#Adliya_xabari

💼 Biznes muammolari endi e’tiborsiz qolmaydi: Adliya vazirligi huzuridagi To‘lovga qobiliyatsizlik ishlari agentligi amalda

📌 Oradan ikki oy o‘tdi. Shu vaqt ichida O‘zbekiston Respublikasi Prezidentining Farmoni bilan tashkil etilgan Adliya vazirligi huzuridagi To‘lovga qobiliyatsizlik ishlari agentligi o‘z faoliyatini izchil yo‘lga qo‘ymoqda.

❓ Ko‘pchilik “yangi agentlik nima bilan shug‘ullanadi?” degan savolni beradi. Aslida uning asosiy vazifasi moliyaviy qiyinchilikka duch kelgan korxonalarni imkon qadar saqlab qolish, ularning faoliyatini tiklash va tadbirkorlarga amaliy ko‘mak berishdan iborat.

📈 Ilgari korxona iqtisodiy nochor ahvolga tushib qolsa, bu ko‘pincha faqat sud jarayoni yoki tugatilish bilan bog‘liq masala sifatida qaralardi. Endilikda esa yondashuv o‘zgarmoqda. Asosiy e’tibor korxonani yopishga emas, balki uni tiklashga, ish o‘rinlarini saqlab qolishga va biznesning faoliyatini davom ettirishiga qaratilmoqda.

🤝 Agentlik o‘tgan ikki oy davomida ushbu yo‘nalishda tizimli ishlarni boshladi. Davlat organlari, ekspertlar, tadbirkorlik subyektlari va boshqa manfaatdor tomonlar bilan muntazam uchrashuvlar tashkil etilib, mavjud muammolar ochiq muhokama qilinmoqda.

📍 Xususan, 8-iyul kuni iqtisodiy nochor va zarar ko‘rib faoliyat yuritayotgan korxonalar rahbarlari bilan navbatdagi ochiq muloqot o‘tkazildi. Uchrashuv davomida tadbirkorlar o‘zlarini qiynayotgan masalalarni bevosita bayon qildilar, amaliyotda uchrayotgan muammolar va ularni hal etish bo‘yicha takliflarini bildirdilar.

⚖️ Bunday uchrashuvlar oddiy muloqot bilangina cheklanmaydi. Ularning asosiy maqsadi – qonunchilikni yanada takomillashtirish, ortiqcha byurokratik to‘siqlarni kamaytirish, biznes uchun qulay va shaffof mexanizmlarni yaratish hamda to‘lovga qobiliyatsizlik bilan bog‘liq jarayonlarni zamonaviy yondashuvlar asosida tashkil etishdir.

🌍 Bugungi kunda dunyo tajribasi shuni ko‘rsatadiki, moliyaviy qiyinchilikka uchragan korxonani qo‘llab-quvvatlash iqtisodiyot uchun ham, davlat uchun ham, tadbirkorning o‘zi uchun ham eng maqbul yechim hisoblanadi. Chunki bu ishlab chiqarish quvvatlarini, ish o‘rinlarini va investitsiyalarni saqlab qolishga xizmat qiladi.

🔄 Shu bois Agentlik faoliyati ham aynan ochiq muloqot, hamkorlik va muammolarni joyida o‘rganish tamoyiliga asoslanmoqda. Har bir uchrashuv yangi takliflar, yangi yechimlar va biznesni qo‘llab-quvvatlashga qaratilgan amaliy tashabbuslar uchun muhim maydonga aylanmoqda.

✅ To‘lovga qobiliyatsizlik ishlari agentligi o‘z faoliyatining dastlabki oylaridanoq biznes bilan bevosita muloqotni ustuvor yo‘nalish sifatida belgiladi. Bu esa kelgusida tadbirkorlikni rivojlantirish, korxonalarni sog‘lomlashtirish va mamlakat iqtisodiyotining barqarorligini ta’minlash yo‘lidagi muhim qadamlardan biri bo‘lib xizmat qiladi.

🌐 website 📱 facebook 📱 instagram 📱 linkedIn 📱 youtube 📱 twitter

#Sayyor_qabul

❗️Toshloq tumanida tadbirkorlar va aholi uchun sayyor qabul o‘tkazildi

Toshloq tumanidagi 22-sonli musiqa va san’at maktabida Farg‘ona viloyati adliya boshqarmasi boshlig‘ining birinchi o‘rinbosari hamda viloyat hokimining birinchi o‘rinbosari ishtirokida sayyor qabul bo‘lib o‘tdi.

