#Adliya_xabari

Adliya vazirligida O‘zbek tili bayrami

21-oktyabr kuni yurtimizda O‘zbek tili bayrami keng nishonlanadi. Shu munosabat bilan Adliya vazirligi markaziy apparatida “Sen borki, xalq bo‘lib birlashamiz biz” mavzusida ma’naviy-ma’rifiy tadbir bo‘lib o‘tdi.

Tadbirda tilshunos olim, filologiya fanlari doktori, professor Shuhrat Ko‘chimov, taniqli shoir, jurnalist, O‘zbekistonda xizmat ko‘rsatgan madaniyat xodimi Eshqobil Shukur hamda taniqli shoira, jurnalist, O‘zbekistonda xizmat ko‘rsatgan madaniyat xodimi Zebo Mirzo ishtirok etdi.

Uchrashuvda qonun hujjatlari tilining aniqligi va ravonligi, yoshlar orasida ona tiliga e’tibor va hurmatni kuchaytirish, shuningdek, o‘zbek tilining xalqimizni birlashtiruvchi, hamjihatlik va milliy birdamlikni mustahkamlovchi umummilliy qadriyat sifatidagi o‘rni haqida fikr almashildi.

Tadbir ustozlar va yoshlar o‘rtasidagi samimiy, sermazmun muloqotga ulanib, ona tilimizning buguni va kelajagi haqidagi mushohadalar, qiziqarli savol-javoblar bilan yanada mazmunli tus oldi.

🌐 website 📱 facebook 📱 instagram 📱 linkedIn 📱 youtube 📱 twitter

📍 Jizzaxda to‘lovga qobiliyatsizlik jarayonidagi korxonalar holati o‘rganildi

O‘zbekiston Respublikasi Adliya vaziri huzuridagi To‘lovga qobiliyatsizlik ishlari agentligi tomonidan tashkil etilgan ishchi guruh Jizzax viloyatidagi to‘lovga qobiliyatsizlik jarayonida bo‘lgan korxonalar faoliyatini joyiga chiqqan holda o‘rgandi.

🏢 Xususan, “KARBONAT” AJ, “GOLDFIBER PRO” MCHJ, “JIZZAX YO‘L QURISH-TA’MIRLASH” MCHJ hamda “GOLD FISH AGRO EXPORT” MCHJning joriy holati tahlil qilindi.

🔎 O‘rganish davomida:
— to‘lovga qobiliyatsizlik tartib-taomillarining qonunchilik talablariga muvofiqligi;
— korxonalarga tegishli mol-mulklarning mavjudligi va saqlanishi;
— mol-mulklarni inventarizatsiya qilish, baholash, ijaraga berish va realizatsiya qilish jarayonlari;
— kreditorlik qarzdorliklari;
— ishlarning davomiyligi va ularning cho‘zilishiga sabab bo‘layotgan omillar ko‘rib chiqildi.

📈 Shuningdek, korxonalar faoliyatini tiklash, moliyaviy holatini sog‘lomlashtirish, ishlab chiqarish salohiyatidan samarali foydalanish va mavjud ish o‘rinlarini saqlab qolish imkoniyatlariga alohida e’tibor qaratildi.

🤝 O‘rganish yakunlari bo‘yicha aniqlangan muammolarni qonunchilikda belgilangan tartibda hal etish, to‘lovga qobiliyatsizlik jarayonlarini samarali tashkil etish hamda ularning asossiz cho‘zilishiga yo‘l qo‘ymaslik yuzasidan tegishli tavsiyalar berildi.

Asosiy maqsad — korxonalarni imkon qadar tiklash, ish o‘rinlarini saqlash va kreditorlarning qonuniy manfaatlarini ta’minlash.

📱Website📱Telegram
📱Facebook 📱Instagram