🫥 “Adolat sayli” — huquqiy targ‘ibotning yirik maydoni

Qarshi shahrida Adliya vazirligi tashabbusi bilan tashkil etilgan “Adolat sayli” keng jamoatchilik ishtirokida yuqori saviyada o‘tkazildi.

Tadbirda 1000 nafardan ortiq fuqaro, yoshlar, davlat va jamoat tashkilotlari vakillari hamda nuroniylar qatnashdi. Sayl davomida fuqarolarga bepul huquqiy maslahatlar berilib, davlat xizmatlari, FHDY, notariat, intellektual mulk va boshqa yo‘nalishlar bo‘yicha murojaatlar qabul qilindi.

✅huquqiy va badiiy adabiyotlar ko‘rgazmasi;
✅ nogironligi bo‘lgan shaxslar tomonidan tayyorlangan mahsulotlar ko‘rgazmasi;
✅“Street Law” huquqiy viktorinalari;
✅ huquqiy xizmatlar yarmarkasi;
✅ madaniy-konsert dasturlari tashkil etildi.

Tadbir doirasida 10 nafar fuqaroning o‘zboshimchalik bilan egallab olingan yer uchastkalari hamda ulardagi bino va inshootlarga bo‘lgan huquqlari tantanali ravishda e’tirof etildi.

“Adolat sayli” aholining huquqiy savodxonligini oshirish, huquqiy xizmatlarni yanada yaqinlashtirish hamda davlat organlari bilan fuqarolar o‘rtasidagi ochiq muloqotni mustahkamlashga xizmat qilmoqda.

🌀Bizni ijtimoiy tarmoqlarda kuzating❗️
🌐 facebook |▶️️• youtube |🌐 • rasmiy sayt |🌐 • telegram |🌐 • instagram