#Qonunchilikdagi_yangiliklar

⚔️Sobiq davlat xizmatchilarini ishga qabul qilishdan oldin korrupsiyaga qarshi xulosa olish tartibi tasdiqlandi

📑 Adliya vazirligi sobiq davlat xizmatchilarini ishga qabul qilishda korrupsiyaga qarshi ichki nazorat bo‘linmasidan xulosa olish bo‘yicha idoraviy hujjatni davlat ro‘yxatidan o‘tkazdi (ro‘yxat raqami 3894, 2026-yil 8-iyul).

📌 Mazkur hujjat “Manfaatlar to‘qnashuvi to‘g‘risida”gi Qonun ijrosini ta’minlash maqsadida qabul qilindi.

ℹ️ Eslatib o‘tamiz, ushbu Qonunda davlat organi yoki tashkilotida ishlagan xodim ishdan bo'shaganidan keyin 2 yil davomida uni o‘zi nazorat qilgan tashkilotga ishga olishdan oldin avvalgi ish joyining korrupsiyaga qarshi ichki nazorat bo‘linmasidan majburiy xulosa olinishi belgilangan.

📌 Bunda, nazorat ostida bo‘lgan tashkilot sobiq davlat xizmatchisini ishga qabul qilmoqchi bo‘lsa, kadrlar bo‘limi bir ish kuni ichida ichki nazorat bo‘linmasiga murojaat qiladi.

📝 Ichki nazorat bo‘linmasi uch xil xulosa beradi:

🟢 ijobiy — ishga qabul qilish mumkin;
🟡 cheklovli ijobiy — ayrim cheklovlar bilan ishga qabul qilinadi;
🔴 salbiy — ishga qabul qilish rad etiladi.

❗️ Ushbu xulosa olinmagan yoki salbiy xulosa berilgan taqdirda nomzodni ishga qabul qilish taqiqlanadi.

📋 Cheklovli ijobiy xulosa berilganda, xodimga quyidagi choralar belgilanadi:

✔️ 3 oy davomida avval nazorat qilgan tashkilot bo‘yicha qarorlar qabul qilishda ishtirok eta olmaydi;
✔️ manfaatlar to‘qnashuviga olib kelishi mumkin bo‘lgan vazifalari qayta taqsimlanadi;
✔️ faoliyati ichki nazorat bo‘linmasi tomonidan monitoring qilinadi.

✅ Agar sobiq davlat xizmatchisi ichki nazorat bo‘linmasining xulosasidan norozi bo‘lsa, u yuqori turuvchi tashkilotga yoki Korrupsiyaga qarshi kurashish agentligiga shikoyat qilish huquqiga ega.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_va_yoshlar
#Rahbar_va_yoshlar
⚔️ Navoiyda yoshlar bilan ochiq muloqot o‘tkazildi

📍Navoiy viloyatidagi bolalar yozgi dam olish maskanlarida "Rahbar va yoshlar" uchrashuvi doirasida yoshlar bilan ochiq muloqot tashkil etildi.

🧠 Tadbir davomida yoshlar o‘rtasida huquqiy viktorina o‘tkazilib, ularning huquqiy bilim va savodxonligi sinovdan o‘tkazildi. Faol ishtirokchilar hamda g‘oliblar esdalik sovg‘alari bilan taqdirlandi.

🏢 Shuningdek, Navoiy shahar Davlat xizmatlari markazida yoshlar uchun "Ochiq eshiklar kuni" tashkil etildi.

💻 Tadbir davomida yigit-qizlar davlat xizmatlarini ko‘rsatish jarayonlari, sohada amalga oshirilayotgan raqamlashtirish ishlari hamda zamonaviy elektron xizmatlar bilan yaqindan tanishish imkoniyatiga ega bo‘ldilar.

✅ Mazkur tadbirlar yoshlarning huquqiy bilimlarini mustahkamlash, davlat xizmatlari to‘g‘risidagi tasavvurlarini kengaytirish hamda ularning davlat organlari faoliyatiga qiziqishini oshirishga xizmat qildi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_va_yoshlar
#Yoshlar_kuni

⚔️ "Adliya kubogi" mini futbol musobaqasi g‘oliblari aniqlandi

📍"Yoshlar kuni" doirasida sportning mini futbol turi bo‘yicha Toshkent shahar adliya boshqarmasi boshlig‘i kubogi musobaqasi yakunlandi.

🤝 Musobaqaning taqdirlash marosimida Toshkent shahar adliya boshqarmasi boshlig‘i ishtirok etib, barcha ishtirokchilarni sport bayrami bilan tabrikladi hamda musobaqa g‘oliblarini taqdirladi.

🎖 G‘olib jamoalar tegishli darajadagi diplomlar hamda pul mukofotlari bilan taqdirlandi.

✅ Sport musobaqasi xodimlar o‘rtasida sog‘lom turmush tarzini targ‘ib qilish, jismoniy faollikni oshirish, jamoaviy hamjihatlikni mustahkamlash va sog‘lom raqobat muhitini rivojlantirishga xizmat qildi.

🌐 website 📱 facebook 📱 instagram 📱 linkedIn 📱 youtube 📱 twitter

#Yoshlar_kuni
#RAhbar_va_yoshlar

❗️Qo'qon shahridagi "Amiriy" kutubxonasida Farg'ona viloyat adliya boshqarmasi boshlig'i bilan "Rahbar va yoshlar" uchrashuvi o'tkazildi

Ochiq muloqot shaklida o'tgan ushbu uchrashuvda yoshlarning fikr va tashabbuslari tinglanib, ularga davlat tomonidan yaratilayotgan imkoniyatlar, ta’lim olish, kasb tanlash hamda o‘z ustida muntazam ishlashning ahamiyati haqida tavsiyalar berildi.

Shuningdek, kitobxonlik madaniyatini rivojlantirish, elektron va qog‘oz kitoblarning afzalliklari hamda zamonaviy ta’lim platformalaridan samarali foydalanish masalalari ham muhokama qilindi.

Tadbir yoshlarning huquqiy savodxonligini oshirish, ularning tashabbuslarini qo‘llab-quvvatlash hamda davlat organlari bilan ochiq muloqotni mustahkamlashga xizmat qildi.