“Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида”ги Президент Фармони мазмун-моҳияти ва аҳамиятига бағишланган матбуот анжумани

Савол. Қонун ҳужжатларида ер ажратиш тартиби ер кодексига асосан амалга оширилади. Лекин ҳозирги кунда Вазирлар Маҳкамасининг қарорлари, турли хил низомлар ва бошқа кўплаб ҳужжатлар бор. Фармон кучга киргандан кейин ҳозирги кундаги ер ажратиш ер кодексидан ташқари яна қанча ҳужжат асосида тартибга солинади?

@adliyangiliklari

“Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида”ги Президент Фармони мазмун-моҳияти ва аҳамиятига бағишланган матбуот анжумани

Савол. Ер соҳасида ҳуқуқбузарлик ҳақида хабар берган фуқаролар моддий рағбатлантирилади дейиляпти. Буни тартиби қандай бўлади? Мана шундай ҳуқуқбузарликни кўрган фуқаролар бевосита кимларга мурожаат қилишлари керак?

@adliyangiliklari

Ўзбекистон Республикаси Президентининг “Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида”ги Фармони қабул қилинди.

Фармонни қабул қилиш мақсади, унда белгиланаётган янги тартиблар бўйича, шунингдек “Ер участкаларини ажратиш ва улардан фойдаланиш тартиби такомиллаштирилиши муносабати билан Ўзбекистон Республикасининг Ер кодексига ўзгартиш ва қўшимчалар киритиш тўғрисида”ги ҳамда “Ер ҳисоби ва давлат кадастрларини юритиш тизими такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонуни лойиҳалари тўғрисида ҳам ОАВ ва жамоатчилик вакилларини хабардор қилиш мақсадида 2021 йил 9 июнь куни АОКА анжуманлар залида матбуот анжумани ўтказилди.

Батафсил: https://www.minjust.uz/uz/press-center/news/102055/

@adliyangiliklari

“Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида”ги Президент Фармони мазмун-моҳияти ва аҳамиятига бағишланган матбуот анжумани

Савол. Ер соҳасида ҳуқуқбузарлик ҳақида хабар берган фуқаролар моддий рағбатлантирилиши тартиби қанчалик адолатли деб баҳолай оласиз? Умуман олганда мазкур тартиб натижасида биз жамиятда қайсидир маънода “қулоқлар” қатламини шакллантириб қўймаймизми?

@adliyangiliklari

#Эълон

“Биз биргамиз!” ижтимоий лойиҳаси доирасида 11 июнь куни соат 10:00 да Ёшлар ижодиёт саройида навбатдаги “Мафтункор ранглар жилоси” республика танлови бўлиб ўтади.

ОАВ ходимлари ва блогерларни имконияти чекланган болалар томонидан яратилган санъат асарларидан баҳраманд бўлишга чорлаб қоламиз!

Маълумот: Адлия вазирлиги томонидан ногиронлиги бўлган шахсларни бирлаштирувчи нодавлат нотижорат ташкилотлари фаолиятини янада қўллаб-қувватлаш мақсадида 2018 йилдан “Биз биргамиз!” (“Мы вместе!” “We are together!”) ижтимоий лойиҳаси амалга оширилиб келинмоқда.

@adliyangiliklari

#Adliya_aralashgach

Адлия вазирлигининг аралашуви билан маданият ходимларининг рағбатлантириш тўловларини тўлаб бериш билан боғлиқ масала ҳал этилди

Адлия вазирлиги томонидан маданият бўлимлари ходимлари М. М. ва А. З.нинг моддий рағбатлантириш тўловлари тўланмаётганлиги тўғрисидаги мурожаатлари ўрганиб чиқилди.

👉Батафсил

@adliyangiliklari

#Adliya_aralashgach

Бугунги кунда ёшларимиз орасида хорижий мамлакатлардаги олий таълим муассасаларида таълим олишга қизиқиш ошиб бормоқда. Бироқ, ушбу олий таълим муассасаларнинг дипломларини Ўзбекистонда тан олишга келганда фуқароларнинг ҳуқуқлари ҳам бузилаётгани аниқланмоқда.

