#Adliya_xabari

Adliya vaziri boshchiligidagi vazirlik jamoasi Islom sivilizatsiyasi markazida

Bugun Adliya vazirligi markaziy apparati xodimlari vazir boshchiligida Oʻzbekistondagi Islom sivilizatsiyasi markaziga tashrif buyurishdi.

Tashrif davomida xodimlar markazning bunyod etilishi, unda amalga oshirilayotgan ilmiy-ma’rifiy loyihalar hamda xalqimizning boy tarixiy, diniy va madaniy merosini keng targ‘ib etishga qaratilgan faoliyati bilan yaqindan tanishdilar.

Shuningdek, markaz ekspozitsiyalari orqali buyuk ajdodlarimizning ilm-fan va sivilizatsiya rivojiga qo‘shgan ulkan hissasi haqida batafsil ma’lumotlar berildi.

Mazkur tashrif xodimlarning tarixiy merosimiz va milliy qadriyatlarimiz haqidagi bilimlarini yanada boyitishga xizmat qildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari
#Huquqiy_targibot

⚖️ Huquqiy madaniyat maktabdan boshlanadi: Toshkent shahridagi 231- va 206-maktablarda “Huquq sinfi” tashkil etildi

Toshkent davlat yuridik universiteti jamoasi tomonidan O‘zbekiston Respublikasi Prezidentining 2026-yil 5-yanvardagi PQ–1-son qarori ijrosi doirasida Yashnobod tumanida qator amaliy ishlar amalga oshirilmoqda.

Mazkur ishlarning uzviy davomi sifatida Toshkent shahridagi 231- hamda 206-umumta’lim maktablarida “Huquq sinfi” tashkil etildi.

“Huquq sinfi”ning ochilish marosimida TDYU rektori Baxshillo Xodjayev ishtirok etib, mazkur loyiha yoshlarning huquqiy bilimlarini oshirish, ularni qonunlarga hurmat ruhida tarbiyalash hamda huquqiy madaniyatni maktab bosqichidan boshlab shakllantirishda muhim ahamiyat kasb etishini ta’kidladi.

Qayd etilganidek, “Huquq sinfi” o‘quvchilar uchun nafaqat nazariy bilim olish, balki kundalik hayotda uchraydigan huquqiy vaziyatlarni tushunish, o‘z huquq va majburiyatlarini anglash hamda qonuniy fikrlash ko‘nikmalarini rivojlantirishga xizmat qiluvchi amaliy maydon bo‘ladi.

Shuningdek, bunday tashabbuslar yosh avlodning huquqiy savodxonligini oshirish, ularda qonunga hurmat, mas’uliyat va faol fuqarolik pozitsiyasini shakllantirish, yoshlar o‘rtasida huquqbuzarliklarning oldini olish hamda maktab, mahalla va oliy ta’lim muassasalari o‘rtasidagi hamkorlikni mustahkamlashga xizmat qilishi ta’kidlandi.