якуни бўйича ҳокимлик масъул ходимларига қонунчилик ҳужжатлари ва топшириқларнинг ижросига масъул ходимларни уларнинг вазифаларидан келиб чиққан ҳолда белгилаш, топшириқларни бажариш механизмлари ва муддатларини аниқ белгилаш, уларнинг ижросини ўз вақтида ва сифатли таъминлаш, ижро ҳолатини раҳбарият ҳузурида муҳокама қилиб бориш бўйича тавсиялар берилди.

@adliyangiliklari