Хусусан, жорий йилнинг май ойида фуқаро А.Х Россия Федерациясининг Псков давлат университетини 2018 йилда бакалавр босқичининг “Тарих” мутахассислигини тамомлаганлигини тасдиқловчи ҳужжатларини Вазирлар Маҳкамаси ҳузуридаги Таълим сифатини назорат қилиш давлат инспексияси (кейинг ўринларда давлат инспексияси деб юритилади) тўғридан-тўғри тан олишни рад этганлигидан норози бўлиб Адлия вазирлигига мурожаат қилди.

👉Батафсил

@adliyangiliklari

​#Adliya_xabari

11 июнь куни Ўзбекистон Республикаси Адлия вазирлигининг навбатдан ташқари кенгайтирилган ҳайъат мажлиси бўлиб ўтди.

Унда Ўзбекистон Республикаси Президентининг “Ijro.gov.uz” ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида” қарори ҳамда “Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида”ги Фармони ижросини таъминлаш бўйича келгусида бажарилиши лозим бўлган устувор вазифалар муҳокама қилинди.

Ҳайъат мажлиси видеконференцалоқа шаклида ўтказилиб, унда адлия органлари ва муассасаларининг раҳбар ва масъул ходимлари иштирок этишди.

Мажлис давомида қонунчилик ҳужжатлари ва топшириқлар ижроси назоратини самарали ташкил қилиш, Президентнинг ер тўғрисидаги қонунчиликни такомиллаштиришга оид Фармони ижросини таъминлаш бўйича ҳудудий адлия органларига белгиланган вазифалар муҳокама қилинди.

Шунингдек, юридик техникум битирувчиларининг илк маротаба Тошкент давлат юридик университетига кириш ҳудудий адлия органларининг йўлланмалари бўйича тест синовларисиз якка тартибдаги суҳбат асосида қабул қилиниши алоҳида назоратда олиниши бўйича керакли кўрсатмалар берилди.

Адлия вазирлиги
Жамоатчилик билан алоқалар бўлими

@adliyangiliklari

​Тошкент давлат юридик университетига якка тартибдаги суҳбат натижасида кирганларга грант асосида ҳам ўқиш имконияти яратилди

Адлия вазирлиги юридик техникумлари ва ТДЮУ ҳузуридаги академик лицейнини битириб, якка тартибдаги суҳбат натижаларига кўра Тошкент давлат юридик университетига ўқишга кирган битирувчилар ҳам грант асосида ўқиш имкониятига эга бўлди.

Вазирлар Маҳкамасининг 2021 йил 10 июндаги 359-сон қарори билан Вазирлар Маҳкамасининг 2020 йил 30 октябрдаги 677-сон қарорига тегишли қўшимча киритилди.

Унга кўра, Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармаларининг йўлланмалари ҳамда ТДЮУ қошидаги академик лицей тавсияномалари асосида кириш тест синовларисиз якка тартибдаги суҳбат натижаларига кўра ТДЮУ бакалавриатига ўқишга кирган юридик техникумлар ва академик лицейнинг битирувчиларига (абитуриентларга) грантлар ажратилиши мумкинлиги белгиланди.

Мазкур грантлар Ўзбекистон Республикаси Адлия вазирлиги томонидан белгиланган тартибда ажратилади.

Маълумот учун: шу каби суҳбатдан ўтган битирувчилар шу кунгача фақатгина тўлов-контракт асосида ўқиш имконияти мавжуд эди.

Адлия вазирлиги
Жамоатчилик билан алоқалар бўлими

@adliyangiliklari

#Ochiq_adliya

Adliya vazirligi: ichkaridan nigoh

https://www.youtube.com/watch?v=YAHD2-I4Uhk

@adliyangiliklari