Sayyor qabul davomida 40 dan ortiq tadbirkorlar va aholining yer-mulk munosabatlari, meros huquqi, kredit olish, notarial xizmatlar hamda sud-huquq sohasidagi murojaatlari ko‘rib chiqildi.

Murojaatlarning 20 dan ortig'iga joyida huquqiy tushuntirishlar berildi, 5 dan ortiq muammo o'z o'rnida bartaraf etildi. Qo‘shimcha o‘rganish talab etadigan 15 ga yaqin murojaat nazoratga olinib, ularni hal etish bo‘yicha mas’ullarga aniq topshiriqlar yuklatildi.

🌐 website 📱 facebook 📱 instagram 📱 linkedIn 📱 youtube 📱 twitter

🇺🇿 O‘zbekiston va Koreya Respublikasi intellektual mulk sohasidagi hamkorlikni yanada mustahkamlamoqda

📍 Shveysariyaning Jeneva shahrida o‘tayotgan Butunjahon intellektual mulk tashkiloti (BIMT)ga a’zo davlatlar Assambleyalarining 68-seriyasi doirasida O‘zbekiston Respublikasi delegatsiyasi Adliya vaziri o‘rinbosari – intellektual mulk masalalari bo‘yicha milliy organ rahbari Muzraf Ikramov boshchiligida Koreya Respublikasi Intellektual mulk vaziri Kim Yong Sun bilan ikki tomonlama uchrashuv o‘tkazdi.

Uchrashuv davomida:

✅ O‘zbekiston va Koreya Respublikasi o‘rtasida intellektual mulk sohasidagi strategik hamkorlikning bugungi holati hamda uni yanada rivojlantirish istiqbollari muhokama qilindi;

✅ KOICA dasturi doirasida amalga oshirilayotgan “O‘zbekistonda intellektual mulk sohasida davlat boshqaruvi tizimini takomillashtirish” loyihasi yuqori baholanib, uni samarali davom ettirish bo‘yicha fikr almashildi;

✅ Intellektual mulk huquqlari buzilishi natijasida yetkazilgan zararni baholash va qoplash mexanizmlarini takomillashtirish, mutaxassislar salohiyatini oshirish hamda ilg‘or Koreya tajribasini joriy etish masalalari yuzasidan fikr almashildi.

🌐 Tomonlar O‘zbekiston Respublikasi Adliya vazirligi hamda Koreya Respublikasi Intellektual mulk vazirligi o‘rtasida intellektual mulk sohasidagi hamkorlik to‘g‘risidagi Anglashuv memorandumini imzolash bo‘yicha yakuniy kelishuvga erishdilar.

🤝 Uchrashuv yakunida tomonlar intellektual mulk sohasida institutsional hamkorlikni yanada kengaytirish, qo‘shma loyihalarni izchil amalga oshirish hamda tajriba almashishni davom ettirishga tayyor ekanliklarini tasdiqladilar.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_aralashgach

⚔️Adliya aralashuvi bilan bir oilaning 6 nafar farzandiga tug‘ilganlik haqidagi guvohnoma rasmiylashtirildi

📍Toshkent shahar adliya boshqarmasi va Bektemir tuman hokimligi hamkorligida tumandagi "Iyk ota" mahallasida tug‘ilganlik haqidagi guvohnomaga ega bo‘lmagan fuqarolarni aniqlash maqsadida xatlov o‘tkazildi.

🔍 Xatlov davomida mazkur mahallada yashovchi fuqaroning 6 nafar farzandi tug‘ilganlik haqidagi guvohnomaga ega emasligi va shu sababli oila uzoq yillar davomida huquqiy muammolarga duch kelib kelayotgani aniqlandi.

⚖️ Adliya organlari hamda tuman hokimligi tomonidan ko‘rilgan huquqiy va amaliy choralar natijasida muammo ijobiy hal etildi.

✅ Natijada 6 nafar bolaga tug‘ilganlik haqidagi guvohnomalar rasmiylashtirib berildi.

🤝 Fuqarolarning huquqlarini ta’minlash hamda ularni qiynayotgan huquqiy muammolarga yechim topish borasidagi ishlar izchil davom ettirilmoqda.

🌐 website 📱 facebook 📱 instagram 📱 linkedIn 📱 youtube 📱 twitter