🤝 Institut va YUNESKO vakillari o‘rtasida hamkorlik istiqbollari muhokama qilindi

⏺ Adliya vazirligi huzuridagi Yuridik kadrlarni qayta tayyorlash va malakasini oshirish institutida BMTning Ta’lim, fan va madaniyat masalalari bo‘yicha tashkiloti – YUNESKOning O‘zbekistondagi vakolatxonasi vakillari bilan uchrashuv bo‘lib o‘tdi.

⚡️ Uchrashuv davomida tomonlar o‘rtasidagi amaldagi hamkorlik aloqalari sarhisob qilinib, yuridik ta’limni rivojlantirish, ilmiy-tadqiqot faoliyatini qo‘llab-quvvatlash, xalqaro tajribalarni o‘quv jarayoniga joriy etish hamda malaka oshirish yo‘nalishlarida istiqboldagi hamkorlik masalalari yuzasidan fikr almashildi.

✅ Shuningdek, yuridik ta’lim sifatini oshirish, qo‘shma ilmiy-amaliy tadbirlar, seminar va treninglarni tashkil etish, shuningdek xalqaro hamkorlikni yanada kengaytirish bo‘yicha takliflar muhokama qilindi.

🖥 Uchrashuv yakunida tomonlar o‘zaro manfaatli hamkorlikni izchil rivojlantirish va kelgusida qo‘shma loyihalarni amalga oshirishga tayyor ekanliklarini bildirdilar.

📱minjusttraining.uz📱Facebook📱Instagram📱Telegram

#Adliya_va_yoshlar
#Rahbar_va_yoshlar

⚔️ "Rahbar va yoshlar" uchrashuvi doirasida ochiq muloqot o‘tkazildi

📍 Qoraqalpog‘iston Respublikasi adliya vaziri tomonidan Qo‘ng‘irot tumanidagi Yoshlar markazida "Payshanba – yoshlar kuni" doirasida "Rahbar va yoshlar" uchrashuvi tashkil etildi.

💬 Ochiq muloqot davomida yoshlarning ta’lim olishi, sog‘lom turmush tarzi, ijtimoiy sharoitlari va kelajakdagi rejalari yuzasidan fikrlari tinglandi. Shuningdek, ularga yaratilayotgan imkoniyatlar hamda "Muvaffaqiyat sirlari" mavzusida samimiy suhbat tashkil etilib, hayotiy tajribalar va tavsiyalar ulashildi.

📝 Uchrashuvda yoshlar tomonidan ilgari surilgan taklif va tashabbuslar muhokama qilinib, ularning murojaatlari yuzasidan tegishli choralar ko‘rilishi belgilandi.

✅ Bunday uchrashuvlar yoshlar bilan ochiq muloqotni mustahkamlash, ularning tashabbuslarini qo‘llab-quvvatlash hamda kelajakdagi maqsadlariga erishishda motivatsiya berishga xizmat qilmoqda.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_va_yoshlar

⚔️ Jazoni ijro etish muassasasidagi yoshlar bilan ochiq muloqot o‘tkazildi

📍 Namangan viloyati adliya boshqarmasi tomonidan hamkor tashkilotlar bilan birgalikda "Xavfsiz va sog‘lom yurt" maxsus profilaktik tadbiri doirasida Uychi tumanidagi 6-son tergov hibsxonasida jazo muddatini o‘tayotgan yoshlar bilan ochiq muloqot tashkil etildi.

⚖️ Muloqot davomida yoshlarning huquqiy ongi va huquqiy madaniyatini yuksaltirish, qonunlarga hurmat ruhini mustahkamlash, sodir etilgan xatolardan to‘g‘ri xulosa chiqarish hamda ozodlikka chiqqach jamiyatga muvaffaqiyatli moslashishlari uchun yaratilayotgan imkoniyatlar haqida tushuntirishlar berildi.

💬 Shuningdek, yoshlarga mamlakatimizda ularning huquq va manfaatlarini himoya qilish, bandligini ta’minlash, kasb-hunar egallashi hamda "Muvaffaqiyat sirlari" mavzusida hayotda munosib o‘rin topishga xizmat qiladigan imkoniyatlar haqida ma’lumot berildi.

📚 Tadbir yakunida jazoni ijro etish muassasasiga yoshlarning huquqiy savodxonligini oshirishga xizmat qiladigan huquqiy adabiyotlar jamlanmasi topshirildi.

✅ Bunday uchrashuvlar yoshlarning huquqiy bilimlarini mustahkamlash, takroriy huquqbuzarliklarning oldini olish hamda ularni jamiyatga muvaffaqiyatli qayta integratsiya qilishga xizmat qilmoqda.

🌐 website 📱 facebook 📱 instagram 📱 linkedIn 📱 youtube 📱 twitter